Gurtaaki 10:21 - Fulfulde Bible

²¹ Jawmiraawo wi'i Muusa: “Ɓaŋgtu juŋngo ma heedi asama. Nyiɓre laato nder lesdi Misra, ɗum nyiɓɓa haa goɗɗo waawataa yi'ugo newre muuɗum.”

Fulfulde DC Bible

²¹ Jawmiraawo wi'i Muusa: “Ɓaŋgtu juŋngo ma heedi asama. Nyiɓre laato nder lesdi Misra, ɗum nyiɓɓa haa goɗɗo waawataa yi'ugo newre muuɗum.”

Gurtaaki 10:21 Iomraidhean Croise

Ayuba 5:14

Nyalawma ɓe kawran bee nyiɓre, haa naaŋge ɓe maman bana jemma.

Jabuura 105:28

Allah neldi nyiɓre dow lesdi, ammaa Misra'en kakkilanaay bolle maako.

Jabuura 35:6

Laawol maɓɓe nyiɓɓa, ngol moosta ɓe, malaa'ikaajo Jawmiraawo taasna ɓe!

Jabuura 78:49

O yoofi dow maɓɓe ɓernuki maako gulanki bana yiite, o ɓilli ɓe, o neldi ɓe yeɓre malaa'ika'en halkooɓe, ɓe torri ɓe.

Gurtaaki 7:19

Nden Jawmiraawo wi'i Muusa: “Umru Haruna hoo'a sawru muuɗum, o forta juŋngo maako dow ilduɗe ndiyamji Misra, dow maaje e ilduɗe e beeli e haa ndiyam woni fuu, ɗum laato ƴiiƴam. Ƴiiƴam laatoto koo toy nder lesdi Misra, nder jarnirɗe ɗe leɗɗe e kaa'e fuu.”

Gurtaaki 9:22

Jawmiraawo wi'i Muusa: “Ɓaŋgtu juŋngo ma gal asama, haa mallimallooje toɓa nder lesdi Misra fuu dow yimɓe e dabbaaji e fuɗŋgooji gese nder lesdi Misra fuu.”

Balndi 4:19

Laawol waɗooɓe zunuuba nyiɓɓi bana jemma, ɓe anndaa ko ferginta ɓe.

Gaazoowo 2:14

Hikmaajo anndi toy o yahata, ammaa paataaɗo ɗon yaha nder nyiɓre. Mi anndi boo hoddiroore woore ukkanto ɗiɗo fuu.

Gaazoowo 6:4

ngam ɓiŋngel ngel wari ngel danya haa meere, ngel dillan haa nyiɓre, nyiɓre boo suddan innde maagel.

Ezekiyel 32:7

Saa'i mi halkete, mi ɓalwinan asama, mi nyiɓɓinan koode. Mi wiirnan naaŋge bee duule, lewru boo yaynataa.

Matta 27:45

Diga caka nyalawma nyiɓre waɗi dow lesdi fuu, haa yotti saa'a tati.

Markus 15:33

Caka naaŋge nyiɓre suddi lesdi fuu haa yotti saa'a tati asiri.

Luka 23:44

Yaake man ɗum caka nyalawma, nden nyiɓre waɗi dow lesdi fuu haa yotti saa'a tati. Naaŋge moji. Wiirndallo nder haykaliiru seeki caka cak.

Tooktaaki Tawreeta 1:30

Jawmiraawo, Allah mooɗon ardoto on. Kaŋko o haɓan ngam mooɗon bana on ngi'i o waɗi on haa Misra.

Tooktaaki Tawreeta 28:29

Nyalawma on ngiiloto, on ɗaɓɓitan laawol bana wumɓe, ammaa on keɓtataa ngol. On keɓataa hayru nder kuuɗe mon fuu. Nyalɗe fuu konne'en ɓillan on, njaɓtan on, walaa kisnanɗo on.

Tooktaaki Tawreeta 4:34

Malla ɗowanteeɗo moye foondi jaɓtugo ummaatoore mum diga juŋngo ummaatoore feere, bee masiibooji e alaamaaji e kaayeefiiji, bee konu e juŋngo semmbiɗŋgo e kuuje mawɗe kulniiɗe? Onon on ngi'i no Jawmiraawo, Allah mooɗon waarani on ɗum fuu haa Misra.

2 Piyer 2:17

Yimɓe ɓe'e nanndi bee ɓulndu yoorndu, ɓe nanndi bee duule ɗe henndu soggata. Nyiɓre ɓurdunde nyiɓɓugo ɗon reeni ɓe.

2 Piyer 2:4

Koo malaa'ika'en waɗɓe hakke maa ndaɗaay, Allah sakkini ɓe haa yiite jahannama, ɓe maɓɓaama nder nyiɓre bee callalluuji, ɓe ɗon ndeena nyannde kiita.

Yahuuda 1:13

Ɓe nanndi bee ƴuuge caatuɗe haa maayo, ɓe ɗon mbaŋgina kuuɗe maɓɓe cemtiniiɗe bana nguufo ƴuuge man. Ɓe nanndi bee koode majjuɗe ɗe anndaa laabi maaje. Allah taaskani ɓe nokkuure nder nyiɓre ɓurannde nyiɓɓugo haa foroy.

Yahuuda 1:6

Ciftore haala malaa'ika'en ƴaɓɓuɓe keerol baawɗe ɗe Allah hokkuno ɓe, ɓe acci joonde maɓɓe. Allah maɓɓi ɓe nder nyiɓre les, haɓɓi ɓe bee callalluuji ɗi piistataake haa foroy. Ɓe ɗon ndeena nyannde kiita maɓɓe ton.

Wahayu Yuhanna 8:12

Nden malaa'ikaajo nayaɓo fuufi luwal muuɗum. Nder geɓe naaŋge tati, woore fiyaama, non boo yeɓre lewru woore e yeɓre koode woore, haa yeɓre jayŋgol man woore nder tati nyifi. Yeɓre jayŋgol nyalawma woore nder tati nyifaama, non boo jemma.