Esaaya 2:8 - Fulfulde Bible

⁸ Lesdi maɓɓe heewi labbi, ɓe ɗon cujidana kuugal juuɗe maɓɓe, ko kooli maɓɓe mbaɗi.

Fulfulde DC Bible

⁸ Lesdi maɓɓe heewi labbi, ɓe ɗon cujidana kuugal juuɗe maɓɓe, ko kooli maɓɓe mbaɗi.

Esaaya 2:8 Iomraidhean Croise

1 Laamiiɓe 16:7

Bee hunnduko annabi Yeehu ɓii Hanani, wolde Jawmiraawo yahno dow Ba'asa e saare maako, ngam daliila halleende nde o waɗi yeeso Jawmiraawo, ngam o tikkini Jawmiraawo bee kuuɗe maako, bana saare Yerobo'am. Non boo ngam o mbari yimɓe saare Yerobo'am.

2 Laamiiɓe 17:10

Ɓe ndarni daŋraŋge e suuraaji Asera dow towndiije e les leɗɗe bilititɗe fuu.

2 Laamiiɓe 17:16

Ɓe acci umrooje Allah Jawmiraawo maɓɓe fuu, ɓe mbaɗani ko'e maɓɓe suuraaji ɓolinaaɗi, nga'oy ɗiɗoy, ɓe mbaɗi suura Asera, ɓe cujidi yeeso jama'aare konu asama fuu, ɓe ndewi Ba'al.

2 Habaruuji Nyalaaɗe 27:2

O waɗi ko fottani Jawmiraawo, bana baaba maako Uzziya waɗno fuu, bilaa woofugo bee nastugo nder haykaliiru Jawmiraawo, ammaa ummaatoore tokki waɗugo kalluɗum.

Esaaya 17:8

Ɓe ndaarataa kirsirɗe ɗe juuɗe maɓɓe mbaɗi. Ɓe kakkilantaa ko kooli maɓɓe mbaɗi, koo labbi Asera koo gulduɗe uurle.

Esaaya 26:13

Yaa Jawmiraawo, Allah amin, jaagorɓe woɗɓe laamani min, ammaa min ɗon ewno innde maaɗa tan.

Esaaya 37:19

Ɓe cakkini ɗowanteeɓe maaje nder yiite – gooŋga kam naa ɓe ɗowanteeɓe – ngam ɗum yimɓe mbaɗi ɗum bee leɗɗe e kaa'e. Ɓe mbirgi ɗum.

Esaaya 40:19

Ɓolinoowo ɓolinan lawru, tappoowo suddan ndu bee kaŋŋeeri, o waɗanan ndu callalluhoy cardi.

Esaaya 41:29

Ndaa, ɓe fuu maɓɓe ɓe huunde meere. Kuuɗe maɓɓe ɗe meere. Labbi maɓɓe ɗi henndu sookru.”

Esaaya 57:5

On ɗon mbaalda bee labbi mon les leɗɗe mawɗe, les leɗɗe bilititɗe fuu. On ɗon kirsa ɓikkoy nder waadiiji e gaaruuji tapaaje.

Yeremiya 1:16

Mi do'an Yahuudu'en kiita daliila halleende maɓɓe fuu. Ɓe acci yam, ɓe ngulani ɗowanteeɓe woɗɓe uurle, ɓe cujidani ko juuɗe maɓɓe mbaɗi.

Yeremiya 11:13

Labbi lesdi Yahuuda ɗuuɗi bana gure maɓɓe. Bana limgal laabi nder Urusaliima, bana non limgal kirsirɗe ɗe ɓe ndarni ngam wulango Ba'al uurle.

Yeremiya 2:28

Kadi toy ɗowanteeɓe mooɗon ɓe mbaɗanɗon ko'e mooɗon? Sey ɓe ummo, ɓe kisna on to on nasti bone! Onon yimɓe Yahuuda, ɗowanteeɓe mooɗon ɗuuɗi bana gure mooɗon.

Hose'a 12:11

Mi wolwani annabi'en, mi ɗuɗɗini wahayuuji, mi waɗi balndi bee kunnduɗe annabi'en.

Hose'a 13:2

Hose'a wi'i: “Koo jonta boo yimɓe Efrayim ɗon tokko waɗugo hakke. Bee cardi maɓɓe ɓe ɗon mbaɗa suuraaji ɓolinaaɗi fodde hakkiilo maɓɓe. Labbi ɗi'i fuu, waɗooɓe sanaa'a mbaɗi ɗi. Ndaa ko yimɓe mbi'ata dow maɓɓe: Yimɓe lii'ooɓe kirseteeɗi ɗon kebbo nga'oy koy bee kunnduɗe boo.

Hose'a 14:3

Lorte haa Jawmiraawo, mbolwane mo. Mbi'e mo: “Yaafana min aybe fuu, yerda min, dow min ngaddane ga'i kirseteeɗi, min ngaddante gettooje!

Hose'a 8:6

Gaggel man iwi haa Isra'iila, baɗoowo sanaa'a waɗi ɗum. Ngel laataaki Allah. Ngam man, gaggel Samariya sampititto.

Mika 5:12

Mi nattinan labbi mon cehaaɗi e daŋraŋge labbi mooɗon. On meetataa sujidango kuuje ɗe juuɗe mon mbaɗi.

Kuuɗe Nelaaɓe 17:16

Yaake Pol ɗonno reena Silas e Timote haa Ateena, ɓernde mum metti nde o yi'i wuro man ɗon heewi labbi.

Tooktaaki Tawreeta 4:28

Ton on njagganto ɗowanteeɓe huuwraaɓe bee leɗɗe e kaa'e, ɓe yimɓe cehi bee juuɗe muuɗum'en, ɓe mbaawataa yi'ugo e nanugo e nyaamugo e luuɓnaago.

Wahayu Yuhanna 9:20

Bee non fuu yimɓe luttuɓe ɓe masiibooji ɗi'i mbaraay, tuubaay dow kuuɗe muuɗum'en. Ɓe accaay sujidango ginnaaji e labbi kuuwraaɗi bee kaŋŋeeri e cardi e njamndi mboɗeeri e kaa'e e leɗɗe, ɗi mbaawataa laarugo koo nanugo e yahugo.