Esaaya 42:3 - Fulfulde Bible

³ O yewataa kewal nyobbaaŋgal. O nyifataa pittirlayel cuuraaŋgel. Fakat o tabitinan kiita ngooŋɗuka.

Fulfulde DC Bible

³ O yewataa kewal nyobbaaŋgal. O nyifataa pittirlayel cuuraaŋgel. Fakat o tabitinan kiita ngooŋɗuka.

Esaaya 42:3 Iomraidhean Croise

Jabuura 147:3

O hurgan ta'a-ɓerɗe'en, o haɓɓan kuuduuje maɓɓe.

Jabuura 54:5

Ngam jananɓe ummanake yam, toonyooɓe ngiɗi mbarugo yam, walaa ko yaali ɓe bee Allah.

Jabuura 94:15

Gooŋga wartan haa nokkuuje kiita, gooŋɗa-ɓerɗe'en fuu tokkoto ka.

Jabuura 96:13

Ngam o ɗon wara! O ɗon wara ngam hiitanaago yimɓe duniyaaru, o hiitanto yimɓe duniyaaru bee adilaaku e jama'aaje bee gooŋgaaku maako.

Jabuura 98:9

yeeso Jawmiraawo. Ngam o ɗon wara hiitanaago duniyaaru, O hiitoto yimɓe duniyaaru bee kiita adiliiha e ummaatooje kiita ndarnuka.

Esaaya 2:4

O laatoto kiitoowo hakkunde ummaatooje, non boo caka le'i ɗuuɗɗi. Bee kaafaaje maɓɓe ɓe tappiran baaneeje, bee labbe maɓɓe boo bafɗi. Walaa ummaatoore meetata ɓaŋgtugo kaafahi dow ummaatoore woɗnde, ɓe meetataa ekkitaago haɓre.

Esaaya 40:11

O duran tokkere maako bana gaynaako. O mooɓtan e o hoo'an mbaaloy dow juuɗe maako, o roondoto koy haa wiɓɓere maako. O ɗowan baali musinanɗi bee hakkiilo.

Esaaya 42:2

O wookataa, o townataa sawtu, walaa nananɗo daande maako haa laabi.

Esaaya 50:10

Moy caka mooɗon ɗon hula Jawmiraawo bee nanugo sawtu suka maako? Koo moy jahanɗo nder nyiɓre, mo annoora yaynantaa ɗum, sey o hoolo innde Jawmiraawo, o tuugo dow Allah maako.

Esaaya 50:4

Allah Jawmiraawo hokki yam ɗemŋgal pukara'en haa mi waawa semmbiɗingo comɗo bee wolde. O findinammi nde weeti fuu, o fiɗɗi noppi am haa mi nana bana pukara'en nanirta.

Esaaya 63:1

“Moy an garanɗo diga Edoom, diga Bosra, jaagniiɗo bee limce ɗelkanɗe boɗeeje coy, mantanɗo e jahanɗo bee semmbe mum fuu?” Ɗum min, Jawmiraawo, bolwanɗo bee adilaaku, baawɗo ngam hisnugo.

Esaaya 66:2

Kuuje ɗe'e fuu, juŋngo am waɗi ɗe, nden ɗe fuu ɗe laati. Non Jawmiraawo wi'i. Ndaa ɓe'e ndaaranmi: Yaŋkiniiɓe e ta'a-ɓerɗe'en, diwnanɓe ngam wolde am.

Esaaya 9:7

Jawmiraawo neli koŋngol dow danygol Yaakubu, ngol laarani Isra'iila.

Yeremiya 31:25

Mi semmbiɗinan koo moy comɗo, mi haarnan koo moy dolɗo.”

Ezekiyel 34:16

Mi ɗaɓɓitan majjuɗi, mi wartiran caŋkitinooɗi, gewaaɗi kosɗe boo, mi haɓɓan kosɗe maaji, mi semmbiɗinan tampuɗi, ammaa mi halkan payɗi e marɗi semmbe. Mi duran tokkere am fodde kiita ngooŋɗuka.

Mika 7:9

Sey mi ɓusa tikkere Jawmiraawo, ngam mi waɗi hakke dow maako, haa to o jiŋngi yam, o tabitini gooŋga am. O wurtintam haa annoora ngam mi laara adilaaku maako.

Matta 11:28

Onon somɓe e roondiiɓe doŋgle tedduɗe fuu, ngare haa am, mi hokkan on siwtaare.

Matta 12:20

O yewataa kewal nyobbaaŋgal. O nyifataa pittirlayel, to ngel ɗon suura tawon, haa to o heɓani kiita ngooŋɗuka jaalorgal.

Yuhanna 20:27

Nden o wi'i Tomas: “Waddu hoondu ma haa ɗo, laar juuɗe am, waddu juŋngo ma, nastin ngo nder wuttudu am, accu waabaago, nuɗɗin.”

Yuhanna 5:30

“Min mi waawataa waɗugo koo ɗume bee hoore am. Mi ɗon hiito fodde ko Allah wi'i yam. Kiita ka mi hiitoto, ka adiliiha, ngam mi ɗaɓɓataa waɗugo muuyo am, ammaa muuyo nelɗo yam.

Wahayu Yuhanna 19:11

Nden mi yi'i asama maɓɓitaama. Ndaa puccu ndaneewu, ba'iiɗo ngu wi'ete Koolaaɗo e Gooŋgaajo. O hiitoto e o waɗan konuuji maako nder adilaaku.