Esaaya 2:2 - Fulfulde Bible

² Haa nyalɗe ragareeje, Jawmiraawo tabitinan hooseere haykaliiru mum, nde towtan dow geereeje kooseeje, nde ɓaŋgoto dow towndiije. Nden jama'aaje fuu tokkoto wargo haa maare.

Fulfulde DC Bible

² Haa nyalɗe ragareeje, Jawmiraawo tabitinan hooseere haykaliiru mum, nde towtan dow geereeje kooseeje, nde ɓaŋgoto dow towndiije. Nden jama'aaje fuu tokkoto wargo haa maare.

Esaaya 2:2 Iomraidhean Croise

Laataanooji 49:1

Yaakubu ewni ɓiɓɓe muuɗum, wi'i: “Mooɓe haa am haa mi anndina on ko laatanta on nder nyalɗe garanɗe.

Ayuba 19:25

Mi anndi laaɓɗum, coottoowo yam o geeto, haa timmoode o daroto dow lesdi.

Jabuura 102:23

saa'i ummaatooje e laamuuji mooɓoto, ngam jagganaago Jawmiraawo.

Jabuura 2:8

Ƴamam, mi hokkete ummaatooje duniyaaru haa yotto keeri maaru fuu, a rona ɗe.

Jabuura 22:27

Yaŋkiniiɓe nyaaman, kaaran. Ɗakkotiranɓe bee Jawmiraawo maŋgtan mo, ɓe ngeeɗa haa foroy!

Jabuura 22:28

Ummaatooje keeri duniyaaru fuu ciftoran Jawmiraawo, ɓe lortoto haa maako, le'i ummaatooje fuu cujidanan mo.

Jabuura 48:2

Jawmiraawo o mawɗo! O maŋgteteeɗo masin nder berniwol Allah men, dow hooseere maako seniinde!

Jabuura 68:17

Onon kooseeje marɗe ƴuuge ɗuuɗɗe, koni kaajoton hooseere nde Allah seyori jooɗaago ton? Jawmiraawo jooɗoto ton haa foroy!

Jabuura 72:8

O laamoto diga mbeela haa mbeela, diga maayo Efratis haa yotto keeri duniyaaru.

Jabuura 86:9

Ummaatooje ɗe tagɗa fuu, ngaran sujidango ma, teddinan innde ma, yaa Jawmiraawo.

Jabuura 87:1

Yimre ngol ɓiɓɓe Koora. Jawmiraawo jo'ini berniwol mum dow kooseeje ceniiɗe.

Jabuura 87:2

Allah ɓuri yiɗugo Siyona, dow joole yimɓe Yaakubu goɗɗe fuu.

Esaaya 11:10

Nyalaade man laamiiɗo keso mo asŋgol Yessa go daroto bana tuutawal ngam jama'aaje. Ummaatooje ɗaɓɓitan mo, nokkuure siwtaago maako laatoto teddunde.

Esaaya 25:6

Dow hooseere Siyona nde'e Jawmiraawo honooɓe asama taaskanto ummaatooje fuu nyaamduuji belɗi, bee inaboojam ɓennduɗam e kusel ɗigguŋgel e ɓellere e inaboojam mbooɗɗam laaɓɗam.

Esaaya 27:13

Nyalaade man goɗɗo fuufan luwal maŋngal. Majjuɓe haa lesdi Assuura e riiwaaɓe haa lesdi Misra, ɓe fuu ɓe ngaran sujidango Jawmiraawo dow hooseere seniinde haa Urusaliima.

Esaaya 30:29

Ammaa onon on ngiman bana nder jemmaare juulde seniinde. Ɓerɗe mooɗon ceyoto bana yahanɓe bee gime ciide haa hooseere Jawmiraawo mo tapaare hisnoore Isra'iila.

Esaaya 49:6

O wi'i: “Laataago suka am ummitinanɗo le'i Yaakubu, lortinanɗo luttuɓe Isra'iila, he'aay. Mi waɗete a annoora ummaatooje, haa kisndam am yotto keeri duniyaaru.”

Esaaya 56:5

nden kam mi hokkan on ko ɓurata ɓiɓɓe worɓe e rewɓe, waato ciftinorɗum e daraja nder suudu am, caka mahi saare am. Inɗe mon nduumoto, ittataake sam.”

Esaaya 56:7

mi yahran ɓe haa hooseere am seniinde, mi seynan ɓe nder suudu do'a am. Mi yerdoto guleteeɗi maɓɓe e kirseteeɗi ɗi ɓe lii'anto yam dow hirsirde am. Suudu am wi'ete suudu do'a ngam ummaatooje fuu.

Esaaya 60:3

Ummaatooje ngaran haa annoora maaɗa, laamiiɓe boo haa jayŋgol ngol a fuɗɗi waŋgingo.

Esaaya 65:11

Ammaa onon accanɓe Jawmiraawo, yejjitanɓe hooseere am seniinde, taaskitantooɓe Gada nyaamdu, hebbinanɓe jardugel Meni bee njaram njillaaɗam,

Esaaya 66:20

Ɓe ngaddantam deerɗiraaɓe mon diga ummaatooje fuu, ɓe laatanto Jawmiraawo dokkal. Ɓe ngaddan ɓe haa hooseere am seniinde, haa Urusaliima, dow pucci e mootaaji pucci e leese e alfadariije e geelooɗi, bana yimɓe Isra'iila ngaddirta dokke nyaamdu haa suudu am nder taasaaje laaɓɗe.

Esaaya 66:23

Juulde lewru hesru koo ndeye e nyannde siwtorde koo ndeyeere yimɓe fuu ngaran sujidango yam.” Non Jawmiraawo wi'i.

Yeremiya 16:19

Yeremiya wi'i: “Yaa Jawmiraawo, an woni semmbe am e aynol am e hisrude am nder nyalaade ɓillaare! Ummaatooje ngaran haa maaɗa diga keeri duniyaaru, mbi'an: Kaakiraaɓe amin ngoodino ɗowanteeɓe fewooɓe e labbi meereeji ɗi nafataa sam.

Yeremiya 23:20

Nde naŋgtataako, sey to o hiɓɓini anniya maako fuu. Haa timmoode on paaman ɗum laaɓɗum.

Yeremiya 26:18

“Nder zamanu laamiiɗo Hezekiya, Mika mo Moraset waɗani yimɓe Yahuuda fuu annabaaku, yecci ɓe: Ndaa nii Jawmiraawo honooɓe asama wi'i: Konne'en ndeman Siyona bana ngesa, Urusaliima laatoto bille, hooseere haa haykaliiru woni laatoto towndiire guuɓe.

Yeremiya 3:17

Saa'i man ɓe ewnoto Urusaliima Leeso laamu Jawmiraawo. Ummaatooje fuu mooɓoto ton ngam teddingo innde Jawmiraawo haa Urusaliima. Ɓe meetataa tokkaago numooji ɓerɗe maɓɓe kalluɗe.

Yeremiya 31:12

Ɓe ngaran, ɓe mbelmbeltan dow hooseere Siyona, seyo maɓɓe waŋgan daliila barkaaji Jawmiraawo, waato alkamaari e inaboojam e nebbam e baali e na'i ɗum o hokki ɓe. Ɓe laatoto bana jarne cafaaɗe, ɓerɗe maɓɓe meetataa torraago.

Yeremiya 48:47

Ammaa haa timmoode balɗe ngartiranmi Mo'ab bana naane.” Non Jawmiraawo wi'i. Kanjum woni kiita maako dow Mo'ab.

Yeremiya 49:39

Ammaa haa timmoode balɗe ngartiranmi joonde Elam bana naane.” Non Jawmiraawo wi'i.

Yeremiya 51:44

Mi hiitoto Beel, ɗowanteeɗo Baabila. Mi doolan mo tuutugo ko o moɗi. Ummaatooje meetataa mooɓaago haa maako ngam sujidango mo. Mahol Baabila yibbi!

Ezekiyel 38:16

A waran dow Isra'iila ummaatoore am bana ruulde, ngam suddugo lesdi. Haa nyalɗe ragareeje njahranmaami dow lesdi am, haa ummaatooje anndammi, to mi huuwtiniri ma, yaa Gog, ngam mi waŋgina senaare am.

Ezekiyel 40:2

O yi'ni yam wahayuuji, o yahri yam haa lesdi Isra'iila, o jippini yam dow hooseere townde masin. Ton ngi'mi irin berniwol.

Daniyel 10:14

Mi wari jonta ngam faamtingo ma ko heɓata ummaatoore ma yeeso ɗo ngam woodi boo wahayu ngam nyalɗe garanɗe ɗe'e.”

Daniyel 2:28

Ammaa woodi Allah mo asama, kaŋko waŋginta sirriiji. O holli ma, yaa laamiiɗo Nabukodonosor, ko laatoto yeeso ɗo. Koyɗol ngol koyɗuɗa e wahayuuji ɗi ngi'ɗa dow be'itte ma, ndaa ɗum:

Daniyel 2:35

Bana non koo ɗume fuu fusi: Njamndi e loope e njamndi mboɗeeri e cardi e kaŋŋeeri. Ɗum fuu ɗum laati bana nyaande dow laarre wakkati codol, henndu saŋkiti ɗum, walaa ko lutti. Ammaa hayre fusnde suura go, mawni, laati hooseere mawnde, nde heewi duniyaaru fuu.

Daniyel 2:45

Ngam maajum ngi'ɗa no hayre hoɓɓitiri – walaa juŋngo yerɓi nde— nami njamndi ɓaleeri e mboɗeeri e loope e cardi e kaŋŋeeri. Allah mawɗo waŋginani ma ko tammi laataago, barkaama. Koyɗol man tabiti, maana maagol boo laaɓi.”

Hose'a 3:5

Ɓaawo maajum ɓe tuuban, ɓe ngaylititto haa Jawmiraawo Allah maɓɓe e Daawuda laamiiɗo maɓɓe. Nder nyalɗe ragareeje ɓe ngaran bee diwnugo haa Jawmiraawo e mbooɗeeŋga muuɗum.

Zekariya 14:10

Lesdi taariindi Urusaliima fuu laatoto yayre, diga Geba haa yotto Rimmon haa fombina Urusaliima. Ammaa berniwol Urusaliima towtan, ngol tabitan haa nokkuure muuɗum. Ngol yaajan diga Dammugal Benyamin haa yotto babal dammugal kiiɗŋgal e Dammugal Toldu, diga suudu Hananiyel towndu haa yotto ɓiɗɗirde laamiiɗo.

Zekariya 14:9

Nden Jawmiraawo laamanto duniyaaru fuu. Saa'i man kaŋko tan wonata Jawmiraawo, walaa goɗɗo maran innde nde'e.

Zekariya 8:22

Ummaatooje ɗuuɗɗe e cemmbiɗɗe ngaran haa Urusaliima ngam fottugo bee Jawmiraawo honooɓe asama e toraago mo.

Zekariya 8:3

Ndaa nii Jawmiraawo wi'i: “Mi wartan haa Siyona, mi jooɗoto haa caka Urusaliima. Innde Urusaliima laatoto Berniwol-Gooŋga, innde hooseere Jawmiraawo honooɓe asama boo laatoto Hooseere-Seniinde.”

Malakiya 3:12

Ummaatooje fuu ewnoto on barkiɗinaaɓe, ngam lesdi mon laatoto mboondi.” Non Jawmiraawo honooɓe asama wi'i.

Limle 24:14

Balaama wi'i Balak: “Ndaa, mi hootan haa yimɓe am. Ammaa sey mi aarta mi anndine ko Isra'iila'en tammi waɗugo yimɓe ma nder zamanuuru waranndu.”

Kuuɗe Nelaaɓe 2:17

Allah wi'i: Nder balɗe ragareeje: Mi waanjan Ruuhu am dow yimɓe fuu: Ɓiɓɓe mon worɓe e rewɓe mbaɗan annabaaku, suka'en mooɗon keɓan wahayuuji, ndotti'en mooɗon koyɗan koyɗi.

2 Timote 3:1

Anndu, nder nyalɗe ragareeje, wakkatiiji caɗɗi laatoto.

Ibraniŋke'en 1:2

Ammaa nder balɗe ragareeje ɗe'e, o wolwani en bee hunnduko Ɓiɗɗomuuɗum. Bee maako Allah tagri koo ɗume fuu, o waɗi mo donoowo kuuje fuu.

2 Piyer 3:3

Aran, annde ɗu'um: Nder balɗe ragareeje jaancooɓe tokkiiɓe suunooji muuɗum'en ngaran,

Wahayu Yuhanna 11:15

Nden malaa'ikaajo njoweeɗiɗaɓo fuufi luwal muuɗum. Mi nani sawtuuji cemmbiɗɗi nder asama, ɗi ɗon mbi'a: “Laamu duniyaaru laatanake Jawmiraawo meeɗen e Almasiihu muuɗum, o laamoto haa abada abadin!”

Wahayu Yuhanna 20:4

Nden mi yi'i leese laamu. Jooɗiiɓe dow maaje keɓi baawɗe hiitaago. Mi yi'i yoŋkiiji ta'aaɓe ko'e daliila seedamku Yeesu e ngam wolde Allah. Mi yi'i boo yimɓe ɓe cujidanaayno ndabbaawa malla suura maaga, ɓe njaɓaayno maandorde ndabbaawa haa tiinde malla haa juŋngo. Ɓe ɗon ngeeɗi bee Almasiihu, ɓe ɗon laamo bee maako duuɓi ujineere.