Esaaya 2:6 - Fulfulde Bible

⁶ Yaa Allah, a wudini yimɓe ummaatoore ma, danygol Yaakubu, ngam ɓe keewi al'aadaaji lesdi fuunaaŋge, ɓe waɗooɓe hiila bana Filisti'en, ɓe alkotiri bee yimɓe jananɓe.

Fulfulde DC Bible

⁶ Yaa Allah, a wudini yimɓe ummaatoore ma, danygol Yaakubu, ngam ɓe keewi al'aadaaji lesdi fuunaaŋge, ɓe waɗooɓe hiila bana Filisti'en, ɓe alkotiri bee yimɓe jananɓe.

Esaaya 2:6 Iomraidhean Croise

2 Laamiiɓe 1:2

Nyannde feere, laamiiɗo Ahaziya do'i gal wurdere cabbi gaafindiraaɗi haa suudu muuɗum dowru haa Samariya, o naawni. Nden o neli nelaaɓe haa ɓe njaha ɓe ƴama Ba'al-Zebub, lawru haa berniwol Ekuruun, ngam anndugo to o yamɗitan e naawnere do'ere nde'e.

2 Laamiiɓe 17:20

Jawmiraawo wudini danygol Isra'iila'en fuu. O leesni ɓe, o hokki ɓe haa juuɗe jaɓtooɓe, haa o riiwi ɓe diga yeeso maako.

1 Habaruuji Nyalaaɗe 10:13

Bana nii Sawulu maayi ngam o yewi umroore Jawmiraawo, ngam o hakkilanaay wolde Jawmiraawo, o yehi o ƴami carwoowo maayɓe boo,

2 Habaruuji Nyalaaɗe 15:2

Kaŋko o yehi, o fotti bee Asa, o wi'i: “Naneeɗam, onon Asa e yimɓe Yahuuda e Benyamin fuu! To on ɓaditake Jawmiraawo, kaŋko o ɓadititto on. To on ngaylitake heedi maako, o waŋginanan on hoore maako. Ammaa to on acci mo, kaŋko boo o accan on.

2 Habaruuji Nyalaaɗe 24:20

Nden Ruuhu Allah wari dow Zekariya ɓii Yoyada limanjo. O dari yeeso ummaatoore, o wi'i ɓe: “Ndaa nii Allah wi'i: Koni luutoton umrooje am? Ngam maajum on keɓataa hayru ngam on ngudini yam. Min boo mi wudini on.”

Nehemiya 13:23

Saa'i man ngi'mi boo Yahuudu'en te'ɓe rewɓe iwɓe Asdod e Ammoon e Mo'ab.

Jabuura 106:35

Ammaa ɓe njillindiri bee maɓɓe, ɓe ekkiti al'aadaaji maɓɓe.

Gurtaaki 22:18

Koo moy waaldi bee ndabbaawa, o mbareteeɗo.

Gurtaaki 34:16

To on te'ani ɓiɓɓe mooɗon worɓe ɓiɓɓe maɓɓe rewɓe, rewɓe ɓe'e estan ɓiɓɓe mooɗon worɓe haa ɓe zammbo yam bee ɗakkotirgo bee labbi ɗi rewɓe ɓe'e ndewata.

Balndi 6:1

Ɓiŋngel am, to a laatake dammaaniiɗo ngam keeddiɗɗa, to a fiyi dammaana ngam goɗɗo feere,

Esaaya 14:29

Onon yimɓe Filistiya fuu, sawru fiyndu on yewi. Ammaa taa ceye! To mboodi waati, foosokre waran haa pellel maari. Haa yeeraande foosokre, mboodi piiroori ngiiteeleeri wurtoto.

Esaaya 8:19

To yimɓe mbi'i on: “Sey on ƴama sarwotooɓe maayɓe e waɗooɓe hatti, sofndooɓe e lorlortirooɓe bolle. Naa yimɓe ummaatoore koo ndeye ɗon ƴama ɗowanteeɓe muuɗum'en e ɓe ɗon ƴama maayɓe ngam haala yeeɗɓe na?”

Yeremiya 10:2

Ndaa nii Jawmiraawo wi'i: “Taa tokke laawol ummaatooje goɗɗe. Taa kultore ngam alaamaaji haa asama, koo to ummaatooje man ɗon kula ɗi.

Yeremiya 12:7

Jawmiraawo wi'i: “Mi acci suudu am, mi wudini maral am, mi hokki ummaatoore am yiɗaande haa juuɗe konne'en maare.

Gimi Boyki 5:20

Ngam ɗume a yejjiti min haa foroy? Ngam ɗume a wudini min balɗe ngeendam amin fuu?

Farillaaji Lewi'en 19:31

Taa carwe sarwotooɓe maayɓe malla hiila'en, ngam taa ɓe coɓna on. Min woni Jawmiraawo Allah mon.

Farillaaji Lewi'en 20:6

To goɗɗo yehi ƴamugo sarwotooɓe maayɓe e hiila'en, ngam ɗakkotirgo bee maɓɓe, mi honan mo, mi nattinan mo caka ummaatoore maako.

Mika 5:11

Mi nattinan hiilaaji ɗi mbaɗoton, waɗooɓe hatti boo ngonataa caka mooɗon fahin.

Mika 5:12

Mi nattinan labbi mon cehaaɗi e daŋraŋge labbi mooɗon. On meetataa sujidango kuuje ɗe juuɗe mon mbaɗi.

Sefaniya 1:8

Jawmiraawo wi'i: “Nyalaade nde lii'otoomi kirseteeŋga, mi hiitoto saraaki'en e yerima'en e ɓorniiɓe limce jananne fuu.

Limle 23:7

Balaama waɗi annabaaku, wi'i: “Balak, laamiiɗo Mo'ab waddi yam diga lesdi Siriya, diga kooseeje fuunaaŋge haa ɗo. O wi'i mi naalana mo danygol Yaakubu, mi telɓana mo Isra'iila'en.

Roma'en 11:20

Gooŋga kam, ammaa ɗe ta'aama ngam ɗe cali nuɗɗingo. Onon boo on tabitinaama ngam on nuɗɗini. Ngam maajum taa mawnite. Ndikka on kula.

1 Samuyila 6:2

Filisti'en mooɓti liman'en e hiila'en fuu, ƴami ɓe: “Ko mbaɗeten bee sundukru Jawmiraawo? E noy lornirten ndu?”