Farillaaji Lewi'en 26:5 - Fulfulde Bible

⁵ Alkamaari mon ɗuuɗan masin. Hiddeko on timmina fiyugo ndi, on ittan inabooje. Diga on timminaay teɓugo inabooje tawon, saa'i aawugo yaaltan. On nyaaman, on kaaran, on njooɗoto jam nder lesdi mon.

Fulfulde DC Bible

⁵ Alkamaari mon ɗuuɗan masin. Hiddeko on timmina fiyugo ndi, on ittan inabooje. Diga on timminaay teɓugo inabooje tawon, saa'i aawugo yaaltan. On nyaaman, on kaaran, on njooɗoto jam nder lesdi mon.

Farillaaji Lewi'en 26:5 Iomraidhean Croise

Jabuura 144:13

Beembe amin keewan nyaamle feere feereeje, dammooji amin ɗuuɗan cowi ujineeje ɗuuɗɗe haa durduɗe amin.

Jabuura 90:1

Do'aare Muusa, goɗɗo Allah. Yaa Jawmiraawo, an woni hisrude amin diga yidere haa yidere.

Gurtaaki 16:8

Muusa wi'i: “Ndaa nii anndirton ɗum: Kiikiiɗe Jawmiraawo nyaamnan on kusel, fajiri boo irin tamseeje, haa on kaara. Ngam Jawmiraawo nani no on ngurŋgurtiri dow maako. Ngam minin, min ɓeye? Ngurŋgurtol mon laataaki dow amin, ammaa dow Jawmiraawo.”

Balndi 1:33

Ammaa koo moy heɗitake yam, jooɗoto jam, o de'itan, o hulataa sarru.”

Balndi 18:10

Innde Jawmiraawo woni suudu aynirdu semmbiɗndu, adiliijo doggan haa ton, hisan.

Esaaya 1:19

To on njaɓi ɗowtanaago yam, on nyaaman ɓurɗum wooɗugo haa lesdi.

Esaaya 30:23

Nden kam Jawmiraawo toɓnan iyeende dow aawdi mon ndi aawɗon nder lesdi. Lesdi fuɗnan nyaamdu welndu, semmbiɗndu. Nyalaade man tokke mon nduran nder durdude yaasnde.

Yeremiya 23:6

Nder balɗe maako Yahuuda rimɗinte, Isra'iila boo jooɗoto jam. Yimɓe ewnoto laamiiɗo oo: Jawmiraawo-woni-adilaaku-meeɗen.”

Hose'a 2:18

Jawmiraawo wi'i: “Nyalaade nde mbaɗanmi bana non, a ewnatam: Goram. A meetataa ewnugo yam: Ba'al am.

Hose'a 2:20

Nyalaade maajum kaɓɓanmi alkawal ngam maɓɓe bee dabbaaji ladde e colli asama e ladooji dow lesdi, mi yewan lagaawal e kaafahi, mi timminan haɓre nder lesdi, haa ɓe keɓa siwtaago nder de'ere.

Yo'el 2:19

O jaabi ɓe ni'i: “Ndaa mi neldi on alkamaari e inaboojam e nebbam haa on kaara. Mi meetataa accugo ummaatooje njanca on.

Yo'el 2:22

Onon dabbaaji ladde, taa kule! Ngam durduɗe nder ladde puɗiti, leɗɗe ɗon ndima, ibbi e inabohi ɗon ndima ɓiɓɓe.

Yo'el 2:26

Nden on nyaaman, on kaaran. On maŋgtan innde Jawmiraawo, Allah mooɗon mo waɗani on kaayeefiijum. Ummaatoore am meetataa semtineego!

Amos 9:13

Jawmiraawo wi'i: “Annde, nyalɗe ɗon ngara, haa codol neeɓa haa yotto wakkati remugo, ɓiɗɗol inabooje neeɓa haa yotto wakkati aawugo. Nden kam kooseeje fuu cimtan inaboojam, towndiije fuu keewan haa rufa.

Matta 23:37

“Urusaliima! Urusaliima! A mbari annabi'en, a fiɗi nelaaɓe ɓe Allah neli haa ma bee kaa'e. Nde ɗuuɗɗum mi yiɗino mooɓtugo yimɓe ma, bana no gertogal mooɓtirta ɓikkoy mum les bileeji mum, ammaa on cali.

Kuuɗe Nelaaɓe 14:17

Koo non fuu o ɗon waŋginira hoore maako bee kuuɗe booɗɗe. O ɗon toɓnana on iyeende diga asama, o ɗon waɗana on ƴaamnde, o ɗon ɗuuɗɗina nyaamdu mon e hayru mon.”

Tooktaaki Tawreeta 11:15

Mi hokkan on boo huɗo ngam dabbaaji mon. Onon boo on nyaaman, on kaaran.

1 Timote 6:17

Umru riskuɓe nder duniyaaru ndu'u, taa ɓe mawnito. Taa ɓe koolo risku ngam ngu tabitittaa, ammaa ɓe koolo Allah, dokkanɗo en koo ɗume fuu bee caahaaki haa en ceyoro ɗum.

1 Piyer 1:5

On ɗon nuɗɗini mo. Ngam maajum o ɗon ayna on bee baawɗe maako. Nder balɗe ragareeje, o waŋginanan on kisndam ɗam o taaskani on.