Farillaaji Lewi'en 1:3 - Fulfulde Bible

³ To o yiɗi lii'aago nguleteeŋga nder na'i maako, sey o hoo'a ngaari kalhaldi ndi walaa aybe. Sey o lii'o ndi haa dammugal laymaaru fottirde, ngam haa Jawmiraawo yerdo ndi.

Fulfulde DC Bible

³ To o yiɗi lii'aago nguleteeŋga nder na'i maako, sey o hoo'a ngaari kalhaldi ndi walaa aybe. Sey o lii'o ndi haa dammugal laymaaru fottirde, ngam haa Jawmiraawo yerdo ndi.

Farillaaji Lewi'en 1:3 Iomraidhean Croise

Laataanooji 22:13

Ibrahiima ɓaŋgti gite, yi'i njawdiri mbaalu ɓaawo maako. Luwe maari ɗon njomi nder wumre sukkunde. O yehi, o hoo'i ndi, o lii'ani ndi Allah nguleteendi haa mbattudi ɓiyiiko.

Laataanooji 22:2

Allah wi'i: “Hoo'u ɓiya bajjo, Isiyaaku mo ngiɗɗa, yah nder lesdi Moriya. Lii'a mo ton bana nguleteeŋga dow hooseere nde mi tammi tinndinango ma.”

Laataanooji 22:8

Ibrahiima jaabi: “Ɓiŋngel am, Allah hiɓɓan ɗum, heɓanan hoore mum jawgel guleteeŋgel.” Ɓe tokki yahdugo, ɓe ɗiɗo fuu.

Laataanooji 8:20

Nuuhu mahani Jawmiraawo hirsirde. Nden o hoo'i ndabbaawa ngoota ngoota nder dabbaaji dagiiɗi e sonndu wooru wooru nder colli dagiiɗi fuu. O lii'ani ɗi Allah guleteeɗi dow hirsirde.

2 Habaruuji Nyalaaɗe 29:32

Ndaa limgal guleteeɗi ɗi jama'aare nde'e waddani Jawmiraawo: Ga'i cappanɗe joweeɗiɗi e jawɗi baali teemerre e njawkoy teemeɗɗe ɗiɗoy.

2 Habaruuji Nyalaaɗe 35:12

Lewi'en itti guleteeɗum maakoy, njo'ini ɗum sera ngam hokkugo yimɓe ummaatoore fodde mooɓe ci'e maɓɓe, haa ɓe lii'ano ɗum Jawmiraawo fodde ko winnda haa deftere Muusa. Bana non ɓe mbaɗi bee ga'i boo.

Jabuura 110:3

Saa'i a ɗon dilla haɓre, yimɓe ma ɗon tokko ma bee ngiɗam muuɗum'en. Bana saawawre subaha, non suka'en ma ngardata haa maaɗa dow kooseeje ceniiɗe.

Jabuura 40:8

Nden mbi'mi: “Ndaa yam, mi wari. Haala dow am winndaama nder deftere taggaande.

Gurtaaki 12:5

Jawgel ngel cuɓoton laato ngel nduuɓu, ngel walaa batte.

Gurtaaki 24:5

Nden o neli Isra'iila'en sukaaɓe ɓe lii'ano Jawmiraawo guleteeɗi, ɓe kirsana mo boo ga'i kalhali, ngam kawtal maɓɓe bee maako.

Gurtaaki 29:18

A wula njawdiri fuu dow hirsirde. Kanjum woni nguleteeŋga nga yiite nyaamata ɗum ngam Jawmiraawo, uureeŋgol belŋgol maaga fottanan Jawmiraawo.

Gurtaaki 29:4

Ɓaditin Haruna e ɓikkoy muuɗum haa dammugal laymaaru fottirde. Ɓe laɓɓina ko'e maɓɓe bee ndiyam.

Gurtaaki 29:42

Nguleteeŋga man tabita foroy nder gide mooɗon fuu, haa dammugal laymaaru fottirde yeeso Jawmiraawo, nokkuure nde mi fottata bee mooɗon, nde mi wolwante e muuɗum boo.

Gurtaaki 32:6

Jaŋngo maajum ɓe ndawi cub, ɓe lii'i guleteeɗi, ɓe mbaɗi kirseteeɗi ngam kawtal. Yimɓe fuu njooɗi, ɗon nyaama, ɗon njara. Nden ɓe ummi haa ɓe pija.

Gurtaaki 35:21

Koo moy mo ɓernde muuɗum ummini ɗum e koo moy mo ruuhu muuɗum saahini ɗum, wari, waddani Jawmiraawo dokkal ngam waɗugo laymaaru fottirde e kuugal nder maaru fuu, non boo ngam limce ceniiɗe.

Gurtaaki 35:29

Isra'iila'en, worɓe e rewɓe marɓe ɓerɗe caahiiɗe fuu ngaddani Jawmiraawo dokkal caahiiŋgal ngam waɗugo ko Jawmiraawo umri ɓe bee hunnduko Muusa fuu.

Gurtaaki 35:5

Koo'e haa mooɗon dokkal ngam Jawmiraawo. Koo moy marɗo ɓernde saahiinde fuu wadda dokkal maajum: Kaŋŋeeri e cardi e njamndi mboɗeeri

Gurtaaki 36:3

Ɓe keɓi haa Muusa dokkal ngal Isra'iila'en ngaddi ngam huuwugo kuugal suudu seniindu. Fajiri fuu yimɓe ngaddani Muusa dokke caahiiɗe.

Gurtaaki 38:1

O waɗi hirsirde nde leggal gawaral. Njuutirka maare meetir ɗiɗi bee reeta, njaajirka maare boo meetir ɗiɗi bee reeta, waato marnde tolɗi nayi potanɗi, towirka maare boo meetir gootel bee reeta.

Esaaya 1:11

Jawmiraawo wi'i: “Ko yaali yam bee ɗuuɗeeŋga kirsaaɗi mon? Mi safti jawɗi gulaaɗi e ɓellere nyalbi. Mi seyortaako ƴiiƴam ga'i kalhali e baali e jawɗi be'i.

Ezekiyel 20:40

Allah Jawmiraawo wi'i: “Haa ton dow hooseere am seniinde, dow hooseere Isra'iila townde, onon yimɓe Isra'iila fuu on njagganto yam. Ton mi yerdoto on, ton mi ƴamata on dokke mon itteteeɗe e dokke mon aartuɗe e kuuje mon cenaaɗe fuu.

Ezekiyel 40:39

Taabe nayi njo'inaama nder zawleeru, ɗiɗi haa wakeere nde'e, ɗiɗi boo haa wakeere ndeya. Dow taabe ɗe'e ɓe kirsata dabbaaji guleteeɗi ngam Allah, non boo kirseteeɗi ngam ittuki hakke e joɓki aybe.

Farillaaji Lewi'en 1:10

To goɗɗo yiɗi lii'aago nguleteeŋga nder baali mum malla be'i mum, sey o hoo'a njawdiri ndi walaa aybe.

Farillaaji Lewi'en 14:10

Nyannde joweetataɓre o hoo'a njawkoy ɗiɗoy e bortel ngel nduuɓu, ɗum fuu ɗum walaa aybe e kuroori ɗiggundi kilo joweenayi njiiɓaandi bee nebbam ngam dokkal nyaamdu e reeta liitir nebbam.

Farillaaji Lewi'en 16:7

Nden o darna jawɗi be'i ɗiɗi go yeeso Jawmiraawo haa dammugal laymaaru fottirde.

Farillaaji Lewi'en 17:4

ammaa o waddaay ɗum haa dammugal laymaaru fottirde ngam o lii'ano ɗum Jawmiraawo yeeso jooɗorde mum, nden kam ɗum laatoto aybe ƴiiƴam dow maako. O rufi ƴiiƴam, ngam man o gurtinteeɗo diga jama'aare maako.

Farillaaji Lewi'en 17:8

To Isra'iilaajo malla jananno nder Isra'iila mo yiɗi lii'aago nguleteeŋga malla kirseteeŋga feere,

Farillaaji Lewi'en 17:9

ammaa o waddaay nga haa dammugal laymaaru fottirde ngam o lii'ano nga Jawmiraawo, o gurtinteeɗo diga jama'aare maako.

Farillaaji Lewi'en 23:12

Nyannde lii'otooɗon haɓɓere maajum, lii'e boo jawgel mbaalu ngel walaa aybe, ngel nduuɓu, ngel guleteeŋgel ngam Jawmiraawo.

Farillaaji Lewi'en 23:18

Hawtaade bee maaje, sey jama'aare lii'o njawkoy baali njoweeɗiɗoy koy nduuɓu e gaggel e jawɗi baali ɗiɗi, ɗum fuu ɗum walaa aybe. Ɗum guleteeɗum ngam Jawmiraawo, hawtaade bee dokkal nyaamdu e dokkal dufeteeŋgal. Uureeŋgol man fottanan Jawmiraawo.

Farillaaji Lewi'en 3:1

“To goɗɗo yiɗi lii'aago kirseteeŋga ngam kawtal yimɓe bee Allah, sey o hoo'a ngaari ndi walaa aybe malla nagge nge walaa aybe.

Farillaaji Lewi'en 4:15

Ndotti'en jama'aare njowa juuɗe muuɗum'en dow hoore maari, ɓe kirsa ndi ton yeeso Jawmiraawo.

Farillaaji Lewi'en 4:23

to goɗɗo feere waŋginani mo aybe man, sey o lii'o njawdiri mbeewa ndi walaa aybe.

Farillaaji Lewi'en 4:3

To hooreejo liman'en waɗi hakke, hakke man ɗon dow ummaatoore fuu. Sey o wadda ngaari kalhaldi ndi walaa aybe, o lii'ano ndi Jawmiraawo kirseteendi ngam ittuki hakke maako.

Farillaaji Lewi'en 4:32

To goɗɗo yiɗi lii'aago mbaalu kirseteeŋgu ngam ittuki hakkeeji, sey o wadda ndewu ngu walaa aybe.

Farillaaji Lewi'en 5:15

“To goɗɗo yewi umroore Allah, waɗi hakke bilaa anniya ngam o hokkaay Jawmiraawo ko woodani ɗum, sey o waddana Jawmiraawo njawdiri mbaalu ndi walaa aybe, ndi kirseteendi ngam joɓki aybe maako. Saman maari fota bee ceede cardi fodde etirgal suudu seniindu.

Farillaaji Lewi'en 5:18

Sey o yahrana limanjo njawdiri mbaalu ndi walaa aybe, ndi kirseteendi ngam joɓki aybe maako. Saman maari fota deydey no a ta'ata. Limanjo lii'o kirseteendi man ngam daliila aybe ko goɗɗo waɗi bilaa anniya go, kaŋko boo o heɓan yaafuye.

Farillaaji Lewi'en 6:2

“Umru Haruna e ɓiɓɓe mum ni'i: Ndaa umroore dow guleteeɗi. Sey nguleteeŋga waala dow hirsirde haa fajiri, yiite boo waala huɓɓugo dow maare.

Farillaaji Lewi'en 6:8

Nden o hoo'a kuroori ɗiggundi njiiɓaandi bee nebbam go, deydey tamndande, non boo uurle fuu. O wula ɗum dow hirsirde, ɗum geɗal ciftinorgal. Uureeŋgol maajum belŋgol fottanan Jawmiraawo.

Farillaaji Lewi'en 7:16

To goɗɗo waddi kirseteeŋga nga'a ngam o hebbina togayeere malla to ɗum dokkal caahiiŋgal, nden kam ɓe nyaama nga nyalaade ɓe kirsata nga, jaŋngo man boo ɓe nyaama ko lutti.

Farillaaji Lewi'en 8:18

Nden Muusa waddi njawdiri mbaalu nguleteendi. Haruna e ɓiɓɓe mum njowi juuɗe muuɗum'en dow hoore maari.

Farillaaji Lewi'en 9:2

O wi'i Haruna: “Hoo'u ngaari kalhaldi kirseteendi ngam ittuki hakkeeji e njawdiri mbaalu nguleteendi, ɗiɗi fuu ɗi ngalaa aybe. Lii'ana ɗi Jawmiraawo.

Zekariya 13:7

Jawmiraawo honooɓe asama wi'i: “An kaafahi, ummana gaynaako am, mo mi waɗi ɗum kuuwdiɗɗiraawo am! Mbar gaynaako, nden baali caŋkititto koo toy fuu. Mi waylitan juŋngo am, mi fiya pamari.”

Malakiya 1:14

Naaloore dow rikiciijo marɗo njawdiri ndi o togani yam nder tokkere maako, ammaa o lii'ani yam kallundi. Ngam mi laamiiɗo mawɗo, innde am boo nde hulniinde caka ummaatooje.” Non Jawmiraawo honooɓe asama wi'i.

Limle 15:3

Lii'ane Jawmiraawo ngaari kalhaldi malla ndammoowa guleteeɗum malla kirseteeɗum ngam hebbingo togayeere malla caahuuji malla daliila juulɗe mon haa uureeŋgol belŋgol man fottana mo.

Limle 15:8

Koo moy lii'anto Jawmiraawo ngaari kalhaldi nguleteendi malla kirseteendi ngam kebbinki togayeere malla ngam kawtal yimɓe bee Allah,

Limle 19:2

ɓe anndina Isra'iila'en farilla ka o umri ɓe: “Ngadde nagge woɗeeye nge walaa aybe, nge meeɗaay kaɓɓirgal.

Limle 23:19

Allah laataaki neɗɗo, o fewataa, o laataaki ɓii-Aadamaajo, o mimsitittaako. Ko o wi'i fuu, o waɗan ɗum. Ko o wolwi fuu, o hebbitinan ɗum boo.

Limle 23:27

Nden Balak wi'i Balaama: “War useni, mi yahre haa nokkuure woɗnde. Teema ɗum fottanan Allah a naalanammi ɓe ton.”

Limle 23:3

Balaama wi'i Balak: “Dara ɗo baŋnge nguleteeŋga ma. Min boo mi daayoto, teema Jawmiraawo waŋgantam. Mi yeccete ko o anndintammi.” O yehi haa towndiire sookre.

Limle 23:30

Balak waɗi ko Balaama wi'i ɗum. Nden o lii'i ngaari e kalhaldi e njawdiri mbaalu dow hirsirde fuu.

Limle 28:11

“Nyannde go'oore lewru koo nduye, lii'ane Jawmiraawo ga'i kalhali ɗiɗi e njawdiri mbaalu e njawkoy njoweeɗiɗoy koy nduuɓu, ɗum fuu ɗum walaa aybe,

Limle 28:19

Lii'ane Jawmiraawo nyaamdu wuleteendu: Ga'i kalhali ɗiɗi e njawdiri mbaalu e njawkoy njoweeɗiɗoy koy nduuɓu, ɗum fuu ɗum walaa aybe. Ɗum laatanto on.

Limle 28:31

Ɓesde ɗum haa guleteeɗi e dokke nyaamdu nyalaade nyalaade. Lii'ane Jawmiraawo guleteeɗi ɗi ngalaa aybe. Ɓesde boo dokke dufeteeɗe maaji.”

Limle 29:13

Nyannde juulde arannde, lii'ane Jawmiraawo nyaamdu wuleteendu, haa uureeŋgol maaru belŋgol fottana mo. Ndaa ko lii'otooɗon: Ga'i kalhali sappo e tati e jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe.

Limle 29:2

Lii'ane Jawmiraawo guleteeɗi, haa uureeŋgol maaji belŋgol fottana mo. Ndaa ko lii'otooɗon: Ngaari kalhaldi e njawdiri mbaalu e njawkoy njoweeɗiɗoy koy nduuɓu, ɗum fuu ɗum walaa aybe.

Luka 1:35

Malaa'ikaajo wi'i mo: “Ruuhu Ceniiɗo waran dow maaɗa, baawɗe Allah Ɓaŋiiɗo suddete bana ɗowdi. Ngam maajum ɓiɗɗo mo a tammi danyugo, laatoto Ceniiɗo e ɓe ewnoto mo Ɓiɗɗo Allah.

Yuhanna 1:36

Nde o yi'i Yeesu ɗon saalo, o wi'i: “Ndaa jawgel Allah.”

Yuhanna 10:7

Fahin Yeesu wi'i: “Gooŋga mi wi'ata on: Min, mi dammugal waalde baali.

Yuhanna 10:9

Min, mi dammugal, to goɗɗo nastiri bee am, hisan. O nastan, o wurtoto, o heɓan nyaamdu.

2 Korintu'en 8:12

To on mari anniya mbooɗka ngam hokkugo, Allah jaɓan dokkal mooɗon. O ƴamataa ko on ngalaa, sey ko marɗon.

2 Korintu'en 9:7

Haani koo moy hokka deydey anniya ɓernde mum, naa bee mimsitaare malla bee doole. Ngam Allah yiɗi dokkanɗo bee seyo.

Efesu'en 2:18

Ngam daliila maako en fuu en keɓi laawol yottaago Baabiraawo nder Ruuhu gooto.

Efesu'en 5:27

haa o darna jama'aare marnde tedduŋgal nde'e yeeso maako bilaa batte malla nyodi e ko nanndi, ammaa nde seniinde, bilaa aybe.

Tooktaaki Tawreeta 12:27

Lii'e ton guleteeɗi mon dow hirsirde Jawmiraawo, Allah mooɗon, ndufe ƴiiƴam kirseteeɗi mon goɗɗi haa hirsirde Jawmiraawo Allah mon, nden nyaame kusel maaji kam.

Tooktaaki Tawreeta 15:21

Ammaa to aybe ɗon haa maaji, ɗi laƴan malla bumɗi, to aybewol maŋngol koo ngole ɗon haa maaji, taa lii'ane ɗi Jawmiraawo, Allah mooɗon.

Tooktaaki Tawreeta 17:1

“Taa lii'ane Jawmiraawo, Allah mooɗon ngaari kalhaldi malla ndammoowa, to aybewol koo ngole ɗon haa maajum, ngam ɗum nyidduɗum haa Jawmiraawo, Allah mooɗon.

Ibraniŋke'en 7:26

Yeesu woni hooreejo liman'en mo haandani en. O ceniiɗo, o walaa aybe koo seɗɗa, o laaɓɗo, o senndaama bee hakke'en, o ɓaŋgtaama dow asamanji.

Ibraniŋke'en 9:14

nde non kam, ƴiiƴam Almasiihu ɓuran nafugo piw. Bee baawɗe Ruuhu duumiiɗo o hokkiri yoŋki maako haa Allah bana njawdiri ndi walaa aybe koo seɗɗa. Ƴiiƴam maako laɓɓinan numo-ɓerɗe meeɗen, wilan kuuɗe ɗe njahrata en haa maayde, ngam en njaggano Allah geeto.