Esaaya 2:3 - Fulfulde Bible

³ Ummaatooje ɗuuɗɗe njahan ton, mbi'an: “Ngare, mba'ooɗen dow hooseere Jawmiraawo, haa haykaliiru Allah Yaakubu ngam o ekkitina en laabi maako, enen boo en tokko ɗi.” Ngam haa Siyona tawreeta iwi, wolde Jawmiraawo boo haa Urusaliima.

Fulfulde DC Bible

³ Ummaatooje ɗuuɗɗe njahan ton, mbi'an: “Ngare, mba'ooɗen dow hooseere Jawmiraawo, haa haykaliiru Allah Yaakubu ngam o ekkitina en laabi maako, enen boo en tokko ɗi.” Ngam haa Siyona tawreeta iwi, wolde Jawmiraawo boo haa Urusaliima.

Esaaya 2:3 Iomraidhean Croise

Asta 9:27

ɓe tabitini ɗum, ɗum farilla nduumiika dow maɓɓe e danygol maɓɓe e hawtananɓe diina maɓɓe fuu, haa ɓe tokko waɗugo juulde nder nyalɗe ɗiɗi ɗe'e hitaande fuu, bana ko winnda, to saa'i man yottake.

Jabuura 102:23

saa'i ummaatooje e laamuuji mooɓoto, ngam jagganaago Jawmiraawo.

Jabuura 110:2

Jawmiraawo yaajinan laamu ma diga Siyona. O wi'i: “Laama caka konne'en ma!”

Jabuura 119:171

Sey hunnduko am ɓula maŋgtoore ma, ngam a ɗon ekkitinammi farillaaji ma.

Jabuura 122:1

Yimre Daawuda ngam jahaaŋgal haa Urusaliima. Mi seyi nde yimɓe mbi'i yam: “Njemme haa suudu Jawmiraawo!”

Jabuura 48:1

Yimre nde ɓiɓɓe Koora.

Esaaya 1:26

Mi wartiran hiitooɓe bana naane, sarwooɓe boo bana ɓooyma. Ɓaawoɗon ɓe ewnete Berniwol-Adilaaku e Wuro-Hoolaare.”

Esaaya 11:10

Nyalaade man laamiiɗo keso mo asŋgol Yessa go daroto bana tuutawal ngam jama'aaje. Ummaatooje ɗaɓɓitan mo, nokkuure siwtaago maako laatoto teddunde.

Esaaya 19:23

Nyalaade man buuwol ummoto diga Misra haa Assuura. Assuura'en e Misra'en ngillotiran. Misra'en hawtaade bee Assuura'en njagganto Jawmiraawo.

Esaaya 28:9

Ɓe ɗon mbolwa dow Jawmiraawo: “Moy o yiɗi ekkitingo faamu? Moy o yiɗi faamtingo habaru? Haa ɓikkoy entaakoy jonta na?

Esaaya 44:5

Oo wi'an: Min mo Jawmiraawo. Oya ewnoto hoore mum bee innde Yaakubu. Goɗɗo winndan dow juŋngo mum: Min mo Jawmiraawo. Goɗɗo feere boo inndan hoore mum Isra'iila.”

Esaaya 56:5

nden kam mi hokkan on ko ɓurata ɓiɓɓe worɓe e rewɓe, waato ciftinorɗum e daraja nder suudu am, caka mahi saare am. Inɗe mon nduumoto, ittataake sam.”

Esaaya 56:7

mi yahran ɓe haa hooseere am seniinde, mi seynan ɓe nder suudu do'a am. Mi yerdoto guleteeɗi maɓɓe e kirseteeɗi ɗi ɓe lii'anto yam dow hirsirde am. Suudu am wi'ete suudu do'a ngam ummaatooje fuu.

Esaaya 60:3

Ummaatooje ngaran haa annoora maaɗa, laamiiɓe boo haa jayŋgol ngol a fuɗɗi waŋgingo.

Esaaya 65:11

Ammaa onon accanɓe Jawmiraawo, yejjitanɓe hooseere am seniinde, taaskitantooɓe Gada nyaamdu, hebbinanɓe jardugel Meni bee njaram njillaaɗam,

Esaaya 66:20

Ɓe ngaddantam deerɗiraaɓe mon diga ummaatooje fuu, ɓe laatanto Jawmiraawo dokkal. Ɓe ngaddan ɓe haa hooseere am seniinde, haa Urusaliima, dow pucci e mootaaji pucci e leese e alfadariije e geelooɗi, bana yimɓe Isra'iila ngaddirta dokke nyaamdu haa suudu am nder taasaaje laaɓɗe.

Yeremiya 12:16

To ɓe tokki diina ummaatoore am, to ɓe kunori bee innde am, ɓe mbi'i: Fakat bana Jawmiraawo o geeto—, bana ɓe ekkitinino ummaatoore am naane, ɓe kunorono bee innde Ba'al—, nden kamɓe boo ɓe tabitan caka ummaatoore am.

Yeremiya 26:18

“Nder zamanu laamiiɗo Hezekiya, Mika mo Moraset waɗani yimɓe Yahuuda fuu annabaaku, yecci ɓe: Ndaa nii Jawmiraawo honooɓe asama wi'i: Konne'en ndeman Siyona bana ngesa, Urusaliima laatoto bille, hooseere haa haykaliiru woni laatoto towndiire guuɓe.

Yeremiya 31:6

Fakat saa'i ɗon wara haa aynooɓe koola dow kooseeje Efrayim: Umme, njehenma Siyona haa Jawmiraawo Allah men!”

Ezekiyel 40:2

O yi'ni yam wahayuuji, o yahri yam haa lesdi Isra'iila, o jippini yam dow hooseere townde masin. Ton ngi'mi irin berniwol.

Hose'a 3:5

Ɓaawo maajum ɓe tuuban, ɓe ngaylititto haa Jawmiraawo Allah maɓɓe e Daawuda laamiiɗo maɓɓe. Nder nyalɗe ragareeje ɓe ngaran bee diwnugo haa Jawmiraawo e mbooɗeeŋga muuɗum.

Hose'a 6:3

Annden Jawmiraawo, tiinooɗen anndugo mo. O waŋganan en bana no fajiri weetirta fakat. O waranan en bana iyeende, bana no iyeende ragareere yarnirta lesdi.”

Mika 4:2

Jama'aaje ɗuuɗɗe njahan ton, mbi'an: “Ngare, mba'ooɗen dow hooseere Jawmiraawo, haa haykaliiru Allah Yaakubu, ngam haa o ekkitina en laabi maako, enen boo en tokko ɗi.” Ngam haa Siyona tawreeta iwi, wolde Jawmiraawo boo haa Urusaliima.

Matta 7:24

“Ngam maajum koo moy nani bolle ɗe'e, ɗowtani ɗe, nanndi bee goɗɗo marɗo hakkiilo, mahɗo suudu mum dow tapaare.

Luka 11:28

Ammaa kaŋko o wi'i: “Barka laatanto nananɓe wolde Allah, ɗowtantooɓe nde!”

Luka 24:47

bee innde maako ɓe ngaazinan yimɓe ummaatooje fuu haa ɓe tuuba e ɓe keɓa yaafuye hakkeeji, ɗum fuɗɗa haa Urusaliima.

Yuhanna 4:22

Onon Samariya'en on anndaa mo on cujidanta, ammaa minin Yahuudu'en min anndi mo min cujidanta, ngam kisndam iwi haa Yahuudu'en.

Yuhanna 7:17

To goɗɗo yiɗi waɗugo muuyo Allah, o anndan to ekkitinol am iwi haa Allah malla to mi ɗon wolwa ngiɗa am.

Kuuɗe Nelaaɓe 1:8

ammaa to Ruuhu Ceniiɗo jippake dow mooɗon, on keɓan baawɗe, nden on laatoto seedantooɓe yam haa Urusaliima, haa lesdi Yahudiya fuu bee Samariya e haa keerol duniyaaru fuu.”

Kuuɗe Nelaaɓe 10:33

Ngam maajum mi neli goɗɗo haa ma law, an boo a yerdake, a wari. Jonta min fuu min kawti yeeso Allah, haa min nana ko Jawmiraawo umri ma wolwugo fuu.”

Roma'en 10:18

Sey mi ƴama: Isra'iila'en nanaay wolde na? Fakat ɓe nani nde! Deftere ɗon wi'a dow nelaaɓe: “Sawtu maɓɓe yotti lesɗe fuu. Bolle maɓɓe njotti keeri duniyaaru.”

Tooktaaki Tawreeta 33:19

Ɓe ewnoto ummaatooje, ɗe ngara haa hooseere maɓɓe senaande ngam ɓe lii'o kirseteeɗi pottanɗi ton. Ngam ɓe keɓan jawdi haa mbeela, ndesaaje nyukkiiɗe boo nder njaareendi.”

Tooktaaki Tawreeta 6:1

“Ndaa umrooje e farillaaji e kiitaaji fuu ɗum Jawmiraawo, Allah mooɗon umri yam ekkitingo on. Ɗowtane ɗum nder lesdi ndi on ɓadake nastugo ngam maron ɗum.

Yaakuba 1:25

Ammaa to goɗɗo ɗon lincita tawreeta Allah timmuka, dimɗinanka yimɓe, o ɗon tokka jogaago ka, o yejjitittaa ko o nani, o ɗon waɗa ko ka wi'i mo, goɗɗo oo heɓan barka nder ko o waɗata fuu.