Gurtaaki 14:22 - Fulfulde Bible

²² Isra'iila'en eeri caka maayo dow joorɗum. Ndiyamji ndari bana mahol haa nyaamo maɓɓe e nano maɓɓe.

Fulfulde DC Bible

²² Isra'iila'en eeri caka maayo dow joorɗum. Ndiyamji ndari bana mahol haa nyaamo maɓɓe e nano maɓɓe.

Gurtaaki 14:22 Iomraidhean Croise

2 Laamiiɓe 2:14

O hoo'i alkibbaare man, o fiyi ndiyam bee maare, o wi'i: “Toy Allah Jawmiraawo Eliya?” Nde Elisa fiyi ndiyam, ɗam senndi geɓe ɗiɗi, Elisa eeri.

2 Laamiiɓe 2:8

Eliya hoo'i alkibbaare muuɗum, taggi nde, fiyi ndiyam bee maare. Ɗam senndi geɓe ɗiɗi. Ɓe eeri dow joorɗum.

Nehemiya 9:11

A seeki maayo yeeso maɓɓe, ɓe eeri caka maago dow joorɗum. Ammaa taasnuɓe ɓe, a do'i ɓe nder luggeeŋga bana goɗɗo sakkinirta hayre nder ndiyam iloojam bee semmbe.

Jabuura 106:9

O telɓani maayo Maaliya, ngo ɓeeɓi, o eerni yimɓe maako nder lugguɗum maayo bana dow lesdi njoorndi.

Jabuura 136:13

O senndi maayo Maaliya geɓe ɗiɗi – mbooɗeeŋga maako ɗon haa abada.

Jabuura 136:14

O eerni yimɓe Isra'iila haa caka maago – mbooɗeeŋga maako ɗon haa abada.

Jabuura 66:6

O wartiri mbeela lesdi njoorndi, ɓe ta'i maayo bee kosɗe. Kanjum waɗi en ceyori mo!

Jabuura 74:15

A ɓulni ceeɓooje e maaje, a ɓeeɓni maaje mawɗe ɗe ɓeeɓataano.

Jabuura 78:13

O seeki maayo, o eerni ɓe, o darni ndiyamji bana mahol.

Gurtaaki 14:29

Isra'iila'en kam, eeri caka maayo dow joorɗum, ndiyamji ndari bana mahol haa nyaamo e nano maɓɓe.

Gurtaaki 15:19

Nde pucci e mootaaji pucci e wa'iiɓe pucci Firawna nasti maayo, Jawmiraawo wartiri ndiyamji maago dow maɓɓe. Ammaa Isra'iila'en eeri caka maayo dow joorɗum.

Gurtaaki 15:8

Ndiyamji njowndindiri ngam daliila poofɗe kine ma, ilamji ndari bana mahol, ndiyamji lugguɗi ƴuuge caati nder reedu maayo!

Esaaya 11:15

Jawmiraawo ɓeeɓnan lonyoodu mbeela Misra, ruggoto maayo Efratis. Bee nguleeŋga poofɗe maako o seekan ngo, ngo senndititto maahoy njoweeɗiɗoy, haa goɗɗo eero koy bee paɗe.

Esaaya 11:16

Bana non laawol jaasŋgol ɗon ngam luttuɓe yimɓe maako, luttanɓe haa Assuura, bana ngol laatorani Isra'iila'en ɓooyma, saa'i gurtaaki maɓɓe e Misra.

Esaaya 43:16

Jawmiraawo seeki laawol dow mbeela, dow ndiyamji cemmbiɗɗi,

Esaaya 51:10

Naa an ɓeeɓni mbeela, ndiyamji ilam lugguɗam, a waɗi laawol dow ndiyamji lugguɗi, haa hisnaaɓe ma caalo?

Esaaya 63:12

mo baawɗe muuɗum mawɗe ɗonno haa nyaamo Muusa, mo seeki ndiyamji yeeso maɓɓe, haa o waɗani hoore maako innde duumiinde?

Esaaya 63:13

O saalini ɓe nder ndiyam lugguɗam, bana pucci nder ladde hamaadaare, ɓe pergaaki sam.

Zekariya 2:5

Mi tijji, mi yi'i goɗɗo ɗon jogi ɓoggol poondirgol.

Limle 33:8

Ɓe ummi Pii-Hahirot, ɓe caali weendu kewe, ɓe nasti ladde. Ɓe njehi nyalɗe tati nder ladde Etam, nden ɓe caŋngini haa Maara.

1 Korintu'en 10:1

Deerɗiraaɓe am, mi yiɗi on ciftora ko laatani kaakiraaɓe meeɗen. Ɓe fuu maɓɓe ɗowdi ruuldere faddi ɓe. Ɓe fuu ɓe eeri maayo Maaliya.

Ibraniŋke'en 11:29

Bee nuɗɗinki, Isra'iila'en eeri maayo Maaliya bana dow lesdi njoorndi. Maayo moɗi Misra'en nde ɓe poondi eeraago ngo.

Yosuwa 3:16

ndiyam acci ilugo, dari bana mahol daayiiɗum masin, haa Adaama, wuro wonŋgo kommbi Jaretaan gal seeɓoore ndiyam. Ndiyam ilanɗam gal weendu Araba, waato Weendu Mannda, ta'i ndiŋ. Ummaatoore heɓi eeraago haa nokkuure tiitotirnde bee Yeriko.

Yosuwa 3:17

Saa'i Isra'iila'en ɗon eero dow joorɗum, liman'en roondooɓe sundukru alkawal Jawmiraawo ɗon ndari dow joorɗum caka Urdun, haa ummaatoore fuu saali.

Yosuwa 4:22

anndine koy: Isra'iila'en eeri maayo Urdun ngo dow joorɗum.

1 Samuyila 25:16

Wakkati min ngondi bee maɓɓe e min ndurdi fuu, ɓe ayni min jemma e nyalawma bana mahol taariiŋgol min.