Gurtaaki 12:3 - Fulfulde Bible

³ Mbolwane jama'aare Isra'iila fuu, mbi'e: Nyannde sappoore lewru ndu'u, koo moy fuu hoo'a jawgel ngam saare mum fuu.

Fulfulde DC Bible

³ Mbolwane jama'aare Isra'iila fuu, mbi'e: Nyannde sappoore lewru ndu'u, koo moy fuu hoo'a jawgel ngam saare mum fuu.

Gurtaaki 12:3 Iomraidhean Croise

Laataanooji 22:8

Ibrahiima jaabi: “Ɓiŋngel am, Allah hiɓɓan ɗum, heɓanan hoore mum jawgel guleteeŋgel.” Ɓe tokki yahdugo, ɓe ɗiɗo fuu.

Laataanooji 4:4

Habila boo waddi dokkal haa afi dammooji muuɗum. O lii'ani mo ta'e ɓurɗe wooɗugo. Jawmiraawo yerdi Habila e dokkal mum.

2 Habaruuji Nyalaaɗe 35:7

Yusiya hokki yimɓe waɗɓe juulde Paska fuu njawkoy baali e be'i ujine cappanɗe tatoy (30.000), non boo ga'i ujine tati (3.000), o hoo'i ɗi fuu haa jawdi maako.

Gurtaaki 12:2

“Lewru ndu'u laatano on hoore lebbi, ndu laatano on aranndu haa lebbi hitaande.

Gurtaaki 12:21

Muusa ewni ndotti'en Isra'iila fuu, o wi'i ɓe: “Njehe, koo'e njawkoy ngam ci'e mooɗon, kirse koy ngam juulde Paska.

Gurtaaki 12:4

To saare goɗɗo famɗi haa nyaamdugo ngel, sey o hawta bee keeddiɗɗiraawo maako ɓadiiɗo saare maako, fodde limgal yimɓe. Cuɓe jawgel ngel ɓe mbaawan nyaamdugo ngel.

Gurtaaki 12:6

On ciga ngel haa nyannde sappo e nayaɓre lewru ndu'u. Maŋngariba nyalaade man, jama'aare Isra'iila fuu hirsa jawgel ngel koo moy suɓi.

Gurtaaki 14:15

Jawmiraawo wi'i Muusa: “Ngam ɗume a ɗon wookanammi? Wi' Isra'iila'en ɓe ummo ɓe ndilla.

Gurtaaki 20:19

Ɓe mbi'i Muusa: “An, wolwan min, min nanante. Ammaa taa Allah wolwana min, ngam taa min maaya.”

Gurtaaki 4:30

Haruna lorni wolde nde Jawmiraawo wi'no Muusa fuu. Muusa boo waɗi kaayeefiiji go yeeso Isra'iila'en.

Gurtaaki 6:6

Ngam maajum yeccu Isra'iila'en ni'i: Min woni Jawmiraawo, Mi hisnan on diga ɓillaare kuugal Misra'en caatuŋgal, mi wurtinan on maccuŋgaaku maɓɓe, mi rimɗinan on bee juŋngo am fortaaŋgo e kiitaaji am mawɗi.

Ezekiyel 40:1

Nder nduuɓu noogas e njowaɓu ɓaawo daheeki amin, ɗum nduuɓu sappo e nayaɓu ɓaawo do'ere Urusaliima, haa fuɗɗoode nduuɓu man, nyannde sappoore, juŋngo Jawmiraawo wari dow am, o yahri yam haa Urusaliima.

Farillaaji Lewi'en 1:2

“Umru Isra'iila'en umrooje dow kirseteeɗi maɓɓe, wi'ɓe: To goɗɗo yiɗi lii'anaago Jawmiraawo dokkal, sey o hoo'a ngal haa na'i maako malla dammooji maako.

Farillaaji Lewi'en 5:6

o waddana Jawmiraawo mbaalu malla mbeewa kirseteeɗum ngam ittuki hakke maako. Limanjo lii'o kirseteeɗum man ngam ittugo hakke goɗɗo oo.

Limle 15:11

Bana non kuuwroton kala ngaari, kala njawdiri mbaalu, kala mbaalu e kala mbeewa fuu.

Yuhanna 1:29

Jaŋngo man Yuhanna yi'i Yeesu ɗon wara haa maako, o wi'i: “Ndaa jawgel Allah ittanŋgel hakkeeji duniyaaru.

Yuhanna 1:36

Nde o yi'i Yeesu ɗon saalo, o wi'i: “Ndaa jawgel Allah.”

Yuhanna 12:1

Lutti balɗe joweego haa juulde Paska waɗa. Yeesu yehi Baytaniya, wuro Laazarus mo Yeesu ummitinno diga maayde.

Yuhanna 12:12

Jaŋngo man, mooɓre yimɓe warɓe ngam juulde Paska go nani Yeesu ɗon wara haa Urusaliima.

1 Korintu'en 5:7

Laɓɓine ko'e mooɗon diga ufnirɗum kiiɗɗum ɗu'um, haa laatooɗon kullu kesa bilaa ufnirɗum. Non laatiiɗon bee gooŋga boo, ngam Almasiihu, jawgel Paska meeɗen hirsaama.

Yosuwa 7:14

Jaŋngo fajiri on ɓadito fodde le'i mon. Lenyol ngol Jawmiraawo naŋngata ɗum, ɓadito fodde geɓe maagol. Yeɓre nde Jawmiraawo naŋngata ɗum, ɓadito fodde ci'e maare. Saare nde Jawmiraawo naŋngata ɗum, ɓadito fodde worɓe maare.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.

1 Samuyila 7:9

Samuyila hirsi jawgel musinanŋgel, lii'ani ngel Jawmiraawo guleteeŋgel, tori mo haa o walla Isra'iila'en. Jawmiraawo boo jaɓi tornde maako.