Esaaya 6:2 - Fulfulde Bible

² Serafi'en ɗon dow maako. Koo moy maɓɓe woodi bileeji joweego: Ɗiɗi ngam wiirnugo yeeso, ɗiɗi ngam wiirnugo kosɗe, ɗiɗi boo ngam fiirugo.

Fulfulde DC Bible

² Serafi'en ɗon dow maako. Koo moy maɓɓe woodi bileeji joweego: Ɗiɗi ngam wiirnugo yeeso, ɗiɗi ngam wiirnugo kosɗe, ɗiɗi boo ngam fiirugo.

Esaaya 6:2 Iomraidhean Croise

Laataanooji 17:3

Abraama sujidi dow yeeso muuɗum. Allah tokki wi'ugo mo:

1 Laamiiɓe 19:13

Nde Eliya nani ɗum, o suddi yeeso maako bee alkibbaare maako, o wurti, o dari haa hunnduko lowol. Nden sawtu wi'i mo: “Ko mbaɗata ɗo, Eliya?”

1 Laamiiɓe 22:19

Mikaya tokki wi'ugo: “Ngam maajum nan wolde Jawmiraawo. Mi yi'i Jawmiraawo, o ɗon jooɗi dow leeso laamu maako. Jama'aare honooɓe asama fuu ɗon dari kommbi maako, haa nyaamo maako e nano maako.

1 Laamiiɓe 6:24

Njuutirka wileewo Keruba fuu, meetir ɗiɗi bee reeta. Diga seɓatto wileewo ngo haa ngoya, waɗi meetir jowi.

1 Laamiiɓe 6:27

Ɓe ndarni Keruba'en caka suudu ɓurndu senaago. Ɓe mbeeɗi bileeji keruba'en. Wileewo gooto meemi mahol ngo'ol, wileewo Keruba feere boo meemi mahol ngola, haa caka suudu boo bileeji maɓɓe meemindiri.

1 Laamiiɓe 8:7

Ngam Keruba'en ɗon mbeeɗi bileeji muuɗum'en dow nokkuure taaskitinaande ngam sundukru, ngam ɗuwaago sundukru e cabbi maaru.

Nehemiya 9:6

An feere ma woni Jawmiraawo. An waɗi asama, asamaawu ɓurŋgu towugo bee jama'aare maagu fuu. A waɗi lesdi e ko woni dow maari, non boo beeli e ko woni nder maaji. An hokki tagle fuu yoŋki, jama'aare asama ɗon sujidane.

Ayuba 1:6

Nyannde feere ɓiɓɓe Allah ngari haa ndaro yeeso Jawmiraawo. Sayɗaanu boo wari caka maɓɓe.

Ayuba 15:15

Ndaa, Allah hoolataako koo malaa'ika'en, koo asamanji boo laaɓaay haa maako sam.

Ayuba 4:18

Jawmiraawo hoolaaki koo malaa'ika'en muuɗum, o ɗon fela faataare jagganooɓe mo,

Jabuura 103:20

Maŋgte Jawmiraawo, onon malaa'ika'en maako, Onon semmbiɗɓe, ɗowtaniiɓe wolde maako, heɗitooɓe sawtu maako.

Jabuura 104:4

A laatini keni nelaaɓe ma, ɗemɗe yiite boo jagganooɓe ma.

Jabuura 18:10

O wuuri asama, o jippi, duule ɓaleeje ɗon les kosɗe maako.

Jabuura 89:7

Walaa koo gooto nder asama nanndi bee ma, walaa ɗowanteeɗo foti bee maaɗa.

Gurtaaki 25:20

Keruba'en mbeeɗa bileeji muuɗum'en haa dow, ɓe mbaɗa ɗowdi dow jooɗorde ngam kefergal bee bileeji maɓɓe. Geese maɓɓe tiitotira, ndaara jooɗorde ngam kefergal.

Gurtaaki 3:6

O tokki wi'ugo: “Min woni Allah baaba ma, Allah Ibrahiima e Allah Isiyaaku e Allah Yaakubu.” Muusa suddi yeeso mum, ngam o huli laarugo Allah.

Gurtaaki 37:9

Keruba'en mbeeɗi bileeji muuɗum'en haa dow, ɓe mbaɗi ɗowdi dow jooɗorde ngam kefergal bee bileeji maɓɓe. Geese maɓɓe tiitotiri, ɗon ndaara jooɗorde ngam kefergal.

Esaaya 6:6

Gooto serafi'en fiiri wari haa am, o ɗon jogi ƴulɓere yiite haa juŋngo, nde o hoo'uno bee naŋngirgel haa gulduɗum uurle.

Ezekiyel 1:11

Bileeji maaje ɗiɗi mbe'iti gal dow, ɗi meemindiri, ɗiɗi goɗɗi boo mbiirni ɓalli maaje.

Ezekiyel 1:24

Saa'i ɗe njahata, mi ɗonno nana hoolo bileeji maaje bana iidaaŋgo ndiyamji mawɗi, bana sawtu Allah Baawɗo, bana hoolo mooɓre ɗuuɗnde malla nde saŋngeere konu. To ɗe ndarake, ɗe ɗon leestina bileeji maaje.

Ezekiyel 1:4

Mi laari, ndaa henndu saatundu ɗon wara diga woyla, non boo ruulde mawnde bee yiite huɓɓanŋge. Jayŋgol taari ruulde man. Haa caka yiite, woodi ɗelkoojum bana ɗelko njamndi.

Ezekiyel 1:6

Tagdi fuu woodi geese nayi e bileeji nayi.

Ezekiyel 1:9

Bileeji maaje meemindiri. To ɗe ɗon njaha, walaa haaje ɗe ngaylito, tagdi fuu ɗon tiiti cir gal yeeso muuɗum.

Ezekiyel 10:16

To keruba'en ɗon ndilla, pallooje boo ɗon talla haa kommbi maɓɓe. To keruba'en ɓaŋgti bileeji muuɗum'en ngam eeŋgugo, pallooje luttataa haa lesdi. Ɗe ɗon haa kommbi maaje, ɗe celataa.

Ezekiyel 10:21

Koo moy maɓɓe woodi geese nayi e bileeji nayi e ko nanndi bee juuɗe neɗɗo ɗon les bileeji maɓɓe.

Daniyel 7:10

Maayo yiite wurti diga maago, ɗon ila. Tagaaɓe ujineeje njaggani mo, miliyoŋje ndari yeeso maako. Hiitooɓe ngari njooɗi, defte maɓɓitaama.

Daniyel 9:21

diga mi ɗon waɗa do'a tawon, Jibirilla mo ngi'no mi nder wahayu am naane go, fiiri, wari law haa am. Ɗum saa'iire nde ɓe lii'anto Allah dokke nyaamdu kiikiiɗe.

Zekariya 3:4

Malaa'ikaajo umri suka'en wonduɓe bee muuɗum: “Ɓorte mo limce tunwuɗe ɗe'e.” Nden o wi'i Yosuwa: “Ndaa, mi ittani ma aybe maaɗa, mi ɓornante limce jaage.”

Luka 1:10

Saa'i o ɗon wula uurle, mooɓre ummaatoore fuu ɗon waɗa do'a haa yaasi.

Ibraniŋke'en 1:7

Ndaa ko Allah wi'i dow malaa'ika'en: “Allah ɗon laatina malaa'ika'en muuɗum keni, jaggiiɓe muuɗum boo ɗemɗe yiite.”

Wahayu Yuhanna 14:6

Nden mi yi'i malaa'ikaajo feere ɗon fiira nder hawa, o woodi Kubaruwol Ceynoowol duumiiŋgol, ngam waazingo jooɗiiɓe haa duniyaaru, haa yimɓe jama'aaje e asli e ɗemɗe e ummaatooje fuu.

Wahayu Yuhanna 4:8

Kuuje nayi ɗe'e, woore fuu woodi bileeji joweego, keewɗi gite haa nder e haa taarde maaje fuu. Jemma bee naaŋge fuu kuuje ɗe'e ɗon mbi'a tum bilaa siwtaare: “Ceniiɗo, ceniiɗo, ceniiɗo woni Jawmiraawo Allah Baawɗo dow koo ɗume fuu. O ɗonno ɓooyma, o ɗon jonta, o tammi wargo boo.”

Wahayu Yuhanna 7:11

Malaa'ika'en fuu ɗon ndari, ɗon taari leeso laamu e ndotti'en e kuuje geete nayi go, ɓe turi yeeso leeso laamu, ɓe cujidani Allah,

Wahayu Yuhanna 8:13

Nden mi yi'i e mi nani dutal piiranŋgal nder hawa ɗon wi'a bee sawtu: “Kayto, Kayto! Kayto! Bone laatanto jooɗiiɓe haa duniyaaru ngam daliila hoolo luwe malaa'ika'en luttuɓe tato tammi fuufugo!”