Farillaaji Lewi'en 7:2 - Fulfulde Bible

² Sey ɓe kirsa ndabbaawa ngam joɓki aybeeji haa wakeere hirsirde woylaare, haa nokkuure nde ɓe kirsata guleteeɗi boo. Ɓe mbicca ƴiiƴam maaga haa bakeeje hirsirde man nayi fuu.

Fulfulde DC Bible

² Sey ɓe kirsa ndabbaawa ngam joɓki aybeeji haa wakeere hirsirde woylaare, haa nokkuure nde ɓe kirsata guleteeɗi boo. Ɓe mbicca ƴiiƴam maaga haa bakeeje hirsirde man nayi fuu.

Farillaaji Lewi'en 7:2 Iomraidhean Croise

Esaaya 52:15

Bana non boo ummaatooje ɗuuɗɗe kayɗinan ngam maako, laamiiɓe maɓɓan kunnduɗe muuɗum'en yeeso maako. Ngam ɓe ngi'an, ɓe paaman ko ɓe meeɗaay nanugo tawon.”

Ezekiyel 36:25

Mi wiccan ndiyam laaɓɗam dow mooɗon ngam laɓɓingo on diga coɓe mon e labbi mon fuu.

Ezekiyel 40:39

Taabe nayi njo'inaama nder zawleeru, ɗiɗi haa wakeere nde'e, ɗiɗi boo haa wakeere ndeya. Dow taabe ɗe'e ɓe kirsata dabbaaji guleteeɗi ngam Allah, non boo kirseteeɗi ngam ittuki hakke e joɓki aybe.

Farillaaji Lewi'en 1:11

O hirsa ndi haa wakeere hirsirde woylaare yeeso Jawmiraawo. Liman'en danygol Haruna mbicca ƴiiƴam maari haa bakeeje maare nayi fuu.

Farillaaji Lewi'en 1:3

To o yiɗi lii'aago nguleteeŋga nder na'i maako, sey o hoo'a ngaari kalhaldi ndi walaa aybe. Sey o lii'o ndi haa dammugal laymaaru fottirde, ngam haa Jawmiraawo yerdo ndi.

Farillaaji Lewi'en 1:5

O hirsa ngaari man ton yeeso Jawmiraawo. Liman'en danygol Haruna koo'a ƴiiƴam maari, mbicca ɗam haa hirsirde dariinde yeeso laymaaru fottirde, haa bakeeje maare nayi fuu.

Farillaaji Lewi'en 14:13

Sey o hirsa ngel haa nokkuure seniinde nde ɓe kirsata kirseteeɗi ngam ittuki hakke e guleteeɗi boo. Kirseteeŋga ngam joɓki aybe laatanto limanjo, bana kirseteeŋga ngam ittuki hakke boo, nga ɓurŋga senaago.

Farillaaji Lewi'en 3:2

Sey o yowa juŋngo maako dow hoore ndabbaawa man, o hirsa nga haa dammugal laymaaru fottirde. Liman'en danygol Haruna mbicca ƴiiƴam maaga haa bakeeje hirsirde man nayi fuu.

Farillaaji Lewi'en 3:8

O yowa juŋngo maako dow hoore maagu, o hirsa ngu haa dammugal laymaaru fottirde. Liman'en danygol Haruna mbicca ƴiiƴam maagu haa bakeeje hirsirde nayi fuu.

Farillaaji Lewi'en 4:24

O yowa juŋngo maako dow hoore maari, o hirsa ndi haa wakeere hirsirde woylaare, haa nokkuure nde ɓe kirsata guleteeɗi. Kanjum woni kirseteeŋga ngam ittuki hakkeeji.

Farillaaji Lewi'en 4:29

O yowa juŋngo maako dow hoore maaga, o hirsa nga haa wakeere hirsirde woylaare, haa nokkuure nde ɓe kirsata guleteeɗi.

Farillaaji Lewi'en 4:33

O yowa juŋngo maako dow hoore maagu, o hirsa ngu haa wakeere hirsirde woylaare, haa nokkuure nde ɓe kirsata guleteeɗi.

Farillaaji Lewi'en 5:16

Kadiboo o yoɓa ko o hokkaayno, o ɓesda dow maajum yeɓre woore nder geɓe jowi boo. O hokka ɗum fuu limanjo. Limanjo lii'o njawdiri kirseteendi ngam joɓki aybe goɗɗo go, kaŋko boo o heɓan yaafuye.

Farillaaji Lewi'en 5:7

To goɗɗo waawaay heɓugo ɗum, nden kam o waddana Jawmiraawo pooli masar ɗiɗi malla pooloy ɗiɗoy, gootel kirseteeŋgel ngam ittuki hakke, gootel boo guleteeŋgel.

Farillaaji Lewi'en 5:9

O wicca ƴiiƴam maaga seɗɗa haa wuttudu hirsirde, o ɓiɗɗa ƴiiƴam luttuɗam haa les maare. Kanjum woni kirseteeŋga ngam ittuki hakke.

Farillaaji Lewi'en 6:7

“Ndaa umroore dow dokke nyaamdu. Limanjo mo danygol Haruna lii'ano Jawmiraawo dokkal nyaamdu yeeso hirsirde.

Limle 6:12

O laato cenaaɗo Jawmiraawo fahin, ngam saa'i cenki maako naane nafaay, gaasa maako soɓi. Sey o wadda boo jawgel ngel nduuɓu, ngel kirseteeŋgel ngam joɓki aybe maako.

Ibraniŋke'en 11:28

Bee nuɗɗinki, o waɗi juulde Paska, o umri Isra'iila'en ɓe mbicca ƴiiƴam dow dammuɗe, ngam taa malaa'ikaajo maayde mbara ɓiɓɓe maɓɓe afɓe.

Ibraniŋke'en 12:24

On ngari haa Yeesu, hakkunndeejo ngam alkawal kesal, on ngari haa ƴiiƴam mbiccaaɗam ngaddanɗam habaruwol ɓurŋgol ngol ƴiiƴam Habila wooɗugo.

1 Piyer 1:2

On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!