Farillaaji Lewi'en 26:16 - Fulfulde Bible

¹⁶ nden kam mi hiitoto on. Mi ukkanan on kultoreeŋgol, mi nyawnan on nyawuji ciiɓanɗi on e jonte, haa gite mon tampa, tum semmbe mon ustan. On aawan gese mon, ammaa on naftortaa ɗe, ngam konne'en mon njaɓtan ƴaamle mon.

Fulfulde DC Bible

¹⁶ nden kam mi hiitoto on. Mi ukkanan on kultoreeŋgol, mi nyawnan on nyawuji ciiɓanɗi on e jonte, haa gite mon tampa, tum semmbe mon ustan. On aawan gese mon, ammaa on naftortaa ɗe, ngam konne'en mon njaɓtan ƴaamle mon.

Farillaaji Lewi'en 26:16 Iomraidhean Croise

1 Laamiiɓe 8:37

To weelo waɗi nder lesdi malla nyawu kalluŋgu ndaaɓoowu saŋkitake nder lesdi, to alkamaari yoori malla nyoli, to baɓɓatti malla ndo'uuji ɗuuɗɗi ngari, to konne'en kippake Isra'iila'en haa berniiji muuɗum'en, to masiibo waɗi malla nyawu koo nguye,

Ayuba 18:11

Bakeeje fuu kuuje kulniiɗe kulnan mo, koo toy ɗe ɗon tokko palanɗe maako fuu.

Ayuba 20:25

O ittan kurol gurtiiŋgol ɓaawo maako, non boo balmol ceekŋgol heŋre maako. Kulol maayde waran dow maako.

Ayuba 31:8

nden ko aawanmi, goɗɗo feere nyaama ɗum, ɗum ko fuɗantammi, woɗɓe ngara, ɗoofa ɗum.

Jabuura 109:6

Ummin goɗɗo kalluɗo ngam hiitaago konneejo am! Ceettoowo mo wullo mo!

Jabuura 73:19

Ɓe kalkan law, ɓe majjan, timmoode maɓɓe laatoto hulniinde.

Jabuura 78:33

Ngam maajum o timmini balɗe maɓɓe meere, o timmini duuɓi maɓɓe nder kultoreeŋgol.

Gurtaaki 15:26

O wi'i ɓe: “Min woni Jawmiraawo, Allah mooɗon. Fakat to on ɗowtanake yam bee waɗugo ko fottani yam, to on nani umrooje am e on ɗowtanake farillaaji am fuu, nden kam mi ukkantaa on nyawuji ɗi mi ukkani Misra'en. Ngam min woni Jawmiraawo, kurgoowo on.”

Balndi 3:33

Naaloore Jawmiraawo ɗon dow cuuɗi halluɓe, ammaa o barkiɗinan cuuɗi adili'en.

Esaaya 10:4

Walaa ko lutti, sey turodaago bee haɓɓaaɓe malla do'odaago bee mbaraaɓe. Bee non fuu, tikkere Jawmiraawo feewtaay, juŋngo maako ɗon forti tawon.

Esaaya 62:8

Jawmiraawo hunori bee juŋngo mum nyaamo, semmbiɗŋgo: “Mi meetataa nyaamnugo konne'en mon alkamaari mon, jananɓe meetataa yarugo inaboojam mon ɗam keɓɗon bee kuugal mon caatuŋgal.

Esaaya 7:2

Yimɓe saare Daawuda anndinaama: “Jama'aare konu Siriya saŋngini haa lesdi Efrayim.” Ɓernde laamiiɗo e ɓerɗe yimɓe ummaatoore mum ndiwni bana leɗɗe laynde ndiwnirta nder henndu.

Yeremiya 12:13

Yimɓe am aawi alkamaari, ammaa ɓe codi gi'e. Ɓe comi meere. Codol maɓɓe laatani ɓe toskaare ngam daliila tikkere am saatunde.”

Yeremiya 15:3

Mi ta'ani ɓe masiibooji nayi: Kaafahi ngam mbarugo ɓe, dawaaɗi ngam seekugo ɓe, colli e dabbaaji ngam nyaamugo ɓe e ngam nattingo ɓe.

Yeremiya 15:8

Mi ɗuɗɗini rewɓe yurumɓe haa mooɗon ko ɓuri njaareendi haa maayo. Mi neli kalkoowo dow daadiraaɓe honooɓe suka'en, bee juhuki ukkumi kultoreeŋgol maŋngol.

Yeremiya 20:4

Ndaa nii Jawmiraawo wi'i: Mi accete nder kulol, an e sooba'en maaɗa fuu. A yi'an bee gite ma no konne'en mbardata ɓe bee kaafahi. Mi hokkan Yahuuda fuu haa juŋngo laamiiɗo Baabila. O dahan woɗɓe haa Baabila, woɗɓe boo o mbaran ɓe bee kaafahi.

Yeremiya 5:17

Nde nyaaman nafuuda gese mooɗon e nyaamdu mooɗon. Nde nyaaman ɓiɓɓe mon worɓe e rewɓe, nde nyaaman dammooji mooɗon e na'i mooɗon, nde nyaaman inabooje mooɗon e ibbe mooɗon. On ɗon koolo berniiji mooɗon cemmbiɗɗi, ammaa ummaatoore nde'e halkan ɗi bee kaafahi.

Ezekiyel 24:23

Taa on itta meetaleeji mon, taa on paɗɗito. Taa on njooyna, taa on mboya. Ammaa on njinnan ngam daliila aybeeji mon, on uumoto, koo moy heedi keeddiɗɗum.

Ezekiyel 33:10

Jawmiraawo wi'i yam: “Ɓii-Aadama, yeccu yimɓe Isra'iila ni'i: On ɗon mbi'a: Hakkeeji amin e aybeeji amin ɗon teddana min. Kanjum waɗi min ɗon tampi. Noy min ngeeɗirta?

Amos 5:11

On ɗon torra laafuɗo, on ɗon njoɓna mo jomorgol alkamaari. Ngam maajum, on nyiɓi cuuɗi bee kaa'e cehaaɗe, ammaa on njooɗataako nder maaji. On njubi gese inabooje booɗɗe masin, ammaa on njarataa inaboojam maaje.

Mika 6:15

On aawan, ammaa on codataa. On ɓiɗɗan jaytunje, ammaa on ngujataa ɓalli mon bee nebbam. On ɓiɗɗan inabooje boo, ammaa on njarataa inaboojam.

Haggay 1:6

On aawi ɗuuɗɗum, ammaa on codi pamarum. On nyaami, ammaa on kaaraay. On njari, ammaa ɗam ittaay suuno mooɗon. On ɗon ɓorni, ammaa on ɗon maata jaaŋgol. Kuuwanɗo ngam ngeenaari ɗon jaɓa rufa ndi nder booro sumpitaaŋgo.

Zekariya 14:12

Ndaa masiibooji ɗi Jawmiraawo ukkanto yimɓe ummaatooje honiiɓe Urusaliima fuu: O nyolnan kusel ɓalli maɓɓe diga ɓe ɗon ndari dow kosɗe maɓɓe tawon. Gite maɓɓe nyolan nder gasɗe muuɗum'en, ɗemɗe maɓɓe boo nder kunnduɗe maɓɓe.

Malakiya 2:3

“Ndaa, mi furkititto danygol mon, mi wiccan coowoowe dabbaaji ɗi on kirsata nder juulɗe mon haa geese mon, ɓe ndufdan on bee maaje fuu.

Tooktaaki Tawreeta 28:51

Ɓe nyaaman dabbaaji mon e ƴaamle gese mon haa to on kalki. Ngam ɓe luttantaa on alkamaari e inaboojam e nebbam e ɓiɓɓe na'i e dammooji, haa to ɓe mbili on.

Tooktaaki Tawreeta 32:25

Kaafahi do'an ɓiɓɓe maɓɓe dow laabi, kultoreeŋgol ukkanto ɓe nder cuuɗi, suka'en e faanyɓe e musinankoy e ndotti'en fuu kalkan.

Ibraniŋke'en 10:31

Yanugo diga juŋngo Allah geeto ɗum kulniiɗum masin!

Alkaali'en 6:11

Malaa'ikaajo Jawmiraawo wari, jooɗi les lekki makki gonki haa Ofra, nder maral Yo'as, goɗɗo danygol Abi'ezer. Gedeyon, ɓiyiiko ɗon fiya alkamaari bee sirri nder ɓiɗɗirde inaboojam, ngam taa yimɓe Madiyan ngi'a mo.

1 Samuyila 2:33

Gorko gooto tan accanmi haa o huuwanammi kuugal limanku, luttuɓe fuu maayan saa'i ɓe suka'en. Kanjum ɗum tampinan gite ma, ɗum torran ɓernde ma boo.