Filippi'en 3:9 - Fulfulde Bible

⁹ mi hawta bee maako mi mara adilaaku ngu iwaay haa ɗowtaare am heedi tawreeta, ammaa haa Allah mo tabitini ɗum dow nuɗɗinki nder Almasiihu.

Fulfulde DC Bible

⁹ mi hawta bee maako mi mara adilaaku ngu iwaay haa ɗowtaare am heedi tawreeta, ammaa haa Allah mo tabitini ɗum dow nuɗɗinki nder Almasiihu.

Filippi'en 3:9 Iomraidhean Croise

Laataanooji 7:23

Bana nii Allah nattiniri ko wonno dow lesdi fuu: Yimɓe e dabbaaji e ladooji e colli. Sey Nuuhu luttidi bee ko wondi bee maako nder koommbowal.

1 Laamiiɓe 8:46

To Isra'iila'en mbaɗi sooynde ɗowtaare haa yeeso ma, ngam walaa goɗɗo mo waɗataa sooynde ɗowtaare sam, teema a tikkanan ɓe, a hokkan ɓe haa konne'en e a accan ɓe haa ɓe ndaha ɓe haa lesdi ɓadiindi malla daayiindi,

2 Habaruuji Nyalaaɗe 32:25

Ammaa Hezekiya yettaay Jawmiraawo boonanɗo mo, ɓernde maako mawniti. Ngam man tikkere Jawmiraawo wari dow maako e Yahuuda e Urusaliima.

2 Habaruuji Nyalaaɗe 32:31

Ammaa nde wakiili'en Baabila nelaaɓe ngari haa maako, ƴami mo haala kaayeefi go nder lesdi maako, Allah acci o foonde, ngam anndugo ko woni nder ɓernde maako fuu.

Jabuura 14:3

Ammaa ɓe fuu ɓe celi laawol gooŋga, ɓe mbonnake. Walaa baɗanɗo ko wooɗi, walaa koo gooto!

Jabuura 143:2

Taa yahru maccuɗo ma haa kiita ma, ngam walaa geeto adiliijo koo gooto yeeso ma.

Jabuura 19:12

Min jaggiiɗo ma boo ɗi ndeentini yam, ɗowtanaago ɗi nafatam masin.

Gaazoowo 7:20

Ngam haa duniyaaru, walaa adiliijo, kuuwanɗo ko fotti, mo waɗataa hakke.

Esaaya 46:13

Mi ɗon ɓadina adilaaku am, ngu daayaaki, kisndam am neeɓataa wargo. Mi hokkan kisndam haa Siyona. Mi hokkan Isra'iila daraja am.”

Esaaya 53:11

Daliila torraaji ɗi o yari, o heɓan seyo fahin, o anndan o torraaki meere. Kaŋko woni suka am adiliijo. O roondi aybeeji ɗuuɗɓe, bana nii o adilinan ɓe.

Esaaya 53:6

Enen fuu en majjino bana baali, koo moy tokkuno laawol muuɗum. Ammaa Jawmiraawo yowi aybe meeɗen fuu dow maako.

Esaaya 6:5

Nden mbi'mi: “Bone tawi yam! Mi halki, ngam mi goɗɗo soɓa-hunndukoojo, mi ɗon jooɗi boo caka yimɓe soɓa-kunnduɗe'en. Gite am ngi'i Laamiiɗo, Jawmiraawo honooɓe asama.”

Yeremiya 23:6

Nder balɗe maako Yahuuda rimɗinte, Isra'iila boo jooɗoto jam. Yimɓe ewnoto laamiiɗo oo: Jawmiraawo-woni-adilaaku-meeɗen.”

Yeremiya 33:16

Saa'i man Yahuuda hisan, Urusaliima boo jooɗoto jam. Yimɓe ndokkan ngol innde Jawmiraawo-woni-adilaaku-meeɗen.

Daniyel 9:24

Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Matta 9:13

Ndille, ekkite ko saawi nder bolle ɗe'e: Enɗam ngiɗmi, naa dabbaaji kirsaaɗi. Mi waraay ewnaago adili'en, ammaa hakke'en.”

Roma'en 1:17

Bee Linjiila ka'a, Allah ɗon waŋginana yimɓe fuu no ɓe laatorto adili'en yeeso muuɗum. Ɗum laatoto bee nuɗɗinki tan, diga fuɗɗam haa timmoode. Bana ko winnda: “Adiliijo yeeɗiran bee nuɗɗinki.”

Roma'en 10:10

Ngam to goɗɗo nuɗɗini bee ɓernde, o laatoto adiliijo e to o seedi Jawmiraawo bee hunnduko maako, o hisan.

Roma'en 16:7

Koofne boo Andronikus e Yuniyas, yimɓe lenyol am, haɓɓidaaɓe bee am nder fursina. Ɓe tedduɓe caka nelaaɓe, ɓe aarti yam nuɗɗingo Almasiihu boo.

Roma'en 5:21

Bana no hakke waŋginiri baawɗe mum bee maayde, non boo baawɗe mo'ere Allah waŋgiri bee Yeesu Almasiihu Jawmiraawo meeɗen. Barka maako en laati adili'en yeeso Allah e en keɓi ngeendam nduumiiɗam.

Roma'en 8:1

Ngam maajum walaa kiita dow nuɗɗinɓe Yeesu Almasiihu jonta.

Roma'en 8:3

Allah bee hoore mum huuwi ko tawreeta waawaay huuwugo ngam en tampuɓe. O neli Ɓiɗɗo maako marɗo ɓanndu bana ndu neɗɗo, maatuɗo esto hakke bana yimɓe fuu. O hiiti hakke nder ɓanndu neɗɗo oo. Bana nii o ittiri hakke,

1 Korintu'en 1:30

Daliila maako, onon on kawti bee Yeesu Almasiihu, laatiiɗo hikma meeɗen iwka haa Allah. Bee maako en keɓi adilaaku e senaare e ndimu.

2 Korintu'en 5:17

Ngam maajum to goɗɗo hawti bee Almasiihu, o laatake neɗɗo keso. Ko laatino ɓooyma saalake, koo ɗume fuu laatake kesum.

2 Korintu'en 5:21

Almasiihu waɗaay hakke sam. Ammaa Allah yowi hakkeeji meeɗen fuu dow maako, ngam haa laatooɗen adili'en yeeso Allah barka kawtal meeɗen bee Almasiihu.

Galaatiya'en 2:16

ammaa en anndi neɗɗo waawataa adilineego bee ɗowtanaago tawreeta, sey bee nuɗɗingo Yeesu Almasiihu. Enen boo en nuɗɗini Yeesu Almasiihu, haa en keɓa adilineego bee nuɗɗinki ki'i, naa bee ɗowtanaago tawreeta. Ngam bee kuuɗe tawreeta walaa koo gooto heɓata adilineego.

Tooktaaki Tawreeta 27:26

Naaloore dow koo moy mo ɗowtanaaki bolle tawreeta Allah fuu! Ummaatoore fuu jaabo: Aamiina!”

Filippi'en 3:6

Wakeere tiinaare, mi toonyoowono jama'aare nuɗɗinɓe. Fodde adilaaku tawreeta boo, mi laaɓɗo.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

Titus 3:5

o hisni en, naa ngam en kuuwi kuuɗe adiliije, ammaa ngam hinnuye maako, saa'i en keɓi danyeeki kesi bee baptisma, Ruuhu Ceniiɗo boo hesɗitini en.

Ibraniŋke'en 6:18

Woodi kuuje ɗiɗi ɗe cannjataako, waɗataako Allah fewa nder maaje: Ɗum iinawol e hunayeere maako. Kanjum ɗum ɗon tiɗɗina en, enen nyukkotooɓe haa Allah, en njogo tammunde tabitnde nde o hokki en.

Yaakuba 3:2

En fuu en ɗon mbaɗa aybe bee laabi feere feere. Mo waɗataa aybe nder bolle muuɗum o timmuɗo, baawɗo naŋgtugo ɓanndu mum fuu.

2 Piyer 1:1

Min Simon Piyer, maccuɗo e nelaaɗo Yeesu Almasiihu, mi ɗon winndana on, onon heɓɓe nuɗɗinki marki saman bana ki amin. On keɓri ki bee adilaaku Allah meeɗen e bee Yeesu Almasiihu, kisnoowo.

1 Yuhanna 3:4

Baɗɗo hakke fuu tuurtani umroore Allah, ngam hakke ɗum tuurtango umroore Allah.