Gurtaaki 13:5 - Fulfulde Bible

⁵ On ciftoran ɗum ko laati nder lewru ndu'u, hitaande fuu, to Jawmiraawo nastini on nder lesdi Kanaani'en e Heti'en e Amoori'en e Hewi'en e Yebusi'en. Ɗum lesdi ndi o hunani kaakiraaɓe mooɗon, o hokkan ɓe ndi. Ɗum lesdi keewndi kosam e njumri.

Fulfulde DC Bible

⁵ On ciftoran ɗum ko laati nder lewru ndu'u, hitaande fuu, to Jawmiraawo nastini on nder lesdi Kanaani'en e Heti'en e Amoori'en e Hewi'en e Yebusi'en. Ɗum lesdi ndi o hunani kaakiraaɓe mooɗon, o hokkan ɓe ndi. Ɗum lesdi keewndi kosam e njumri.

Gurtaaki 13:5 Iomraidhean Croise

Laataanooji 26:3

Faɓɓu nder maari, mi wondan bee ma, mi barkiɗinte. Ngam an danygol ma ndokkanmi lesɗe ɗe'e fuu. Mi tabitinan hunayeere nde kunaniimi baaba ma Ibrahiima.

Laataanooji 50:24

Yusufu wi'i deerɗum'en: “Mi maayan, ammaa fakat, Allah accataa on, o wurtinan on diga Misra, o yahran on lesdi ndi o hunani Ibrahiima e Isiyaaku e Yaakubu.”

1 Habaruuji Nyalaaɗe 1:15

e Hewi'en e Arki'en e Siniti'en

Gurtaaki 12:24

Sey on njogo ɗum bana farilla dow mooɗon e ɓiɓɓe mooɗon haa foroy.

Gurtaaki 13:10

Ɗowtane farilla ka'a nder wakkati maaka diga hitaande haa hitaande.

Gurtaaki 13:11

Muusa tokki wi'ugo: To Jawmiraawo nastini on nder lesdi Kanaani'en ndi o iinani on e kaakiraaɓe mooɗon, to o hokki on ndi,

Gurtaaki 3:17

O wi'i: Mi wurtinan on diga toskaare lesdi Misra, mi yahra on haa lesdi Kanaani'en e Heti'en e Amoori'en e Perezzi'en e Hewi'en e Yebusi'en, nder lesdi keewndi kosam e njumri.

Gurtaaki 3:8

Mi jippi ngam mi hisna ɓe diga juuɗe Misra'en, mi wurtina ɓe diga lesdi man, mi yahra ɓe haa lesdi mboondi, njaasndi, lesdi keewndi kosam e njumri, haa lesdi ndi Kanaani'en e Heti'en e Amoori'en e Perezzi'en e Hewi'en e Yebusi'en njooɗi.

Gurtaaki 32:13

Siftor Ibrahiima e Isiyaaku e Isra'iila, jaggiiɓe ma. Kamɓe, a hunorani ɓe hoore ma, a wi'i ɓe: Mi ɗuɗɗinan danygol mooɗon bana koode asama. Lesdi ndi'i fuu ndi kuniimi hokkugo on, mi hokkan ndi danygol mooɗon maral haa foroy.”

Gurtaaki 33:1

Jawmiraawo wi'i Muusa: “Umma, dillu accu nokkuure nde'e, an e yimɓe ɓe ngurtinɗa lesdi Misra. Yah nder lesdi ndi kunaniimi Ibrahiima e Isiyaaku e Yaakubu, mi bi'ɗo: Mi hokkan ndi danygol ma.

Gurtaaki 34:11

Ɗowtane ko umran mi on hannde. Ndaa, mi riiwan Amoori'en e Kanaani'en e Heti'en e Perezzi'en e Hewi'en e Yebusi'en yeeso ma.

Gurtaaki 6:4

Mi haɓɓi alkawal bee maɓɓe, mi iinani ɓe mi hokkan ɓe lesdi Kanaana, lesdi ndi ɓe koɗi nder muuɗum.

Gurtaaki 6:8

Mi yahran on nder lesdi ndi kuniimi hokkugo Ibrahiima e Isiyaaku e Yaakubu. Mi hokkan on ndi, ndi laatoto maral mooɗon. Min woni Jawmiraawo.”

Yeremiya 11:5

Bana nii kebbiniranmi hunayeere am nde kunaniimi kaakiraaɓe mooɗon, haa mi hokka ɓe lesdi keewndi kosam e njumri, bana ko laati hannde.” Mi jaabi: “Ooho, yaa Jawmiraawo!”

Yeremiya 32:22

A hokki ɓe lesdi ndi'i, keewndi kosam e njumri, bana a hunorani kaakiraaɓe maɓɓe.

Ezekiyel 20:6

Nyalaade man mi ɓaŋgti juŋngo, mi huni, mi wurtinan ɓe lesdi Misra, mi yahra ɓe nder lesdi ndi cuɓananmi ɓe, lesdi keewndi kosam e njumri, ɓurndi lesɗe fuu wooɗugo.

Farillaaji Lewi'en 20:24

Mi wi'i on: Onon on maran lesdi keewndi kosam e njumri, mi marnan on ndi. Min woni Jawmiraawo Allah mon, mi senndi on bee ummaatooje goɗɗe.

Limle 11:12

Kadi min danyi ɓe fuu na? Koni umruɗaami mi jogo ɓe bana musininoowo jogorto musinanŋgel, mi yahra ɓe dow juuɗe am haa yotto lesdi ndi kunaniiɗa kaakiraaɓe maɓɓe a hokkan ɓe ndi?

Limle 13:27

Ɓe mbi'i Muusa: “Min ndaari lesdi ndi nelɗa min ton. Fakat ndi heewi kosam e njumri. Ndaa ɓiɓɓe leɗɗe maari boo.

Limle 14:16

Jawmiraawo huni o hokkan ummaatoore nde'e lesdi ndi'i, ammaa o waawaay nastingo nde nder maari, o mbari nde nder ladde!

Limle 14:30

nastataa lesdi ndi mi hunino jo'ingo on ton, sonaa Kaaleb ɓii Yefunna e Yosuwa ɓii Nuuna!

Limle 32:11

Fakat, worɓe wurtiiɓe Misra, ɓe duuɓi noogas e ko ɓuri, ngi'ataa lesdi ndi kunaniimi Ibrahiima e Isiyaaku e Yaakubu, ngam ɓe tokkaaki yam bee ɓernde woore.

Tooktaaki Tawreeta 12:29

“To on ɗon nasta lesdi, Jawmiraawo, Allah mooɗon nattinan yimɓe ummaatooje wonɓe ton. On ndiiwan ɓe, on njooɗoto nder lesdi maɓɓe.

Tooktaaki Tawreeta 19:1

“To Jawmiraawo, Allah mooɗon hokki on lesdi, nattini ummaatooje gonɗe ton, to on ndiiwi ɓe, on koo'i berniiji maɓɓe, on njooɗake nder cuuɗi maɓɓe,

Tooktaaki Tawreeta 26:1

“To on nasti lesdi ndi Jawmiraawo, Allah mooɗon hokkata on, to on mari ndi, on ɗon njooɗi nder maari,

Tooktaaki Tawreeta 7:1

“To Jawmiraawo, Allah mooɗon yahri on haa lesdi ndi maroton, o riiwan ummaatooje ɗuuɗɗe ɗe'e yeeso mooɗon: Heti'en e Girgasi'en e Amoori'en e Kanaani'en e Perezzi'en e Hewi'en e Yebusi'en. Ummaatooje joweeɗiɗi ɗe'e, ɓuri on ɗuuɗeeŋga e semmbe.

Yosuwa 24:11

Nden on eeri maayo Urdun, on ngari haa Yeriko. Yimɓe jooɗiiɓe ton kaɓi bee mooɗon, waato Amoori'en e Perezzi'en e Kanaani'en e Heti'en e Girgasi'en e Hewi'en e Yebusi'en. Mi hokki on ɓe.