Galaatiya'en 1:4 - Fulfulde Bible

⁴ Almasiihu hokki hoore mum ngam daliila hakkeeji men, ngam hisnugo en diga zamanuuru jontaaru hallundu ndu'u fodde muuyo Allah, Baabiraawo men.

Fulfulde DC Bible

⁴ Almasiihu hokki hoore mum ngam daliila hakkeeji men, ngam hisnugo en diga zamanuuru jontaaru hallundu ndu'u fodde muuyo Allah, Baabiraawo men.

Galaatiya'en 1:4 Iomraidhean Croise

Jabuura 40:8

Nden mbi'mi: “Ndaa yam, mi wari. Haala dow am winndaama nder deftere taggaande.

Esaaya 65:17

“Ndaa, mi tagan asamaawu kesu e lesdi kesri. Kuuje ɓooymaaje ciftortaake, ɗe ngartataa haa numo goɗɗo.

Matta 13:22

Woɗɓe boo nanndi bee aawdi caka gi'e. Kamɓe, to ɓe nani wolde Allah, laruuraaji e esto risku ɓiɗɗan wolde man, nde waɗataa nafuuda sam.

Matta 20:28

Ngam Ɓii-neɗɗo boo waraay ngam yimɓe kuuwana mo, ammaa ngam o huuwana yimɓe, o hokka yoŋki maako ngam soottugo ɗuuɗɓe.”

Matta 26:28

ngam ɗum ƴiiƴam am, ndufaaɗam ngam yaafuye hakkeeji yimɓe ɗuuɗɓe, bee maajam Allah tabitiniri alkawal muuɗum.

Matta 26:42

O yehi ɗiɗawre, o waɗi do'a bana ni'i: “Baabiraawo am, to heɓataako jardugel ngel daayo, accammi, nden kam sey mi yara ngel, muuyo maaɗa laato.”

Matta 6:9

Ngam man, onon, to on ɗon mbaɗa do'a, ndaa nii mbi'oton: “Yaa Baabiraawo amin mo asama, a Ceniiɗo, waɗ koo moy teddina innde ma.

Markus 10:45

Ngam Ɓii-neɗɗo boo waraay ngam yimɓe kuuwana mo, ammaa ngam o huuwana yimɓe, o hokka yoŋki maako ngam soottugo ɗuuɗɓe.”

Luka 22:19

Ɓaawoɗon o hoo'i tamseere, o yetti Allah, o yewi nde, o hokki ɓe, o wi'i: “Ɗo ɗum ɓanndu am hokkaandu ngam mooɗon, mbaɗe ɗum ngam haa on ciftorammi.”

Luka 22:42

o wi'i: “Baabiraawo, to a muuyi, ittanam jardugel torra nge'el. Ammaa taa waɗ ko muuyo am yiɗi, sey ko ngo ma yiɗi.”

Yuhanna 10:11

Min, mi gaynaako booɗɗo. Gaynaako booɗɗo ɗon hokka yoŋki muuɗum ngam baali mum.

Yuhanna 12:31

Jonta woni saa'iire kiita duniyaaru ndu'u. Jonta laamiiɗo duniyaaru ndu wudinaama haa yaasi.

Yuhanna 5:30

“Min mi waawataa waɗugo koo ɗume bee hoore am. Mi ɗon hiito fodde ko Allah wi'i yam. Kiita ka mi hiitoto, ka adiliiha, ngam mi ɗaɓɓataa waɗugo muuyo am, ammaa muuyo nelɗo yam.

Yuhanna 6:38

Ngam mi jippaaki diga asama ngam waɗugo ko mi yiɗi, ammaa ko nelɗo yam yiɗi.

Roma'en 1:7

Mi ɗon hoofna yiɗaaɓe Allah wonɓe haa Roma fuu, ewnaaɓe ngam laataago senaaɓe. Allah, Baabiraawo men e Yeesu Almasiihu, Jawmiraawo men ndokka on mo'ere e jam.

Roma'en 12:2

Taa tokke ko yimɓe zamanuuru ndu'u mbaɗata, ammaa acce Allah wayla ɓerɗe mon, hesɗitina hakkiilooji mon. Nden kam on anndan muuyo Allah, waato ko wooɗi e ko fottanta mo e ko woni timmuɗum.

Roma'en 4:25

Allah acci o maaya ngam daliila aybeeji men. O ummitini mo boo ngam haa o adilina en yeeso maako.

Roma'en 8:27

Allah linyoowo ɓerɗe ɗon faama ko Ruuhu ɗaɓɓata. Ngam Ruuhu ɗon torano yimɓe Allah senaaɓe fodde ko Allah yiɗi.

Roma'en 8:3

Allah bee hoore mum huuwi ko tawreeta waawaay huuwugo ngam en tampuɓe. O neli Ɓiɗɗo maako marɗo ɓanndu bana ndu neɗɗo, maatuɗo esto hakke bana yimɓe fuu. O hiiti hakke nder ɓanndu neɗɗo oo. Bana nii o ittiri hakke,

Roma'en 8:32

O jogitaaki koo Ɓiɗɗo maako, ammaa o acci mo o maayi mbattudi meeɗen en fuu. To non kam, o saahataa en koo ɗume fuu bee maako na?

1 Korintu'en 15:3

Mi anndini on kubaruwol ɓurŋgol marugo saman, ngol njaɓmi bee hoore am, waato: Almasiihu maayi ngam daliila hakkeeji meeɗen, bana ko winnda nder defte.

2 Korintu'en 4:4

Ɓe nuɗɗintaa, ngam Sayɗaanu, ɗowanteeɗo duniyaaru ndu'u wumni hakkiilooji maɓɓe. O haɗi ɓe yi'ugo jayŋgol Linjiila baŋginanŋgol tedduŋgal Almasiihu, mo laati jaati Allah.

Galaatiya'en 2:20

Naa min yeeɗata jonta, ammaa Almasiihu ɗon yeeɗa nder am. Yaake mi ɗon yeeɗa nder ɓanndu am jonta, mi ɗon yeeɗa bee nuɗɗingo Ɓiɗɗo Allah mo yiɗi yam, hokki yoŋki muuɗum ngam am.

Galaatiya'en 6:14

Min kam, mi jurortaako koo ɗume, sonaa gaafaaŋgal Jawmiraawo men Yeesu Almasiihu. Daliila gaafaaŋgal, duniyaaru waafaama heedi am, min boo mi gaafaaɗo heedi maaru.

Efesu'en 1:11

Barka Almasiihu enen boo en keɓi geɗal kisndam meeɗen. Allah, baɗanɗo koo ɗume fuu fodde nufaye muuyo mum, suɓi en diga ɓooyma.

Efesu'en 2:2

On ngeeɗino nder maaji fodde jahargal duniyaaru ndu'u e fodde ardiiɗo laamu ngonŋgu nder hawa. Koo jonta boo o ɗon huuwa nder tuurtuɓe dow umrooje Allah.

Efesu'en 5:16

Naftore wakkati, ngam nyalaaɗe jontaaje ɗe kalluɗe.

Efesu'en 5:2

Ngeeɗe nder yiide bana no Almasiihu yiɗiri en, o hokki yoŋki maako ngam meeɗen. O lii'ani ki Allah bana kirsaaɗum, bana dokkal marŋgal uureeŋgol belŋgol.

Efesu'en 6:12

Ngam en kaɓataa bee yimɓe, ammaa bee mawɓe asama e marɓe laamu, bee marɓe baawɗe dow duniyaaru nyiɓɓundu ndu'u, bee ruuhuuji kalluɗi gonɗi nder asamanji.

Filippi'en 4:20

Tedduŋgal laatano Allah, Baabiraawo men haa abada abadin. Aamiina!

1 Tessaloniiki'en 1:3

Min ɗon ciftora no on kuuwrata bee nuɗɗinki, no on tiinori nder yiide e no tammunde mooɗon nder Jawmiraawo meeɗen Yeesu Almasiihu tabitiri.

1 Tessaloniiki'en 3:11

Allah bee hoore mum, Baabiraawo meeɗen e Jawmiraawo meeɗen Yeesu hokka min laawol yahugo haa mooɗon.

1 Tessaloniiki'en 3:13

O semmbiɗina ɓerɗe mooɗon, ngam laatooɗon seniiɓe, ɓe ngalaa feloore yeeso Allah, Baabiraawo meeɗen, saa'i Yeesu, Jawmiraawo meeɗen loroyta bee seniiɓe mum fuu. Aamiina!

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

1 Timote 2:6

O hokki hoore maako ngam coottaari yimɓe fuu. Bana nii o gooŋɗiniri anniya Allah nder saa'iire nde Allah ta'ino ɗum.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 2:5

Ngam naa haa malaa'ika'en Allah hokki laamu dow duniyaaru waranndu ndu en mbolwanta.

Ibraniŋke'en 9:14

nde non kam, ƴiiƴam Almasiihu ɓuran nafugo piw. Bee baawɗe Ruuhu duumiiɗo o hokkiri yoŋki maako haa Allah bana njawdiri ndi walaa aybe koo seɗɗa. Ƴiiƴam maako laɓɓinan numo-ɓerɗe meeɗen, wilan kuuɗe ɗe njahrata en haa maayde, ngam en njaggano Allah geeto.

Yaakuba 4:4

Onon yewɓe umrooje Allah! On anndaa soobrugo bee duniyaaru ɗum honugo Allah na? To on coobiri bee duniyaaru, nden kam on laatake konne'en Allah.

1 Piyer 2:24

Almasiihu bee hoore muuɗum roondi hakkeeji meeɗen haa ɓanndu muuɗum dow leggal, ngam haa en laato maayɓe heedi hakke, ammaa yeeɗɓe heedi adilaaku. Daliila kuuduuje maako en kurgaama.

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Yuhanna 2:2

Ngam Almasiihu bee hoore mum hokki yoŋki muuɗum ngam yaafuye hakkeeji meeɗen, naa ɗi meeɗen tan, ammaa ɗi duniyaaru fuu boo.

1 Yuhanna 3:16

Almasiihu hokki yoŋki muuɗum ngam meeɗen. Bee maajum en paami ko woni yiide. Enen boo, sey en ndokka yoŋkiiji meeɗen ngam deerɗiraaɓe meeɗen.

Wahayu Yuhanna 1:5

e diga Yeesu Almasiihu, ceedoowo gooŋgaajo, ummitinaaɗo arano nder maayɓe, mawɗo laamlaamɓe duniyaaru boo. Kaŋko o yiɗi en. O rimɗini en diga hakkeeji meeɗen bee ƴiiƴam maako,

Wahayu Yuhanna 5:9

Ɓe ngimi yimre hesre bana ni'i: “An a he'i hoo'ugo deftere nde'e, a takkita takkanɗe maare. Ngam a mbaraama, bee ƴiiƴam maaɗa a soottani Allah yimɓe iwɓe diga asli e ɗemɗe e jama'aaje e ummaatooje fuu.

Wahayu Yuhanna 7:9

Ɓaawo man mi yi'i mooɓre ɗuuɗnde nde goɗɗo waawataa limugo. Ɓe iwi haa ummaatooje e asli e jama'aaje e ɗemɗe fuu. Ɓe ɗon ndari yeeso leeso laamu e yeeso jawgel, ɓe ɗon ɓorni ngapaleeji daneeji, ɓe ɗon njogi lice dibinooje.