Farillaaji Lewi'en 1:4 - Fulfulde Bible

⁴ O yowa juuɗe maako dow hoore maari, Jawmiraawo boo jaɓan ndi ngam o yaafo hakkeeji goɗɗo oo.

Fulfulde DC Bible

⁴ O yowa juuɗe maako dow hoore maari, Jawmiraawo boo jaɓan ndi ngam o yaafo hakkeeji goɗɗo oo.

Farillaaji Lewi'en 1:4 Iomraidhean Croise

Gurtaaki 28:38

Nde wona dow tiinde Haruna ngam faddaago Isra'iila'en to ɓe mbaɗi aybeeji wakkati ɓe cenata dokke e kirseteeɗi ngam Jawmiraawo fuu. Nde wona foroy haa tiinde maako ngam yerduye maɓɓe yeeso Jawmiraawo.

Gurtaaki 29:10

Waddu kalhaldi go yeeso laymaaru fottirde. Haruna e ɓikkoy mum njowa juuɗe dow hoore maari.

Gurtaaki 29:15

Nden hoo'u ngoori jawɗi baali. Haruna e ɓikkoy mum njowa juuɗe dow hoore maari.

Gurtaaki 29:19

Nden hoo'u njawdiri ɗiɗawri. Haruna e ɓikkoy mum njowa juuɗe dow hoore maari.

Gurtaaki 29:33

Ɓe nyaama ko hirse ngam yaafuye hakkeeji maɓɓe wakkati halfitinango ɓe kuugal e senugo ɓe. Jananno nyaamataa ɗum, ngam ɗum cenaaɗum.

Esaaya 56:7

mi yahran ɓe haa hooseere am seniinde, mi seynan ɓe nder suudu do'a am. Mi yerdoto guleteeɗi maɓɓe e kirseteeɗi ɗi ɓe lii'anto yam dow hirsirde am. Suudu am wi'ete suudu do'a ngam ummaatooje fuu.

Ezekiyel 45:15

On ndokka boo ndammoowa ngoota nder teemeɗɗe ɗiɗi haa durduɗe Isra'iila. Sey on ngadda dokke nyaamdu ɗe'e e dabbaaji guleteeɗi e kirseteeɗi ngam kawtal mooɗon bee am, ngam heɓugo yaafuye hakkeeji mon. Min Allah Jawmiraawo umri ɗum.

Daniyel 9:24

Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Farillaaji Lewi'en 16:21

O yowa juuɗe maako ɗiɗi dow hoore maari, o waŋgina dow maari hakkeeji Isra'iila'en e aybeeji maɓɓe e tuurtol maɓɓe, o yowa ɗum fuu dow hoore njawdiri. Nden o umra goɗɗo riiwa ndi nder ladde.

Farillaaji Lewi'en 16:24

Sey o yiiwo haa nokkuure seniinde, o ɓorno limce maako. Nden o wurto, o lii'o nguleteeŋga maako e nga yimɓe, ngam o itta hakkeeji maako e hakkeeji ummaatoore fuu.

Farillaaji Lewi'en 22:21

To goɗɗo yiɗi lii'anaago yam kirseteeŋga ngam kawtal yimɓe bee Allah, ngam o hebbina togayeere malla ngam ɓernde maako numi ɗum, sey ɗum laato ndabbaawa nga walaa aybe, haa mi yerdo nga.

Farillaaji Lewi'en 22:27

“To gaggel malla baalel malla be'el rimaama, ngel wonda bee daada maagel nyalɗe joweeɗiɗi. Ɓaawo man mi yerdoto ngel bana guleteeŋgel.

Farillaaji Lewi'en 3:13

o wallina juŋngo maako dow hoore maaga, o hirsa nga haa dammugal laymaaru fottirde. Liman'en danygol Haruna mbicca ƴiiƴam maaga haa bakeeje hirsirde nayi fuu.

Farillaaji Lewi'en 3:2

Sey o yowa juŋngo maako dow hoore ndabbaawa man, o hirsa nga haa dammugal laymaaru fottirde. Liman'en danygol Haruna mbicca ƴiiƴam maaga haa bakeeje hirsirde man nayi fuu.

Farillaaji Lewi'en 3:8

O yowa juŋngo maako dow hoore maagu, o hirsa ngu haa dammugal laymaaru fottirde. Liman'en danygol Haruna mbicca ƴiiƴam maagu haa bakeeje hirsirde nayi fuu.

Farillaaji Lewi'en 4:15

Ndotti'en jama'aare njowa juuɗe muuɗum'en dow hoore maari, ɓe kirsa ndi ton yeeso Jawmiraawo.

Farillaaji Lewi'en 4:20

Sey o waɗa ngaari ndi'i bana o waarata ngaari kirseteendi ngam ittuki hakkeeji go. Bana nii limanjo waarata ngam ittuki hakkeeji yimɓe, ɓe keɓan yaafuye boo.

Farillaaji Lewi'en 4:24

O yowa juŋngo maako dow hoore maari, o hirsa ndi haa wakeere hirsirde woylaare, haa nokkuure nde ɓe kirsata guleteeɗi. Kanjum woni kirseteeŋga ngam ittuki hakkeeji.

Farillaaji Lewi'en 4:26

O wula ɓellere njawdiri fuu dow hirsirde, bana no o waarata bee ɓellere kirseteeɗi ngam kawtal yimɓe bee Allah. Bana nii limanjo lii'orto kirsaaŋga ngam ittuki hakkeeji ardiiɗo, kaŋko boo o heɓan yaafuye.

Farillaaji Lewi'en 4:29

O yowa juŋngo maako dow hoore maaga, o hirsa nga haa wakeere hirsirde woylaare, haa nokkuure nde ɓe kirsata guleteeɗi.

Farillaaji Lewi'en 4:31

O hoo'a ɓellere mbeewa fuu, bana no o waarata ɓellere kirseteeɗi ngam kawtal yimɓe bee Allah, o wula nde dow hirsirde. Uureeŋgol man belŋgol fottanan Jawmiraawo. Bana nii limanjo lii'orto kirsaaŋga ngam ittuki hakkeeji goɗɗo go, kaŋko boo o heɓan yaafuye.

Farillaaji Lewi'en 4:33

O yowa juŋngo maako dow hoore maagu, o hirsa ngu haa wakeere hirsirde woylaare, haa nokkuure nde ɓe kirsata guleteeɗi.

Farillaaji Lewi'en 4:35

O hoo'a ɓellere mbaalu fuu, bana no o waarata ɓellere baali kirseteeɗi ngam kawtal yimɓe bee Allah, o wula nde dow hirsirde hawtaade bee guleteeɗi ngam Jawmiraawo. Bana nii limanjo lii'orto kirsaaŋga ngam ittuki hakkeeji goɗɗo go, kaŋko boo o heɓan yaafuye.”

Farillaaji Lewi'en 4:4

Sey o yahra ngaari man haa dammugal laymaaru fottirde, o yowa juŋngo maako dow hoore maari, o hirsa ndi ton yeeso Jawmiraawo.

Farillaaji Lewi'en 5:6

o waddana Jawmiraawo mbaalu malla mbeewa kirseteeɗum ngam ittuki hakke maako. Limanjo lii'o kirseteeɗum man ngam ittugo hakke goɗɗo oo.

Farillaaji Lewi'en 6:7

“Ndaa umroore dow dokke nyaamdu. Limanjo mo danygol Haruna lii'ano Jawmiraawo dokkal nyaamdu yeeso hirsirde.

Farillaaji Lewi'en 8:14

Nden Muusa waddi ngaari kalhaldi kirseteendi ngam ittuki hakkeeji. Haruna e ɓiɓɓe mum njowi juuɗe muuɗum'en dow hoore maari.

Farillaaji Lewi'en 8:18

Nden Muusa waddi njawdiri mbaalu nguleteendi. Haruna e ɓiɓɓe mum njowi juuɗe muuɗum'en dow hoore maari.

Farillaaji Lewi'en 8:22

Nden Muusa waddi njawdiri mbaalu ɗiɗawri, waato njawdiri ngam kalfitinki kuugal. Haruna e ɓiɓɓe mum njowi juuɗe muuɗum'en dow hoore maari.

Farillaaji Lewi'en 9:7

Nden o wi'i Haruna: “Yah haa hirsirde, lii'a kirseteeŋga e nguleteeŋga ngam ittuki hakke ma e hakkeeji yimɓe. Lii'a kirseteeŋga ngam ittuki hakkeeji yimɓe, bana Jawmiraawo umri ɗum.”

Limle 15:25

Limanjo heɓnana yimɓe ummaatoore Isra'iila fuu yaafuye. Ɓe keɓan yaafuye ngam ɓe mbaɗaay hakke man bee anniya, ɓe lii'ani Jawmiraawo nguleteeŋga maɓɓe e kirseteeŋga ngam ittuki hakkeeji maɓɓe boo.

Limle 15:28

Limanjo heɓna mo yaafuye haa Jawmiraawo ngam daliila hakke maako bilaa anniya.

Limle 25:13

Alkawal man tabitinan limanku maako e limanku danygol maako haa foroy ngam o waŋginani yam yiide maako, o waŋginiri nde bee tikkere maako haajunde dow Isra'iila'en, o heɓni ɓe yaafuye boo.”

Limle 8:10

Ɓaditin Lewi'en yeeso am, Isra'iila'en boo njowa juuɗe muuɗum'en dow ko'e Lewi'en.

Limle 8:12

Nden Lewi'en njowa juuɗe muuɗum'en dow ko'e ga'i kalhali go. Haruna taaskitina ngoori kirseteendi ngam ittuki hakkeeji, ngoori boo nguleteendi ngam am, ngam haa Lewi'en keɓra yaafuye.

Roma'en 12:1

Deerɗiraaɓe am, Allah waŋginani en enɗam mum ɗuuɗɗam. Ngam maajum mi ɗon toro on on lii'ano mo ko'e mon bana kirseteeɗi geeti, ceniiɗi, pottananɗi mo. Kanjum woni dewal ngal haandani mo.

Roma'en 3:25

Allah darni Yeesu Almasiihu haa nuɗɗinɓe mo fuu keɓa yaafuye bee ƴiiƴam maako. O hiitaaki hakkeeji maɓɓe ɓooymaaji, o munyani ɓe, o yaafi ɓe. Bana nii o waŋginiri adilaaku maako jonta waato o adiliijo e o adilinanɗo nuɗɗinanɓe Yeesu fuu.

Roma'en 5:11

Naa ɗu'um tan, ammaa en ɗon ceyoro kawtal bee Allah ngam daliila Yeesu Almasiihu, Jawmiraawo men mo sulhotiri en bee Allah.

Filippi'en 4:18

Mi heɓi dokkal ngal nelduɗon bee juŋngo Epafrodit. Mi heɓi ko mi mari haaje fuu, haa ɗum ɓuri haaje am, mi ɗon nder jeynitaare. Ɗum laati bana dokkal uurdi mbelndi, kirsaaɗum ko Allah seyorto, yerdoto.

Ibraniŋke'en 10:4

Ngam ƴiiƴam ga'i e jawɗi be'i mbaawataa ittugo hakkeeji.

1 Yuhanna 2:2

Ngam Almasiihu bee hoore mum hokki yoŋki muuɗum ngam yaafuye hakkeeji meeɗen, naa ɗi meeɗen tan, ammaa ɗi duniyaaru fuu boo.