Esaaya 26:7 - Fulfulde Bible

⁷ Laawol adili'en, ngol darnuŋgol, an a ɗon dartina ngol ngam maɓɓe.

Fulfulde DC Bible

⁷ Laawol adili'en, ngol darnuŋgol, an a ɗon dartina ngol ngam maɓɓe.

Esaaya 26:7 Iomraidhean Croise

1 Habaruuji Nyalaaɗe 29:17

Yaa Allah am, mi anndi a linyoowo ɓernde, a ɗon seyoro gooŋgaaku. Ndaa mi hokki caahuuji ɗi fuu bee gooŋgaaku ɓernde am. Jonta ngi'mi bee seyo no yimɓe am tawaaɓe ɗo ngerdi, ndokki ma dokke muuɗum'en.

Ayuba 31:6

Allah kilammi dow awnorɗum gooŋgaajum, nden o annditan law mi walaa aybe sam!

Jabuura 1:6

Ngam Jawmiraawo anndi laawol adili'en, ammaa ngol halluɓe yahran haa halkere.

Jabuura 11:4

Jawmiraawo ɗon nder haykaliiru mum seniindu, leeso laamu Jawmiraawo ɗon haa asama. Gite maako ɗon ndaara, ɗon linya kuuɗe ɓiɓɓe Aadama.

Jabuura 11:7

Ngam Jawmiraawo o adiliijo, o yiɗi kuuɗe adiliije, gooŋɗa ɓerɗe'en ngi'oyan mo.

Jabuura 25:4

Anndinam laabi ma, yaa Jawmiraawo, ekkitinam ɗi.

Jabuura 25:5

Ɗowam dow laawol gooŋga ma, ekkitinam, ngam an woni Allah Kisnoowo yam. Mi ɗon tammore nyalɗe fuu.

Jabuura 27:11

Anndinam laawol ma, yaa Jawmiraawo, ɗowam dow laawol booɗŋgol, ngam daliila konne'en am.

Jabuura 5:9

Yaa Jawmiraawo, ɗowam nder adilaaku ma! Ɗowam ngam daliila konne'en am! Mo'inanam laawol ma haa mi tokko ngol!

Balndi 11:5

Adilaaku laaɓɗo darnan laawol muuɗum, ammaa kalluɗo do'oto daliila halleende mum.

Balndi 20:7

Adiliijo ɗon tokko laawol mum bee laaɓeeŋga. Barka laatanto ɓiɓɓe maako koo ɓaawo maako.

Balndi 21:8

Laawol aybuɗo leliiŋgol masin, ammaa kuugal laaɓɗo darnuŋgal cir.

Balndi 3:6

Siftor mo nder kuuɗe ma fuu, kaŋko boo o darnan laabi ma.

Balndi 4:18

Ammaa laawol adili'en nanndi bee jayŋgol fajiri ɓesdanŋgol yaynugo haa caka nyalawma.

Esaaya 30:18

Ammaa Jawmiraawo ɗon reena wakkatiire nde o mo'anta on. O ummoto haa o hinno on. Ngam Jawmiraawo woni Allah baɗanɗo kiita ngooŋɗuka, barka laatanto hoolotooɓe mo fuu.

Esaaya 35:8

Buuwol bi'eteeŋgol Laawol-Ceniiŋgol wonan ton. Coɓɗo yahataa dow maagol, sey tokkotooɓe laawol man tan. Koo faataaɓe boo majjataa ton.

Esaaya 42:16

Mi yahran wumɓe dow laawol ngol ɓe anndaa, mi ɗowan ɓe dow laabi ɗi ɓe anndaa. Nyiɓre yeeso maɓɓe, mi wartiran nde jayŋgol, laawol leliiŋgol boo darnuŋgol. Kanjum mbaɗanmi, mi accataa ɗum sam.

Esaaya 52:12

Taa ngurte bee jaawal, taa ndille bee dogguki ngam Jawmiraawo ardoto on, Allah Isra'iila wonan ɓaawo mooɗon, o faddoto on.

Esaaya 57:2

Ɓe njahan haa nokkuure salaaman. Tokkiiɓe laawol darnuŋgol ciwtoto dow baalorɗe muuɗum'en.

Yeremiya 10:23

Yaa Jawmiraawo, mi anndi neɗɗo maraay ngeendam muuɗum, o waawataa ɗowugo palanɗe maako.

Hose'a 14:9

Efrayim, ko yaali yam bee labbi fahin? Min bee hoore am mi jaɓan tornde maɓɓe, mi aynan ɓe. Mi nanndi bee lekki booɗki marki haakooji foroy, ɓiɓɓe lekki ngam mooɗon tawete haa am.”

Sefaniya 3:5

Ammaa Jawmiraawo o adiliijo caka maagol, o waɗataa kalluɗum. Nde weeti fuu, o ɗon ta'a kiita maako, o lelnataa ka sam. Ammaa kalluɗo walaa semteende!

1 Korintu'en 4:5

Ngam maajum taa kiite koo ɗume diga saa'i man siwaa. Munye haa Jawmiraawo wara, mo waŋginta nder laaɓɗum ko suuɗi nder nyiɓre. O waŋginan boo nufayeeje nyukkiiɗe nder ɓerɗe yimɓe. Nden kadi koo moy heɓan manoore mum bana no fottanta Allah.

2 Korintu'en 1:12

Numooji ɓerɗe amin ɗon ceedano min, min njooɗi nder gooŋgaaku e laaɓeeŋga nder duniyaaru, sakkomaa caka mooɗon. Kanjum iwi haa Allah, kanjum min mantorto. Min ndaraaki dow faamu yimɓe, sey dow mo'ere Allah.

Efesu'en 2:10

Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

1 Yuhanna 3:10

Ammaa mo huuwataa kuuɗe adiliije, mo ɗon wanya deerɗiraawo mum fuu, o danyaakaa e Allah. Bana nii goɗɗo senndindirta ɓikkoy Allah bee koy Iblisa.

1 Yuhanna 3:7

Ɓikkoy am, taa goɗɗo selna on. Baɗoowo adilaaku, o adiliijo bana Almasiihu o adiliijo.