Gurtaaki 10:3 - Fulfulde Bible

³ Muusa e Haruna njehi haa Firawna, mbi'i mo: “Ndaa nii Jawmiraawo, Allah Ibraniŋke'en wi'i: Haa ndeye a tokkoto salaago leesnugo hoore ma yeeso am? Accu ummaatoore am yaha haa nde jaggano yam!

Fulfulde DC Bible

³ Muusa e Haruna njehi haa Firawna, mbi'i mo: “Ndaa nii Jawmiraawo, Allah Ibraniŋke'en wi'i: Haa ndeye a tokkoto salaago leesnugo hoore ma yeeso am? Accu ummaatoore am yaha haa nde jaggano yam!

Gurtaaki 10:3 Iomraidhean Croise

1 Laamiiɓe 18:21

Eliya ɓaditi yimɓe ummaatoore, wi'i: “Haa ndey accoton tokkaago laabi ɗiɗi? To Jawmiraawo woni Allah, tokke mo! Ammaa to Ba'al boo, tokke ɗum!” Ammaa ummaatoore jaabaaki mo sam.

1 Laamiiɓe 21:29

“A yi'i no Akab leesniri hoore muuɗum yeeso am na? Ngam o leesni hoore maako yeeso am, mi ukkataa sarru nder balɗe maako. Ammaa nder balɗe ɓiyiiko ukkanmi sarru dow saare maako.”

2 Laamiiɓe 22:19

Ɗum meemi ɓernde ma, a leesni hoore ma yeeso am nde nanɗa ko mbolwumi dow nokkuure nde'e e jooɗiiɓe haa maare, haa nde laato daliila kultoreeŋgol e naaloore. A seeki limce ma, a woyi yeeso am, min boo mi jaɓi tornde ma, non Jawmiraawo wi'i.

2 Habaruuji Nyalaaɗe 33:12

Nder ɓillaare maako o leestini hoore maako masin yeeso Allah kaakiraaɓe maako, o tori Jawmiraawo Allah maako.

2 Habaruuji Nyalaaɗe 33:19

Tornde laamiiɗo e jaawaabu Allah e haala hakkeeji mum e no o yewri umroore Allah e nokkuuje towɗe ɗe o nyiɓi e suuraaji Asera e labbi ɗi o waɗi hiddeko o leestina hoore maako, ɗum winndaama nder Habaruuji Hosay.

2 Habaruuji Nyalaaɗe 34:27

Ɗum meemi ɓernde ma, a leestini hoore ma yeeso am nde nanɗa bolle am dow Urusaliima e jooɗiiɓe ton. A seeki limce ma, a woyi yeeso am, min boo, mi jaɓi tornde ma, non Jawmiraawo wi'i.

2 Habaruuji Nyalaaɗe 7:14

to yimɓe ummaatoore am ɓe innde am ewnaama dow muuɗum'en leestini ko'e muuɗum'en, torake yam, ɗakkotiri bee am, to ɓe tuubi, ɓe acci laabi maɓɓe kalluɗi, nden kam mi nanan haa asama, mi yaafoto hakkeeji maɓɓe, mi barkiɗinan lesdi maɓɓe boo.

Ayuba 42:6

Ngam daliila man cemtiranmi bolle am, ndaa mi tuubi, mi meetataa waabaago sam.

Gurtaaki 10:4

To a salake yooftugo ummaatoore am, jaŋngo mi waddan baɓɓatti nder maral lesdi ma.

Gurtaaki 16:28

Jawmiraawo wi'i Muusa: “Haa ndey on tokkoto salaago ɗowtanaago umrooje am e sarɗiiji am?

Gurtaaki 4:23

Mi umrino ma a acca nde dilla, nde jaggano yam, ammaa a sali. Ngam maajum mi mbaran afo ma!”

Gurtaaki 5:1

Ɓaawo man Muusa e Haruna njehi haa Firawna, mbi'i mo: “Ndaa nii Jawmiraawo, Allah Isra'iila wi'i: Accu yimɓe am njaha, ɓe mbaɗanammi juulde nder ladde.”

Gurtaaki 9:17

Bee man fuu a ɗon tokko mawnitaago dow ummaatoore am, a yooftaay nde.

Balndi 1:22

“Onon humaki'en, ndey on accata humakaaku? Haa ndeye jancooɓe tokkata seyoraago jancuki? Haa ndeye faataaɓe tokkata wanyugo anndal?

Balndi 1:24

Mi ewni on, ammaa on cali nootaago. Mi forti juŋngo am heedi mooɗon, ammaa on kakkilaay.

Balndi 18:12

Ɓernde neɗɗo mawnititto hiddeko o do'o, ammaa yaŋkinaare aartan tedduŋgal.

Esaaya 1:5

Haa toy ngiɗɗon goɗɗo fiya on fahin, onon tokkitinanɓe tuurtol? Hoore fuu heewi elooɗi, ɓernde fuu ɗon nder naawɗum.

Esaaya 2:11

Nyalaade man mawnitiiɗo leestan, jurotooɗo turoto. Ammaa Jawmiraawo ɓaŋgoto, kaŋko feere maako.

Yeremiya 13:10

Yimɓe ummaatoore hallunde nde'e cali nanango yam, ɓe ɗon mbaɗa ko ɓerɗe maɓɓe caatuɗe ngiɗi, ɓe ɗon cujidana ɗowanteeɓe woɗɓe, ɓe ɗon ɗowtano ɓe. Ɓe laatoto bana taadorgol ngo'ol ngol nafataa sam!

Yeremiya 13:18

Jawmiraawo wi'i yam: “Yeccu laamiiɗo e daada mum ɓe njippo leeso laamu, ngam meetaleeji tedduŋgal maɓɓe yani diga dow ko'e maɓɓe.

Yeremiya 50:29

Umre fiɗooɓe kuri ɓe ngara haa Baabila, ewne annduɓe haɓre bee lagaawal fuu. Taare berniwol, taa goɗɗo daɗa. Mbaɗe ngol fodde kuuɗe maagol fuu. Mbaɗe ngol bana ngol waari woɗɓe, ngam ngol ƴaggi dow Jawmiraawo, dow Ceniiɗo Isra'iila.

Ezekiyel 5:6

Ammaa ngol tuurtani kiitaaji am e farillaaji am bee halleende ɓurnde nde ummaatooje e lesɗe taariiɗe ngol. Ngam yimɓe maagol ngudini kiitaaji am, ɓe ngeeɗaay fodde farillaaji am.

Daniyel 5:22

Ammaa an, Belsaccar ɓiyiiko, a leestinaay hoore ma, koo nde a anndi ɗum fuu boo.

Limle 14:27

“Haa ndey ummaatoore hallunde nde'e tokkoto ngurŋgurtugo dow am? Mi nani Isra'iila'en ngurŋgurtiri dow am.

Roma'en 2:4

Malla a ɗon yawo jeynitaaje mbooɗeeŋga maako ɗuuɗŋga e munyal maako? A anndaa no mbooɗeeŋga Allah ɗon ɗowe haa tuubu na?

Ibraniŋke'en 12:25

Kakkile, taa cale nanugo bolwanɗo jonta. Saliiɓe nanugo bolwuɗo haala Allah haa duniyaaru ngam reentingo ɓe, kisaay. Kadi noy enen en mbaawrata hisugo to en calake bolwanɗo diga asama!

Yaakuba 4:10

Njaŋkine ko'e mooɗon yeeso Jawmiraawo, nden kam o ɓaŋgtan on.

1 Piyer 5:6

Ngam man njaŋkine ko'e mooɗon haa Allah baawɗo, haa o ɓaŋgta on yaake o yiɗi.