Farillaaji Lewi'en 3:8 - Fulfulde Bible

⁸ O yowa juŋngo maako dow hoore maagu, o hirsa ngu haa dammugal laymaaru fottirde. Liman'en danygol Haruna mbicca ƴiiƴam maagu haa bakeeje hirsirde nayi fuu.

Fulfulde DC Bible

⁸ O yowa juŋngo maako dow hoore maagu, o hirsa ngu haa dammugal laymaaru fottirde. Liman'en danygol Haruna mbicca ƴiiƴam maagu haa bakeeje hirsirde nayi fuu.

Farillaaji Lewi'en 3:8 Iomraidhean Croise

Esaaya 53:6

Enen fuu en majjino bana baali, koo moy tokkuno laawol muuɗum. Ammaa Jawmiraawo yowi aybe meeɗen fuu dow maako.

Farillaaji Lewi'en 1:11

O hirsa ndi haa wakeere hirsirde woylaare yeeso Jawmiraawo. Liman'en danygol Haruna mbicca ƴiiƴam maari haa bakeeje maare nayi fuu.

Farillaaji Lewi'en 1:4

O yowa juuɗe maako dow hoore maari, Jawmiraawo boo jaɓan ndi ngam o yaafo hakkeeji goɗɗo oo.

Farillaaji Lewi'en 1:5

O hirsa ngaari man ton yeeso Jawmiraawo. Liman'en danygol Haruna koo'a ƴiiƴam maari, mbicca ɗam haa hirsirde dariinde yeeso laymaaru fottirde, haa bakeeje maare nayi fuu.

Farillaaji Lewi'en 3:13

o wallina juŋngo maako dow hoore maaga, o hirsa nga haa dammugal laymaaru fottirde. Liman'en danygol Haruna mbicca ƴiiƴam maaga haa bakeeje hirsirde nayi fuu.

Farillaaji Lewi'en 4:15

Ndotti'en jama'aare njowa juuɗe muuɗum'en dow hoore maari, ɓe kirsa ndi ton yeeso Jawmiraawo.

Farillaaji Lewi'en 4:24

O yowa juŋngo maako dow hoore maari, o hirsa ndi haa wakeere hirsirde woylaare, haa nokkuure nde ɓe kirsata guleteeɗi. Kanjum woni kirseteeŋga ngam ittuki hakkeeji.

Farillaaji Lewi'en 4:4

Sey o yahra ngaari man haa dammugal laymaaru fottirde, o yowa juŋngo maako dow hoore maari, o hirsa ndi ton yeeso Jawmiraawo.

Matta 3:17

Sawtu boo iwi haa asama, wi'i: “Oo woni Ɓiɗɗo am giɗaaɗo, mi ɗon seyoro ɗum masin.”

2 Korintu'en 5:19

Ɗum Allah bee hoore muuɗum sulhindiri yimɓe nder duniyaaru bee maako daliila Almasiihu bilaa limango ɓe aybeeji maɓɓe. O halfinani min yeeynugo kubar sulhu man!

2 Korintu'en 5:21

Almasiihu waɗaay hakke sam. Ammaa Allah yowi hakkeeji meeɗen fuu dow maako, ngam haa laatooɗen adili'en yeeso Allah barka kawtal meeɗen bee Almasiihu.

Efesu'en 2:18

Ngam daliila maako en fuu en keɓi laawol yottaago Baabiraawo nder Ruuhu gooto.

Efesu'en 3:12

En ɗon nuɗɗini mo, ngam maajum, haa maako keɓɗen duŋayeere yottaago Allah bee hoolaare.

1 Piyer 2:24

Almasiihu bee hoore muuɗum roondi hakkeeji meeɗen haa ɓanndu muuɗum dow leggal, ngam haa en laato maayɓe heedi hakke, ammaa yeeɗɓe heedi adilaaku. Daliila kuuduuje maako en kurgaama.