Farillaaji Lewi'en 20:2 - Fulfulde Bible

² o wi'a Isra'iila'en ni'i: “Koo moy Isra'iilaajo malla jananno nder Isra'iila dokkuɗo gootel haa ɓikkoy mum ngam lawru Molek, sey ummaatoore fiɗa mo bee kaa'e haa o maaya.

Fulfulde DC Bible

² o wi'a Isra'iila'en ni'i: “Koo moy Isra'iilaajo malla jananno nder Isra'iila dokkuɗo gootel haa ɓikkoy mum ngam lawru Molek, sey ummaatoore fiɗa mo bee kaa'e haa o maaya.

Farillaaji Lewi'en 20:2 Iomraidhean Croise

1 Laamiiɓe 11:7

Saa'i maajum Suleymaanu nyiɓani Kemos, lawru Mo'abi'en nyiddundu, nokkuure townde dow hooseere tiitotirnde bee Urusaliima. Non boo ngam Molek, lawru Ammooni'en nyiddundu.

2 Laamiiɓe 17:17

Ɓe lii'i ɓikkoy maɓɓe ngorkoy e ndehoy, ɓe ngulani labbi. Ɓe mbaɗi hatti, ɓe mbaɗi buudeeku. Ɓe ndokki ko'e maɓɓe fuu ngam waɗugo kalluɗum yeeso Jawmiraawo haa ɓe tikkina mo.

2 Laamiiɓe 23:10

E boo o soɓni nokkuure wi'eteende Tofet nder waadiwol Ɓii-Hinnom, ngam taa koo moy lii'o ɓiyum gorko malla debbo ngam wulango Molek.

2 Habaruuji Nyalaaɗe 28:3

O wuli uurle nder Waadiwol Ɓii-Hinnom, o lii'i koo ɓiɓɓe maako, o wulani labbi fodde al'aadaaji nyidduɗi nder ummaatooje ɗe Jawmiraawo riiwno yeeso Isra'iila'en.

2 Habaruuji Nyalaaɗe 33:6

O lii'i ɓiɓɓe maako worɓe, o wulani labbi nder waadiwol Ɓii-Hinnom. O waɗi hatti e hiila, o darni sarwotooɓe maayɓe e laarooɓe sirriijum. O ɗuɗɗini kalluɗum yeeso Jawmiraawo ngam haa o tikkina mo.

Jabuura 106:38

ɓe ndufi ƴiiƴam yimɓe ɓe ngalaa aybe, ƴiiƴam ɓiɓɓe maɓɓe worɓe e rewɓe. Ɓe kirsi ɓe ngam labbi Kanaani'en, lesdi soɓi bee ƴiiƴam maɓɓe.

Yeremiya 32:35

Ɓe mahi towndiije ngam Ba'al nder waadiwol Ɓii-Hinnom, haa ɓe ngula ɓiɓɓe maɓɓe worɓe e rewɓe bana kirsaaɗi ngam lawru Molek. Min mi umraay ɓe waɗugo ɗum, mi meeɗaay koo numugo ɗum. Ammaa kamɓe ɓe mbaɗi nyidduɗum ɗu'um, ɓe nastini yimɓe Yahuuda nder hakke.”

Yeremiya 7:31

Nder waadiwol Ɓii-Hinnom ɓe mahi hirsirde wi'eteende Tofet ngam wulugo ɓiɓɓe maɓɓe worɓe e rewɓe bana kirseteeɗi. Min mi umraay ɓe waɗugo ɗum, mi meeɗaay koo numugo ɗum.

Ezekiyel 20:26

Mi soɓni ɓe bee dokke maɓɓe, yaake ɓe ɗonno lii'o afɓe maɓɓe worɓe, ɓe ngula ɓe ngam labbi. Kanjum mbaɗmi ngam hiitaago ɓe, ngam haa ɓe paama min woni Jawmiraawo.

Ezekiyel 20:31

Haa wargo hannde on ɗon coɓna ko'e mon, ngam on ɗon teddina labbi ɗi'i. On ɗon lii'ano ɗi ɓikkoy mon, on ngula koy. Kadiboo on ɗon ngara ƴamugo muuyo am, onon yimɓe Isra'iila! Allah Jawmiraawo wi'i: Fakat bana mi geeto, mi jaɓataa on ƴamammi.

Ezekiyel 23:37

Ngam ɓe mbaɗi njeenu, ƴiiƴam ɗon takki haa juuɗe maɓɓe. Ɓe mbaɗi njeenu bee tokkaago labbi, ɓe mbari ɓikkoy koy ɓe ndanyani yam. Ɓe lii'ani labbi ɓiɓɓe am.

Ezekiyel 23:39

Ɓe kirsi ɓikkoy maɓɓe, ɓe lii'ani koy labbi maɓɓe, nden ɓe ngari nyalaade man nder suudu am seniindu, ɓe coɓni ndu. Bana nii ɓe mbaɗi nder suudu am.

Farillaaji Lewi'en 17:13

To Isra'iilaajo malla jananno nder Isra'iila mbari ndabbaawa ladde nyaameteeŋga malla sonndu nyaameteendu, sey o rufa ƴiiƴam man fuu haa lesdi, o sudda ɗam bee mbulwuldi.

Farillaaji Lewi'en 17:15

Koo moy Isra'iilaajo malla jananno nder Isra'iila nyaamɗo kusel ndabbaawa mbaatŋga malla nga huunde ladde faɗɗi ɗum, sey loota limce mum, yiiwo. O nyallan o coɓɗo.

Farillaaji Lewi'en 17:8

To Isra'iilaajo malla jananno nder Isra'iila mo yiɗi lii'aago nguleteeŋga malla kirseteeŋga feere,

Farillaaji Lewi'en 18:21

Taa lii'ana lawru Molek guleteeŋgel nder ɓikkoy ma, koo gootel. Taa soɓnu innde Allah ma bee waɗugo irin ɗu'um. Min woni Jawmiraawo.

Farillaaji Lewi'en 20:1

Jawmiraawo umri Muusa,

Farillaaji Lewi'en 20:27

Koo moy gorko malla debbo carwotooɗo maayɓe malla hiilaajo, sey on piɗa mo bee kaa'e haa o maaya. Aybe maayde maako laatoto dow hoore maako.”

Farillaaji Lewi'en 24:14

“Wurtin mo yaasi saŋngeere. Koo moy nanɗo kuudi maako, yowa juuɗe mum dow hoore maako ngam seedamku aybe maako. Nden jama'aare fuu fiɗa mo bee kaa'e haa o maaya.

Farillaaji Lewi'en 24:16

O mbareteeɗo fakat. Koo moy Isra'iilaajo malla jananno nder Isra'iila mo huɗi Allah, sey jama'aare fuu fiɗa mo bee kaa'e haa o maaya.

Farillaaji Lewi'en 24:23

Muusa wi'i ɗum Isra'iila'en. Ɓe njahri kuɗɗo Allah go yaasi saŋngeere, ɓe piɗi mo bee kaa'e haa o maayi. Bana non ɓe mbaari ko Jawmiraawo umruno Muusa.

Kuuɗe Nelaaɓe 7:43

On ndoondi laymaaru lawru mon Molok, on ndoondi horre lawru mon Refan, labbi ɗi on mbaɗi ngam on cujidana ɗi. Ngam maajum mi dahan on haa gaɗa Baabila.

Tooktaaki Tawreeta 12:31

Cujidane Jawmiraawo, Allah mooɗon, ammaa naa bana kamɓe ɓe cujidirani labbi maɓɓe. Ko ɓe kuuwani labbi maɓɓe, ɗum nyidduɗum haa Jawmiraawo, o ɗon wanya ɗum. Ɓe lii'ani ɗi koo ɓikkoy maɓɓe worɓe e rewɓe boo nguleteekoy dow kirsirɗe maɓɓe.”

Tooktaaki Tawreeta 17:2

Teema on nanan habaru haa berniwol koo ngole caka berniiji ɗi Jawmiraawo hokkata on. Goɗɗo gorko malla debbo ton waɗi hakke dow Jawmiraawo, Allah mooɗon, luuti alkawal maako,

Tooktaaki Tawreeta 18:10

Taa goɗɗo caka mooɗon lii'o ɓiɗɗo mum gorko malla debbo guleteeɗo. Taa goɗɗo laato baɗoowo hatti malla daaroowo kuuje feere malla hiilaajo

Tooktaaki Tawreeta 21:21

Nden yimɓe berniwol maako fuu piɗa mo bee kaa'e haa o maaya. Bana non ittirton halleende caka mooɗon. Isra'iila'en fuu nana habaru maajum, ɓe kula.”

Tooktaaki Tawreeta 22:21

nden ɓe ngurtina mo haa yolnde saare baaba maako. Worɓe berniwol maako piɗa mo bee kaa'e haa o maaya, ngam o waɗi nyidduɗum nder Isra'iila bee waɗugo njeenu haa saare baaba maako. Bana non ittirton halleende irin nde'e nder Isra'iila.