Esaaya 51:3 - Fulfulde Bible

³ Jawmiraawo de'itinan Siyona, o yurminan bille maagol fuu. O wartiran ladde maagol bana Adnin, harde maagol bana jarne Jawmiraawo. Ngol heewan seyo e welwelo, maŋgtooje e gime.

Fulfulde DC Bible

³ Jawmiraawo de'itinan Siyona, o yurminan bille maagol fuu. O wartiran ladde maagol bana Adnin, harde maagol bana jarne Jawmiraawo. Ngol heewan seyo e welwelo, maŋgtooje e gime.

Esaaya 51:3 Iomraidhean Croise

Laataanooji 13:10

Ludu ɓaŋgti gite muuɗum, yi'i waadiwol Urdun fuu no soofri booɗɗum, haa yotti Co'ar. Hiddeko Allah nattina Sodoma e Gomorra, ngol nanndino bana jarne Jawmiraawo, bana lesdi Misra.

Jabuura 85:8

Woonan min, yaa Jawmiraawo! Hokku min kisndam ma!

Esaaya 12:1

Nyalaade man ummaatoore rimɗinaande wi'an: “Mi maŋgtete, yaa Jawmiraawo! A tikkani yam, ammaa tikkere ma feewti, a de'itini yam.

Esaaya 25:9

Nyalaade man yimɓe fuu mbi'an: “Kaŋko woni Allah meeɗen! Kaŋko kooliiɗen, o hisna en. Ndaa Jawmiraawo mo kooliiɗen. Mbelmbelten, en ceyoro kisndam maako.”

Esaaya 35:6

Boosɗo diwan bana lelwa, ɗemŋgal muukaajo waɗan gookaali seyo. Ndiyamji ɓulan nder harde, maahoy boo nder ladde.

Esaaya 41:16

A jaartan ɗe, haa henndu wifa ɗe, henndu saatundu saŋkita ɗe. Ammaa an a seyorto Jawmiraawo, a jurorto Ceniiɗo Isra'iila.

Esaaya 43:19

Ndaa, mi ɗon waɗa kesum, jonta ɗum ɗon fuɗɗa. On anndataa ɗum na? Mi seekan laawol nder ladde, mi waɗanan on maaje haa harde.

Esaaya 44:26

Ammaa mi ɗon tabitina wolde suka am, mi ɗon hiɓɓina nufayeeje nelaaɓe am. Mi wi'an dow Urusaliima: Yimɓe njooɗoto ton, dow gure Yahuuda boo: Ɓe nyiɓtoto ɗe. Mi mahitan bille maaje.

Esaaya 49:13

Koole bee seyo, onon asamanji, welweltu, an lesdi! Onon kooseeje, mbaɗe hoolo seyo, ngam Jawmiraawo de'itini ummaatoore muuɗum, o ɗon hinno ɓilliiɓe maako.

Esaaya 49:19

Lesdi ma nattinaama, ndi ferwi, ndi laati winnde. Ammaa jonta, fakat ndi faaɗanan jooɗiiɓe ton. Wilooɓe ma boo ndaayoto.

Esaaya 49:8

Ndaa nii Jawmiraawo wi'i: “Wakkati mo'ere mi jaɓi tornde ma, nyalaade kisndam mi walli ma. Mi ɗon ayne haa laatoɗa alkawal ummaatoore, haa mbo'itina lesdi, cenndana yimɓe maral maɓɓe bonniiŋgal jonta,

Esaaya 51:12

Jawmiraawo wi'i: “Min, min feere am de'itinta on. Koni kuloton neɗɗo maayanɗo, ɓii Aadama nannduɗo bee huɗo?

Esaaya 52:9

Mbelmbelte hawtaade, onon bille Urusaliima! Ngam Jawmiraawo de'itini ummaatoore muuɗum, sootti Urusaliima.

Esaaya 61:10

Urusaliima ɗon maŋgta: “Mi seyorto Jawmiraawo masin! Mi welweltan daliila Allah am. Ngam o ɓorni yam kisndam bana limce, o moji yam bee adilaaku bana alkibbaare, bana ɓaŋganɗo meetiiɗo meetaleewol mum nannduŋgol ngol limanjo, bana ɓaŋgeteeɗo pawniiɗo bee fawne muuɗum.

Esaaya 65:18

Ammaa ceye, mbelmbelte haa foroy ngam ko taganmi. Urusaliima kesol ngol taganmi, laatoto berniwol welwelo, ummaatoore maagol boo ummaatoore seyo.

Yeremiya 31:25

Mi semmbiɗinan koo moy comɗo, mi haarnan koo moy dolɗo.”

Ezekiyel 28:13

A ɗon jooɗi nder Adnin, jarne Allah. A pawniiɗono bee kaa'e feere feereeje marɗe saman ɗuuɗɗo: Yaspa, sardiyus, tupas, kirisoliti, lipinlaare, onikis, imiradi, haako-haakoore, safira. A woodi boo fawne kaŋŋeeri feere, kuuwaaɗe ngam maaɗa nyalaade nde a taga.

Ezekiyel 36:11

Mi ɗuɗɗinanan on yimɓe e dabbaaji, ɗum ɗuuɗan ko ɓuri naane, ɗum heɓan ɓikkoy ɗuuɗkoy. Mi waɗan ɓe njooɗo dow mooɗon bana ɓe njooɗorino naane, mi woonanan on ko ɓuri naane boo. Nden kam on paaman min woni Jawmiraawo.

Ezekiyel 36:35

Koo moy gi'anɗo ɗum wi'an: Lesdi ndi'i, ndi laatino ladde, ammaa jonta ndi laati bana jarne Adnin. Berniiji bilaaɗi gibbuɗi boo laati cemmbiɗɗi jonta, yimɓe ɗon njooɗi ton.

Yo'el 2:3

Yiite nyaamooye ɗon haa yeeso maare, ɗemŋgal yiite ɗon wula haa ɓaawo maare. Hiddeko nde wara, lesdi nanndi bee jarne Adnin. Ɓaawo nde dilli, ndi laati ladde meere, walaa koo ɗume daɗata.

1 Piyer 1:8

Koo nde on ngi'aay mo, on ngiɗi mo. Koo nde on ngi'ataa mo jonta, on nuɗɗini mo. Ngam man on ɗon ceyo bee seyo tedduŋgo, ɗuuɗŋgo, ngo ɓuri wolweego,