Filippi'en 2:13 - Fulfulde Bible

¹³ ngam Allah bee hoore mum ɗon huuwa nder muuyo mon e nder kuuɗe mon fodde anniya mum mbooɗka.

Fulfulde DC Bible

¹³ ngam Allah bee hoore mum ɗon huuwa nder muuyo mon e nder kuuɗe mon fodde anniya mum mbooɗka.

Filippi'en 2:13 Iomraidhean Croise

1 Laamiiɓe 8:58

Ammaa o huucitina ɓerɗe meeɗen haa maako ngam haa en tokko laabi maako, en kakkilana umrooje maako e farillaaji maako e kiitaaji maako ɗi o umri baabiraaɓe meeɗen.

2 Habaruuji Nyalaaɗe 30:12

Nder lesdi Yahuuda kam, juŋngo Jawmiraawo huuwi, hokki yimɓe fuu ɓernde woore haa ɓe tokko umroore laamiiɗo e mawɓe mum fodde wolde Jawmiraawo.

Esira 1:1

Nder nduuɓu Koores, laamiiɗo Persiya, aranu, Jawmiraawo anniyi hebbitingo wolde muuɗum nde o wi'no bee hunnduko annabi Yeremiya, o ummini ɓernde Koores haa o neldi wooynaandu nder laamu maako, bee hunnduko e binndol fuu, wi'ugo:

Esira 1:5

Baaba-ci'e'en nder le'i Yahuuda e Benyamin e liman'en e Lewi'en, ɓe Allah ummini ɓerɗe maɓɓe fuu, puɗɗi yahugo, nyiɓtugo haykaliiru Jawmiraawo haa Urusaliima.

Esira 7:27

Nden Esira wi'i: “Yettoore laatano Allah Jawmiraawo kaakiraaɓe meeɗen, mo ɗowi laamiiɗo ngam ƴaggingo haykaliiru Jawmiraawo haa Urusaliima.

Nehemiya 2:4

Laamiiɗo ƴami yam: “Ko ngiɗɗa kadi?” Mi tori Allah mo asama,

Ayuba 33:29

Ndaa fakat, Allah huuwanan neɗɗo fuu kuuje ɗe'e nde ɗiɗi, nde tati boo,

Jabuura 110:3

Saa'i a ɗon dilla haɓre, yimɓe ma ɗon tokko ma bee ngiɗam muuɗum'en. Bana saawawre subaha, non suka'en ma ngardata haa maaɗa dow kooseeje ceniiɗe.

Jabuura 119:36

Huusitin ɓernde am dow umrooje ma, naa dow riba kalluka.

Jabuura 141:4

Aynam ngam taa mi ɗaɓɓa kalluɗum! Taa mi hawta bee waɗooɓe zunuuba, mi waɗa ko haanaay, taa mi metto dakamji maɓɓe!

Balndi 21:1

Bana maayel, non ɓernde laamiiɗo wa'i haa juŋngo Jawmiraawo, o ɗowan nde koo toy o yiɗi fuu.

Esaaya 26:12

Yaa Jawmiraawo, a hokkan min salaaman. Ko min mbaɗata fuu, an a timminan ɗum ngam amin.

Yeremiya 31:33

Ammaa to saa'i man wari, mi haɓɓan alkawal bee yimɓe Isra'iila bana ni'i: Mi nastinan tawreeta am nder hakkiilooji maɓɓe, mi winndan ka nder ɓerɗe maɓɓe. Min mi laatoto Allah maɓɓe, kamɓe boo ɓe laatoto ummaatoore am.

Yeremiya 32:38

Nden ɓe laatoto ummaatoore am, min boo mi laatoto Allah maɓɓe.

Luka 12:32

“Taa kultore, onon tokkere famarde, ngam Baabiraawo yiɗi hokkugo on laamu muuɗum.

Luka 2:14

“Tedduŋgal haa Allah towɗo dow asamanji, salaaman boo dow lesdi haa yimɓe yiɗaaɓe Allah!”

Yuhanna 3:27

Yuhanna jaabi ɓe: “Walaa mo heɓata koo ɗume sonaa to Allah hokki mo ɗum.

Yuhanna 6:45

Annabi'en mbinndi: Ɓe fuu ɓe laatoto ekkitinaaɓe Allah. Koo moy heɗiti Baabiraawo, jaɓi ekkitinol maako, waran haa am.

Yuhanna 6:65

O ɓesdi wi'ugo: “Ngam man mbi'mi on, walaa mo waawata wargo haa am sonaa to Baabiraawo hokki yam mo.”

Kuuɗe Nelaaɓe 11:21

Jawmiraawo wondi bee maɓɓe, yimɓe ɗuuɗɓe tuubi, nuɗɗini Jawmiraawo.

Roma'en 12:3

Daliila mo'ere nde Allah waɗani yam, mi ɗon umra koo moy mooɗon: Taa goɗɗo numana hoore mum maŋngu ɓuranŋgu no foti, ammaa koo moy laara hoore mum deydey geɗal nuɗɗinki ngal Allah hokki mo.

Roma'en 9:11

Cuɓol Allah ɗon dari dow anniya muuɗum tan. Ngam maajum o wi'i Rebekka: “Mawniraawo huuwanan minyiraawo.” Allah wi'i ɗum diga ɓe ciwaa danyeego, hiddeko ɓe mbaɗa booɗɗum malla kalluɗum. Cuɓol Allah daraaki dow kuuɗe maɓɓe, sey dow ewnaandu maako tan.

Roma'en 9:16

Ngam maajum haala man fuu darataako dow muuyo neɗɗo malla tiinaare mum, sey dow hinnuye Allah.

1 Korintu'en 12:6

Woodi boo baawɗe feere feereeje ngam huuwugo, ammaa Allah gooto tan waɗata ɗum fuu nder yimɓe fuu.

1 Korintu'en 15:10

Ammaa ngam mo'ere Allah laatiimi nelaaɗo bana no mi wa'i hannde e mo'ere maako nde o waɗani yam laataaki meere. Mi huuwi ko ɓuri nelaaɓe fuu. Naa min bee hoore am huuwi ɗum, ammaa mo'ere Allah huuwi nder am.

2 Korintu'en 3:5

Minin bee ko'e amin min ke'aay huuwgo kuugal nga'al bee semmbe amin. Baawal amin iwi haa Allah.

Efesu'en 1:11

Barka Almasiihu enen boo en keɓi geɗal kisndam meeɗen. Allah, baɗanɗo koo ɗume fuu fodde nufaye muuyo mum, suɓi en diga ɓooyma.

Efesu'en 1:5

Diga ɓooyma o aarti o suɓi en haa en laato ɓiɓɓe maako daliila Almasiihu. O muuyi ɗum ngam ɗum fottani mo.

Efesu'en 1:9

O anndini en sirri muuyo maako, o waɗi anniya ka'a nder Almasiihu diga ɓooyma ngam ɗum fottani mo,

Efesu'en 2:8

Ngam bee mo'ere maako keɓruɗon kisndam ngam on nuɗɗini. Ɗum iwaay haa mooɗon, ɗum dokkal Allah.

2 Tessaloniiki'en 1:11

Ngam man min ɗon torano on foroy, ngam haa Allah meeɗen tawa on heƴiiɓe ngam ewnaandu ndu o ewnori on. Bee baawɗe maako, o walla on hebbitingo anniyaaji mooɗon booɗɗi fuu, o timmitina kuugal nuɗɗinki mooɗon fuu boo.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

Ibraniŋke'en 13:21

Allah waawna on waɗugo ko wooɗi fuu ngam haa on mbaɗa muuyo maako. O waɗa nder meeɗen ko fottanta mo, o waɗa ɗum bee Yeesu Almasiihu. Tedduŋgal laatano Almasiihu haa abada abadin. Aamiina!

1 Piyer 1:3

Ngetten Allah, Baabiraawo Jawmiraawo meeɗen Yeesu Almasiihu! O waɗani en enɗam ɗuuɗɗam, o laatini en danyaaɓe hesɓe barka ummitineeki Yeesu Almasiihu diga maayde. Ɗum hebbini ɓerɗe meeɗen bee tammunde gooŋgaare.