Esaaya 9:3 - Fulfulde Bible

³ Ngam a yewi kaɓɓirgal doŋngal maɓɓe e leggal dow balbe maɓɓe e sawru toonyooɓe ɓe, bana ɓooyma nder nyalaade Mediyan.

Fulfulde DC Bible

³ Ngam a yewi kaɓɓirgal doŋngal maɓɓe e leggal dow balbe maɓɓe e sawru toonyooɓe ɓe, bana ɓooyma nder nyalaade Mediyan.

Esaaya 9:3 Iomraidhean Croise

Nehemiya 9:23

A ɗuɗɗini ɓiɓɓe maɓɓe bana koode asama. A nastini ɓe lesdi ndi mbi'nooɗa kaakiraaɓe maɓɓe ɓe nastan ndi, ɓe mara ndi.

Ayuba 12:23

O mawninan ummaatooje, o halkan ɗe. O yaajinan ummaatooje, o nattinan ɗe.

Jabuura 107:38

O barkiɗini ɓe, ɓe keɓi ɓikkoy ɗuuɗkoy masin, o ustaay dabbaaji maɓɓe.

Jabuura 119:162

Mi ɗon seyoro wolde ma bana keɓɗo jawdi ɗuuɗndi.

Jabuura 4:7

Ɗuuɗɓe ɗon mbi'a: “Moy hokkata en hayru?” Woonan min, yaa Jawmiraawo!

Esaaya 10:26

Min Jawmiraawo honooɓe asama mi ɓaŋgtan ɓoccol dow Assuura'en, bana no njaaloriimi yimɓe Mediyan ɓooyma haa hooseere Oreb. Mi ɓaŋgtan sawru am dow maayo ngo'o bana mi ɓaŋgtiri ndu haa Misra.

Esaaya 12:1

Nyalaade man ummaatoore rimɗinaande wi'an: “Mi maŋgtete, yaa Jawmiraawo! A tikkani yam, ammaa tikkere ma feewti, a de'itini yam.

Esaaya 14:5

Jawmiraawo yewi ɓoccol halluɓe e sawru toonyooɓe.

Esaaya 25:9

Nyalaade man yimɓe fuu mbi'an: “Kaŋko woni Allah meeɗen! Kaŋko kooliiɗen, o hisna en. Ndaa Jawmiraawo mo kooliiɗen. Mbelmbelten, en ceyoro kisndam maako.”

Esaaya 26:15

Ammaa a mawnini ummaatoore amin, yaa Jawmiraawo, a yaajini keeri lesdi fuu. Bana nii a teddiniri innde ma.

Esaaya 35:10

Rimɗinaaɓe Jawmiraawo ngartan, nastan Siyona bee gimi seyo. Seyo duumiiŋgo heewan ɓerɗe maɓɓe. Ɓe keɓan welwelo e seyo, ammaa torra e uumaali ndoggan.

Esaaya 35:2

Nde heewan pinndi, nde welweltan bee gimi e gookaali seyo. Tedduŋgal Libanon laatanto nde, non boo maŋngu Karmel e Saron. Koo moy yi'an tedduŋgal e maŋngu Jawmiraawo meeɗen.

Esaaya 54:1

“Ummin gookaali seyo, an dimaro mo meeɗaay danyugo! Welweltu, hoolu bee seyo, an mo meeɗaay luuweego! Ngam ɓikkoy geewaaɗo ɓuran ɓikkoy te'aaɗo ɗuuɗugo.” Non Jawmiraawo wi'i.

Esaaya 55:12

On ngurtoto bee seyo, mi hooran on nder salaaman. Kooseeje e towndiije mbelmbeltan yeeso mooɗon, leɗɗe ladde fuu kellan juuɗe.

Esaaya 61:10

Urusaliima ɗon maŋgta: “Mi seyorto Jawmiraawo masin! Mi welweltan daliila Allah am. Ngam o ɓorni yam kisndam bana limce, o moji yam bee adilaaku bana alkibbaare, bana ɓaŋganɗo meetiiɗo meetaleewol mum nannduŋgol ngol limanjo, bana ɓaŋgeteeɗo pawniiɗo bee fawne muuɗum.

Esaaya 61:7

Haa pellel toskaare, on keɓan barka cowi ɗiɗi. Haa pellel saklere, on ceyorto geɗe mon. On keɓtan marle mon cowi ɗiɗi nder lesdi maɓɓe, seyo laatanto on haa foroy.

Esaaya 65:14

Suka'en am ngiman, ɓerɗe maɓɓe ceyoto, ammaa onon on ngookan ngam torra ɓernde mon, on mboyan ngam metteeŋga ruuhu mon!

Esaaya 65:18

Ammaa ceye, mbelmbelte haa foroy ngam ko taganmi. Urusaliima kesol ngol taganmi, laatoto berniwol welwelo, ummaatoore maagol boo ummaatoore seyo.

Esaaya 66:10

Ceyode bee berniwol Urusaliima, mbelmbelte daliila maagol, onon yiɗɓe ngol fuu! Ceyode bee maagol, onon wonɓe nder suno daliila maagol.

Yeremiya 31:7

Ndaa nii Jawmiraawo wi'i: “Mbaɗe hoolo seyo ngam daliila Yaakubu, mbelmbelte ngam ummaatoore ɓurnde mawnugo. Ngooyne maŋgtoore, mbi'e: Jawmiraawo, hisnu yimɓe ummaatoore ma, luttuɓe Isra'iila!

Hose'a 4:7

Ɓe ɓesdi ɗuuɗugo, ɓe ɓesdi boo waɗugo hakke dow am. Mi laatinan tedduŋgal maɓɓe toskaare.

Farillaaji Lewi'en 26:13

Min Jawmiraawo Allah mon mi wurtini on lesdi Misra, ngam taa on tokko huuwango ɓe bana maccuɓe. Mi yewi kaɓɓirgal dow daaɗe mon, haa on njaha on rimɓe, on ɓaŋgta ko'e mon.”

Zekariya 10:8

Mi ewnoto yimɓe ummaatoore am, ngam mooɓtugo ɓe. Mi rimɗinan ɓe. Ɓe ɗuuɗan fahin bana ɓe ɗuuɗiri naane.

Zekariya 2:11

Onon yimɓe Urusaliima, dahaaɓe haa Baabila, njaawɗe wurtaago law haa ndaɗon.”

Zekariya 8:23

Saa'i man yimɓe sappo wolwanɓe ɗemɗe feere feere njogoto limce Yahuuduujo gooto, ɓe mbi'a: Min njahdan bee mooɗon, ngam min nani Allah ɗon wondi bee mooɗon.”

Luka 11:22

Ammaa to ɓurɗo mo semmbe wari dow maako, jaali mo, o jaɓta balmi maako ɗi o hoolɗinori, o senndana woɗɓe jawdi maako.

Kuuɗe Nelaaɓe 8:8

Yimɓe Samariya ceyi masin.

Filippi'en 4:4

Ceye foroy ngam daliila Jawmiraawo. Mi wi'an ɗum fahin: Ceye!

1 Piyer 1:8

Koo nde on ngi'aay mo, on ngiɗi mo. Koo nde on ngi'ataa mo jonta, on nuɗɗini mo. Ngam man on ɗon ceyo bee seyo tedduŋgo, ɗuuɗŋgo, ngo ɓuri wolweego,

Alkaali'en 5:3

Keɗite, onon laamiiɓe e mawɓe! Min, mi yimanan Jawmiraawo. Mi maŋgtan Jawmiraawo Allah Isra'iila.

Alkaali'en 7:22

Saa'i worɓe teemeɗɗe tato ɗon puufa luwe, Jawmiraawo ummini kaafaaje nder saŋngeere fuu, ngam haa Madiyan'en mbar-mbartira bee kaafaaje. Ɓe fuu ɓe ndoggi gal Serera haa yotti Bayti-Sitta e Abel-Mehola baŋnge Tabbat.

Alkaali'en 8:12

Zebaha e Calmunna, laamiiɓe Madiyan ɗiɗo ndoggi, ammaa Gedeyon taasni ɓe, naŋngi ɓe, saŋngeere fuu diwni daliila kultoreeŋgol maŋngol.

1 Samuyila 30:16

Ɓe njehi, ɓe tawi Amaleki'en ɗon caŋkiti haa nokkuure man fuu, ɓe ɗon nyaama, ɓe ɗon njara, ɓe ɗon ngama ngam daliila keɓal ɗuuɗŋgal ngal ɓe njaɓtuno haa lesdi Filisti'en e lesdi Yahuuda.