Filippi'en 1:5 - Fulfulde Bible

⁵ ngam on mballi yam anndingo Linjiila diga nyannde aartunde haa wargo hannde.

Fulfulde DC Bible

⁵ ngam on mballi yam anndingo Linjiila diga nyannde aartunde haa wargo hannde.

Filippi'en 1:5 Iomraidhean Croise

Kuuɗe Nelaaɓe 2:42

Ɓe tiiɗi nanugo ekkitinol nelaaɓe, jooɗaago nder kawtal deerɗiraagu, senndugo nyaamdu e waɗugo do'a.

Roma'en 11:17

Isra'iila nanndi bee jaytunhi jarne. Lice goɗɗe ta'aama haa maaki. Onon on nastinaaɓe haa pellel maaje bana lice kese iwɗe jaytunhi laddeehi. On kawti bee lice luttuɗe, on ɗon keɓa semmbe diga ɗaɗol jaytunhi jarne.

Roma'en 12:13

Mballite nuɗɗinɓe laafuɓe bee jawdi mon ngam on deerɗiraaɓe, njaɓɓe hoɗɓe booɗɗum.

Roma'en 15:26

Ngam senaaɓe nder Makedoniya e Akaya ceyi, mbaɗi anniya mooɓtugo dokkal ngam talaka'en nder jama'aare senaaɓe haa Urusaliima.

1 Korintu'en 1:9

Allah o koolniiɗo, kaŋko ewni on haa kawton bee Ɓiɗɗo mum Yeesu Almasiihu, Jawmiraawo meeɗen.

2 Korintu'en 8:1

Deerɗiraaɓe, min ngiɗi anndingo on no mo'ere Allah waŋgiri nder jama'aaje nuɗɗinɓe haa lesdi Makedoniya.

Efesu'en 3:6

Ndaa sirri oo: Daliila Linjiila, yimɓe ummaatooje goɗɗe boo laatoto ronooɓe, ɓe laatoto terɗe haa ɓanndu Almasiihu, ɓe keɓan boo ko Allah iinani Isra'iila nder Yeesu Almasiihu.

Filippi'en 1:12

Onon deerɗiraaɓe, mi yiɗi on paama booɗɗum: Ko heɓi yam walli maa kuugal Linjiila yahugo yeeso yeeso.

Filippi'en 1:16

ngam ɓe ngiɗi Almasiihu, ɓe anndi Allah darni yam ngam kuugal seedaago Linjiila.

Filippi'en 1:27

Tan nii ngeeɗe fodde ko haandani Linjiila Almasiihu. Koo mi heɓan wargo haa mooɗon, mi yi'a on, koo mi heɓataa boo, sey mi tawa, on ɗon tabiti dow hakkiilo wooto, on ɗon kaɓda hawtaade ngam gooŋga Linjiila bee ɓernde woore.

Filippi'en 1:7

Ɗum pottuɗum mi ɗon numana on bana nii, ngam mi yiɗi on masin. On fuu on kawti bee am nder kuugal ngal Allah mo'ani yam saa'i mi kaɓɓaaɗo nder fursina, saa'i mi seedani Linjiila yeeso kiita e mi tabitini ka.

Filippi'en 2:12

Yiɗaaɓe am, saa'i mi ɗonno wondi bee mooɗon, on ɗowtani yam foroy. Koo jonta nde mi walaaɗon boo, ɗowtaneeɗam, mbaŋgine kisndam mon nder kulol e diwŋgol,

Filippi'en 2:22

Onon on anndi no hoolaare maako waŋgiri. Bana ɓiɗɗo kommbi baaba mum, non o huuwdi bee am ngam Linjiila.

Filippi'en 4:3

An boo, kuuwdiɗɗiraawo am koolaaɗo, mi ɗon toro ma a walla rewɓe ɓe'e, ngam ɓe kawti bee am nder haɓre ngam Linjiila, kamɓe e Keleman e luttuɓe huuwdiɗɗiraaɓe am. Inɗe maɓɓe fuu mbinndaama nder deftere ngeendam.

Filemon 1:17

Ngam maajum, to a laari fakat mi kawtiɗɗiraawo ma, nden kam jaɓɓa mo bana no a jaɓɓorto yam, min boo.

Ibraniŋke'en 3:14

Ngam en laati kawtiɗiraaɓe Almasiihu, to en tabiti, en ndimmbaaki, en njogi hoolaare meeɗen diga fuɗɗam haa timmoode.

2 Piyer 1:1

Min Simon Piyer, maccuɗo e nelaaɗo Yeesu Almasiihu, mi ɗon winndana on, onon heɓɓe nuɗɗinki marki saman bana ki amin. On keɓri ki bee adilaaku Allah meeɗen e bee Yeesu Almasiihu, kisnoowo.

1 Yuhanna 1:3

Ko min ngi'i e ko min nani, kanjum min anndinta on, onon boo, ngam haa on kawta bee amin nder kawtal amin bee Baabiraawo e bee Ɓiɗɗo mum Yeesu Almasiihu.

1 Yuhanna 1:7

Ammaa to en ɗon ngeeɗa nder annoora bana Allah bee hoore mum ɗon nder annoora, nden kam en ngoodi kawtal caka meeɗen e ƴiiƴam Yeesu, Ɓiɗɗo maako boo laɓɓinan en diga hakkeeji fuu.