Farillaaji Lewi'en 5:16 - Fulfulde Bible

¹⁶ Kadiboo o yoɓa ko o hokkaayno, o ɓesda dow maajum yeɓre woore nder geɓe jowi boo. O hokka ɗum fuu limanjo. Limanjo lii'o njawdiri kirseteendi ngam joɓki aybe goɗɗo go, kaŋko boo o heɓan yaafuye.

Fulfulde DC Bible

¹⁶ Kadiboo o yoɓa ko o hokkaayno, o ɓesda dow maajum yeɓre woore nder geɓe jowi boo. O hokka ɗum fuu limanjo. Limanjo lii'o njawdiri kirseteendi ngam joɓki aybe goɗɗo go, kaŋko boo o heɓan yaafuye.

Farillaaji Lewi'en 5:16 Iomraidhean Croise

Jabuura 69:4

Mi somi wookugo, kondondol am ɗon yoora, wula jaw, mi ɗon reene haa gite am comi.

Gurtaaki 22:1

To ɓe tawi gujjo jemma ɗon wujja, ɓe piyi mo haa o maayi, ɗum laatataako mbar-hoore, ammaa to naaŋge fuɗi ɗum waɗi, ɗum mbar-hoore. To ndabbaawa ngujjaaŋga, koo nagge malla wamnde malla ndammoowa, heɓtaama bee yoŋki haa gujjuɗo nga, sey gujjo oo yoɓa, o yoɓa ndabbaawa man cowi ɗiɗi. To o walaa ko o yoɓra ko o wujji man, ɓe coorra mo, o laato maccuɗo.

Farillaaji Lewi'en 22:14

To goɗɗo mo laataaki limanjo nyaami dokke ceniiɗe bilaa anniya, sey o hokkita limanjo fodde ko o nyaami, o ɓesda dow maajum yeɓre woore nder geɓe jowi boo.

Farillaaji Lewi'en 27:13

To goɗɗo yiɗi soottugo nga, sey o ɓesda yeɓre woore nder geɓe jowi dow saman darnaaɗum.

Farillaaji Lewi'en 27:15

To togiiɗo suudu yiɗi soottugo ndu, o ɓesda yeɓre woore nder geɓe jowi dow saman darnaaɗum, o marta suudu maako.

Farillaaji Lewi'en 27:27

Ammaa to on ngiɗi, on coottan afi dabbaaji karminaaɗi, on njoɓa saman ta'aaɗo, on ɓesda dow maajum yeɓre woore nder geɓe jowi boo. To on coottaay ɗi, limanjo fotan soorrugo ɗi fodde saman ta'aaɗo.

Farillaaji Lewi'en 27:31

To goɗɗo yiɗi soottugo ɗum, sey o yoɓa saman maajum, o ɓesda dow maajum yeɓre woore nder geɓe jowi boo.

Farillaaji Lewi'en 4:20

Sey o waɗa ngaari ndi'i bana o waarata ngaari kirseteendi ngam ittuki hakkeeji go. Bana nii limanjo waarata ngam ittuki hakkeeji yimɓe, ɓe keɓan yaafuye boo.

Farillaaji Lewi'en 4:26

O wula ɓellere njawdiri fuu dow hirsirde, bana no o waarata bee ɓellere kirseteeɗi ngam kawtal yimɓe bee Allah. Bana nii limanjo lii'orto kirsaaŋga ngam ittuki hakkeeji ardiiɗo, kaŋko boo o heɓan yaafuye.

Farillaaji Lewi'en 5:10

Nden limanjo lii'o poola feere nguleteeŋga, fodde umroore. Bana nii limanjo lii'orto kirsaaŋga ngam ittuki hakke goɗɗo go, kaŋko boo o heɓan yaafuye.

Farillaaji Lewi'en 5:13

Bana nii limanjo lii'orto dokkal ngam daliila hakke goɗɗo go, kaŋko boo o heɓan yaafuye. Kuroori luttundi laatanto liman'en, bana dokke nyaamdu boo.”

Farillaaji Lewi'en 5:6

o waddana Jawmiraawo mbaalu malla mbeewa kirseteeɗum ngam ittuki hakke maako. Limanjo lii'o kirseteeɗum man ngam ittugo hakke goɗɗo oo.

Farillaaji Lewi'en 7:2

Sey ɓe kirsa ndabbaawa ngam joɓki aybeeji haa wakeere hirsirde woylaare, haa nokkuure nde ɓe kirsata guleteeɗi boo. Ɓe mbicca ƴiiƴam maaga haa bakeeje hirsirde man nayi fuu.

Limle 5:7

Nden sey o waŋgina hakke maako, o lorna ko o hoosi fuu e o ɓesda deydey yeɓre jowaɓre boo. O hokka ɗum goɗɗo mo o waɗi ɗum aybe.

Limle 5:8

Ammaa to o walaa banndiraawo ɓadiiɗo jaɓanɗo jobdi aybe man, nden kam ɗum laatanto Jawmiraawo, aybuɗo hokka ɗum limanjo. Ɗum ɓesdaari dow njawdiri mbaalu ngam heɓnango aybuɗo yaafuye.

Luka 19:8

Ammaa Jakayus dari yeeso Jawmiraawo, wi'i: “Jawmiraawo, mi hokkan reeta jawdi am haa talaka'en. To woodi mo mi hoosino ɗum huunde bee faasikaare, mi lornanan mo ɗum cowi nayi.”

Kuuɗe Nelaaɓe 26:20

Mi aarti waazaago haa Damas, ɓaawoɗon haa Urusaliima e haa lesdi Yahudiya fuu e haa yimɓe ummaatooje goɗɗe boo. Mi waazi ɓe ɓe tuuba, ɓe nuɗɗina Allah, ɓe kuuwa kuuɗe kollanɗe tuubu maɓɓe.

1 Samuyila 6:3

Ɓe njaabi: “Fakat, to on ɗon lorna sundukru ɗowanteeɗo Isra'iila'en, taa lorne ndu sookru. Nelde dokkal bee maaru ngam ittuki hakkeeji mon haa on njamɗita. Bana non anndirton daliila ka o accaay hiitaago on.”