Farillaaji Lewi'en 26:44 - Fulfulde Bible

⁴⁴ Ammaa koo to ɓe ɗon nder lesɗe konne'en maɓɓe, mi wudintaa ɓe, mi wanyataa ɓe. Mi nattintaa ɓe, mi fiistataa alkawal am bee maɓɓe, ngam min woni Jawmiraawo Allah maɓɓe.

Fulfulde DC Bible

⁴⁴ Ammaa koo to ɓe ɗon nder lesɗe konne'en maɓɓe, mi wudintaa ɓe, mi wanyataa ɓe. Mi nattintaa ɓe, mi fiistataa alkawal am bee maɓɓe, ngam min woni Jawmiraawo Allah maɓɓe.

Farillaaji Lewi'en 26:44 Iomraidhean Croise

Laataanooji 17:7

Mi haɓɓan alkawal bee maaɗa e ɓaawo maaɗa boo bee danygol ma, nder gide maɓɓe fuu. Alkawal nga'al duumoto haa foroy, haa mi laato Allah maaɗa e Allah danygol maaɗa ɓaawo ma.

2 Laamiiɓe 13:23

Ammaa Jawmiraawo mo'ani ɓe, o enɗi ɓe fahin, ngam daliila alkawal maako bee Ibrahiima e Isiyaaku e Yaakubu. O yiɗaa halkugo ɓe. Haa wargo saa'i maajum o wudinaay ɓe daayiiɗum e maako.

Nehemiya 9:17

Ɓe cali ɗowtaago, ɓe ngejjiti kaayeefiiji ɗi mbaɗnoɗa ngam maɓɓe. Ɓe caatini ko'e maɓɓe, ɓe cuɓani ko'e maɓɓe hooreejo ngam loraago haa njeyaaŋgu maɓɓe nder lesdi Misra. Ammaa an, a Allah jaafoowo, kinnotooɗo, enɗoowo yimɓe. A tikkataa law, mbooɗeeŋga ma ɗuuɗi. A wudinaay ɓe,

Nehemiya 9:31

Ammaa ngam enɗam ma ɗuuɗɗam a nattinaay ɓe fuu, a wudinaay ɓe, ngam a Allah kinnotooɗo e enɗoowo yimɓe.

Jabuura 103:13

Bana baaba enɗirta ɓiyum'en, bana non Jawmiraawo enɗirta hulɓe mo.

Jabuura 89:33

nden kam mi hiitoto tuurtolji maɓɓe bee sawru, mi ɓoccan ɓe ngam aybeeji maɓɓe.

Jabuura 94:14

Ngam Jawmiraawo wudintaa ummaatoore mum, o accataa yimɓe laatiiɓe maral maako.

Yeremiya 14:21

Ammaa ngam daliila innde maaɗa, taa wudin min, taa yawnu Urusaliima, jooɗorde tedduŋgal maaɗa. Siftor alkawal maaɗa bee amin, taa fiistu ngal!

Yeremiya 24:5

Ndaa nii Jawmiraawo Allah Isra'iila wi'i: “Mi ɗon laara dahaaɓe diga Yahuuda haa lesdi Kaldiya'en bana ibbe booɗɗe ɗe'e.

Yeremiya 30:11

Jawmiraawo wi'i: “Mi ɗon wondi bee mooɗon ngam hisnugo on. Mi nattinan ummaatooje fuu haa caŋkititmi on. Ammaa onon, mi nattintaa on. Mi eltan on fakat, ammaa mi eltan on deydey, mi laarataa on bana on ngalaano aybe.” Non Jawmiraawo wi'i.

Yeremiya 31:20

An Efrayim, a ɓiɗɗo am giɗaaɗo, a ɓiŋngel am ngel ɓurmi yiɗgo. Nde ngiɗmi felugo ma fuu, mi siftoran no mi yiɗiri ma. Ngam maajum ɓernde am ɗon waylo nder am, mi hinnoto ma fakat.” Non Jawmiraawo wi'i.

Yeremiya 33:26

Fakat bana mi tabitini ɗum, mi jogoto alkawal am bee danygol Yaakubu e suka am Daawuda, mi laaman goɗɗo danygol Daawuda dow danygol Ibrahiima e Isiyaaku e Yaakubu. Ngam mi wartiran joonde maɓɓe bana naane, mi enɗan ɓe.”

Ezekiyel 16:60

Ammaa min mi yejjitittaa alkawal ngal kaɓɓumi bee maaɗa saa'i a paanyono. Mi tabitinan alkawal duumiiŋgal bee maaɗa.

Farillaaji Lewi'en 26:11

Mi jooɗoto caka mooɗon nder jooɗorde am, mi meeɗataa wanyugo on.

Roma'en 11:2

Allah wudinaay yimɓe mum ɓe o suɓi diga fuɗɗam. Ciftore ko Deftere anndini dow Eliya gulliiɗo Isra'iila'en haa Allah,

Roma'en 11:26

Nden kam Isra'iila fuu hisan, bana ko winnda: “Kisnoowo waran diga hooseere Siyona, ittan geddal yimɓe Yaakubu fuu.

Alkaali'en 2:1

Malaa'ikaajo Jawmiraawo wari diga Gilgal, yehi haa Bokim. O wi'i Isra'iila'en: “Mi wurtini on lesdi Misra e mi yahri on haa lesdi ndi mi iinani baabiraaɓe mon. Mi wi'i: Mi fiistataa alkawal am bee mooɗon haa foroy.