Filippi'en 2:8 - Fulfulde Bible

⁸ O leestini hoore maako, o ɗowtani Allah haa yotti maayde, maayde dow leggal gaafaaŋgal.

Fulfulde DC Bible

⁸ O leestini hoore maako, o ɗowtani Allah haa yotti maayde, maayde dow leggal gaafaaŋgal.

Filippi'en 2:8 Iomraidhean Croise

Jabuura 22:16

Kondondol am yoori bana fayannde loope yoornde, ɗemŋgal am ɗon takko nder hunnduko am, a wallini yam nder mbulwuldi bana maayɗo.

Balndi 15:33

Kulol Jawmiraawo woni anndinki hikma, yaŋkinaare aartan tedduŋgal.

Matta 17:2

Jaati maako wayliti haa gite maɓɓe, yeeso maako yayni bana naaŋge, limce maako laati daneeje tal bana annoora.

Matta 26:39

O yehi yeeso seɗɗa, o hippi yeeso maako haa lesdi, o waɗi do'a bana ni'i: “Baabiraawo am, to ɗum heɓoto, daaynanam jardugel torra nge'el. Ammaa waɗ ko ngiɗɗa, naa ko ngiɗmi.”

Matta 26:42

O yehi ɗiɗawre, o waɗi do'a bana ni'i: “Baabiraawo am, to heɓataako jardugel ngel daayo, accammi, nden kam sey mi yara ngel, muuyo maaɗa laato.”

Luka 9:29

Nde o ɗon do'o, yeeso maako sannji, limce maako ndanwi tal, ɗelki.

Yuhanna 10:18

Walaa mo hoosata yoŋki am, ammaa min hokkata ki bee hoore am. Mi woodi baawɗe hokkugo ki, mi woodi baawɗe hoosititgo ki boo. Kanjum woni umroore nde Baabiraawo am hokki yam.”

Yuhanna 14:31

Ammaa ngam haa duniyaaru annda mi yiɗi Baabiraawo, ngam maajum mi ɗon waɗa ko Baabiraawo umri yam. Umme, ndillen diga ɗo!”

Yuhanna 15:10

To on ɗon njogo umrooje am, on tabitan nder yiide am, bana no min boo mi jogori umrooje Baabiraawo am, mi ɗon tabiti nder yiide maako.

Yuhanna 4:34

Yeesu wi'i ɓe: “Nyaamdu am woni waɗugo muuyo nelɗo yam e hiɓɓingo kuugal ngal o umri yam.

Kuuɗe Nelaaɓe 8:33

Ɓe leestini mo, walaa jiŋnguɗo mo. Moy wolwata haala danygol maako? Ngam ɓe itti ngeendam maako diga duniyaaru.”

Roma'en 5:19

Sooynde ɗowtaare goɗɗo gooto nastini yimɓe ɗuuɗɓe haa hakke. Non boo Allah adilini ɗuuɗɓe daliila ɗowtaare goɗɗo gooto.

2 Korintu'en 8:9

On anndi no mo'ere Jawmiraawo meeɗen Yeesu Almasiihu wa'i. Koo nde o diskuɗo, o wartiri hoore maako talakaajo ngam daliila mooɗon, haa on laato riskuɓe daliila talakaaku maako.

Galaatiya'en 3:13

Almasiihu rimɗini en diga naaloore tawreeta, ngam o laati naalaaɗo mbattudi meeɗen ngam Deftere wi'i: “Koo moy ɓilaaɗo haa leggal, o naalaaɗo.”

Tooktaaki Tawreeta 21:23

taa ndu lutta haa maagal haa jaŋngo fajiri. Sey on uwa mo nyalaade man, ngam naaloore Allah ɗon dow koo moy ɓilaaɗo haa leggal. Uwe maayɗo oo ngam taa on coɓna lesdi ndi Jawmiraawo, Allah mooɗon hokkata on, maron.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 12:2

Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Ibraniŋke'en 12:4

Ngam nder haɓre mooɗon bee hakke on kaɓaay haa yotti maayde tawon.

1 Piyer 2:24

Almasiihu bee hoore muuɗum roondi hakkeeji meeɗen haa ɓanndu muuɗum dow leggal, ngam haa en laato maayɓe heedi hakke, ammaa yeeɗɓe heedi adilaaku. Daliila kuuduuje maako en kurgaama.

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.