Esaaya 11:2 - Fulfulde Bible

² Ruuhu Jawmiraawo ɗon dow maako, ruuhu hikma e hakkiilo, ruuhu sawari e cuusal, ruuhu anndal e kulol Jawmiraawo.

Fulfulde DC Bible

² Ruuhu Jawmiraawo ɗon dow maako, ruuhu hikma e hakkiilo, ruuhu sawari e cuusal, ruuhu anndal e kulol Jawmiraawo.

Esaaya 11:2 Iomraidhean Croise

2 Samuyila 23:3

Allah aynoowo Isra'iila wi'i: “Laamaniiɗo yimɓe mum bee adilaaku, laamoriiɗo bee kulol Allah,

Jabuura 72:2

haa o laamano yimɓe ma bee adilaaku, laafuɓe ma boo fodde kiita ngooŋɗuka.

Gurtaaki 28:3

Wolwan huuwooɓe waawɓe ɓe kebbinmi bee anndal fuu, haa ɓe mbaɗa limce Haruna ngam cenki maako, o huuwanammi kuugal limanku.

Esaaya 28:6

o hokkan jooɗiiɗo dow leeso kiita ruuhu gooŋga, o semmbiɗinan riiwanɓe konne'en haa dammuɗe berniwol.

Esaaya 32:15

haa to Allah waanji Ruuhu mum dow amin, haa to ladde laatake ciraka, ciraka boo laatake bana laynde.

Esaaya 42:1

Jawmiraawo wi'i: “Ndaa suka am, mi jogoto mo, o cuɓaaɗo am mo yoŋki am seyorto ɗum. Mi waɗi Ruuhu am dow maako. O waŋginanan ummaatooje kiita ndarnuka.

Esaaya 48:16

Ɓaditeeɗam, nane ɗu'um: Diga fuɗɗam mi wolwaay bee sirri. Diga fuɗɗoode kuuje ɗe'e, mi ɗon.” – Ammaa jonta Jawmiraawo Allah neli yam bee Ruuhu muuɗum.

Esaaya 59:21

Ndaa alkawal am bee maɓɓe: Mi waɗi Ruuhu am dow mooɗon, mi nastini bolle am nder kunnduɗe mooɗon. Mi ittataa ɗe diga kunnduɗe mon e diga kunnduɗe ɓikkoy mon e diga kunnduɗe taaniraaɓe mon, diga jonta haa foroy.” Non Jawmiraawo wi'i.

Esaaya 61:1

Ruuhu Jawmiraawo Allah ɗon dow am. Ngam Jawmiraawo moyti yam, neli yam haa mi waazina laafuɓe habaru seyo, mi nyawnda ta'a-ɓerɗe'en, haa mi wooynana haɓɓaaɓe ndimu, jooɗiiɓe nder kaɓɓirgal boo dimɗinki.

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Zekariya 4:6

Malaa'ikaajo wi'i yam: “Ndaa wolde Jawmiraawo ngam Zorobaabila: A hiɓɓintaa kaliifaaku maaɗa bee cuusal malla bee semmbe maaɗa, ammaa sey bee Ruuhu am tan! Non Jawmiraawo honooɓe asama wi'i.

Matta 3:16

waɗani mo baptisma. Nde Yeesu wurti ndiyam, asamanji maɓɓiti, o yi'i Ruuhu Allah ɗon jippo bana poola, ɗon wara dow maako.

Yuhanna 14:17

Ɗum Ruuhu mo gooŋga, duniyaaru waawataa heɓugo mo, ngam ndu waawataa yi'ugo mo, ndu anndataa mo boo. Ammaa onon on anndi mo, ngam o ɗon wondi bee mooɗon, o jooɗoto nder mooɗon boo.

Yuhanna 15:26

To Balloowo mo mi nelata haa mooɗon diga Baabiraawo wari, waato Ruuhu mo gooŋga garanɗo diga Baabiraawo, kaŋko o seedanto yam.

Yuhanna 16:13

To Ruuhu mo gooŋga wari, o ɗowan on nder gooŋga fuu. Ngam o wolwataa ngiɗa maako, ammaa o wi'an on ko o nani, ko tammi wargo fuu.

Yuhanna 3:34

Ngam mo Allah neli ɗon wolwa haala Allah, ngam Allah ɗon hebbina mo bee Ruuhu muuɗum bilaa keerol.

Kuuɗe Nelaaɓe 10:38

On anndi habaru Yeesu mo Nasaratu, no Allah moytiri mo Ruuhu Ceniiɗo, no o hokkiri mo baawɗe. O yehi koo toy, o huuwi kuuɗe booɗɗe, o yamɗitini torraaɓe Iblisa fuu, ngam Allah ɗon wondi bee maako.

1 Korintu'en 1:30

Daliila maako, onon on kawti bee Yeesu Almasiihu, laatiiɗo hikma meeɗen iwka haa Allah. Bee maako en keɓi adilaaku e senaare e ndimu.

Tooktaaki Tawreeta 34:9

Ammaa Yosuwa ɓii Nuuna o keewɗo ruuhu faamu, ngam Muusa yowino juuɗe mum dow maako. Isra'iila'en nanani Yosuwa, ɓe tokki umrooje ɗe Jawmiraawo umruno ɓe bee hunnduko Muusa.

2 Timote 1:7

Ngam naa ruuhu kulol Allah hokki en, ammaa Ruuhu semmbe e yiide e naŋgtaare.

Wahayu Yuhanna 1:4

Min Yuhanna, mi ɗon winndana jama'aaje nuɗɗinɓe joweeɗiɗi haa lesdi Asiya: Mo'ere e salaaman laatano on diga Allah, mo ɗon, mo ɗonno ɓooyma, mo ɗon wara boo e diga ruuhuuji joweeɗiɗi gonɗi yeeso leeso laamu maako