Esaaya 1:4 - Fulfulde Bible

⁴ Bone laatanto ummaatoore hakke'en nde'e, ummaatoore heewnde zunuuba, asŋgol halluɓe, ɓiɓɓe wonniiɓe! Ɓe ngudini Jawmiraawo, ɓe njawi Ceniiɗo Isra'iila, ɓe ndokkiti mo ɓaawo.

Fulfulde DC Bible

⁴ Bone laatanto ummaatoore hakke'en nde'e, ummaatoore heewnde zunuuba, asŋgol halluɓe, ɓiɓɓe wonniiɓe! Ɓe ngudini Jawmiraawo, ɓe njawi Ceniiɗo Isra'iila, ɓe ndokkiti mo ɓaawo.

Esaaya 1:4 Iomraidhean Croise

Laataanooji 13:13

Yimɓe berniwol Sodoma ɓe halluɓe, ɓe ɗonno mbaɗa hakke masin heedi Jawmiraawo.

2 Laamiiɓe 21:22

O wudini Allah Jawmiraawo kaakiraaɓe maako, o tokkaaki laawol Jawmiraawo.

2 Habaruuji Nyalaaɗe 12:1

Nde laamu Robo'am tabiti, baawɗe muuɗum boo ɓesdi, o acci tokkaago tawreeta Jawmiraawo, kaŋko e Isra'iila'en wonduɓe bee maako fuu.

2 Habaruuji Nyalaaɗe 27:2

O waɗi ko fottani Jawmiraawo, bana baaba maako Uzziya waɗno fuu, bilaa woofugo bee nastugo nder haykaliiru Jawmiraawo, ammaa ummaatoore tokki waɗugo kalluɗum.

Nehemiya 1:7

Min mbaɗi kalluɗum masin dow maaɗa, min ɗowtanaaki farillaaji e umrooje e kiitaaji ɗi umruɗa jaggiiɗo ma Muusa.

Jabuura 58:3

Walaa! On ɗon kiito bee sooynde adilaaku bee anniya, on ɗon mbaɗa toonyaare nder lesdi.

Jabuura 71:22

Ngam maajum mi yettete, yaa Allah am, mi maŋgtan gooŋgaaku ma bee hoodu, mi yimante bee moolooru am, yaa Ceniiɗo Isra'iila.

Jabuura 78:40

Ɓe tuurtani mo nder ladde nde ɗuuɗɗum, haa ladde hamaadaare, ɓe ɗuɗɗini laskingo ɓernde maako.

Jabuura 78:41

Fahin ɓe poondi mo, ɓe mettini Ceniiɗo Isra'iila.

Jabuura 78:57

Ɓe tuurtani mo, ɓe zammbi mo bana kaakiraaɓe maɓɓe, ɓe mboofi bana kuri piɗaaɗi bee lagaawal ɓosliiŋgal.

Jabuura 78:8

Taa ɓe laato bana kaakiraaɓe maɓɓe yidere tuurtooɓe, luutooɓe Allah. Kamɓe, ɓerɗe maɓɓe tabitaay, ngam ɓe tokkaaki Allah bee gooŋga.

Jabuura 89:18

Baawɗe ma ɗon hokka min tedduŋgal, yerduye ma ɗon hokka min jaalorgal,

Gurtaaki 32:7

Jawmiraawo wi'i Muusa: “Umma, jippa hooseere! Ngam yimɓe ma ɓe ngurtinɗa lesdi Misra, ɓe mbonniti.

Esaaya 1:23

Ardiiɓe ma laatake tuurtooɓe, ɓe sooba'en wuyɓe. Ɓe fuu ɓe ngiɗi caahuuji rusiya, ɓe ɗon ɗaɓɓa ngeenaari zammba. Ɓe njiŋngataa atiime'en fodde adilaaku, ɓe cuklantaako haala rewɓe yurumɓe.

Esaaya 1:28

Ammaa tuurtooɓe e hakke'en, masiibo ukkanto ɓe, accuɓe Jawmiraawo boo nattan.

Esaaya 10:6

Mi nelan ɓe dow ummaatoore hallunde, dow tikkinɓe yam, ngam ɓe njaɓta e ɓe mbaagina keɓal, ɓe njaaɓa nde bana loope dow laawol.”

Esaaya 12:6

Ceye! Mbaɗe gookaali seyo, onon jooɗiiɓe haa Siyona! Ngam Ceniiɗo Isra'iila o mawɗo caka mooɗon.”

Esaaya 14:20

A hawtataa bee laamiiɓe woɗɓe nder yenaande, ngam a wonni lesdi ma, a mbari yimɓe ma. Danygol halluɓe ewnataake haa abada.

Esaaya 29:19

Yaŋkiniiɓe ceyorto Jawmiraawo bee seyo fantuŋgo, talaka'en caka yimɓe mbelmbeltan daliila Allah Ceniiɗo Isra'iila.

Esaaya 3:8

Fakat Urusaliima yani, Yahuuda do'ake. Ɓe ɗon ndartano Jawmiraawo bee bolle e kuuɗe maɓɓe, ɓe tuurtani tedduŋgal maako.

Esaaya 30:1

Jawmiraawo wi'i: “Bone laatanto Yahuudu'en tuurtuɓe dow am! Ɓe kooci anniyaaji ɗi iwaay haa am, ɓe kaɓɓi alkawal luutŋgal Ruuhu am, haa ɓe mbaaga hakke dow hakke.

Esaaya 30:15

Ndaa nii Allah Jawmiraawo, Ceniiɗo Isra'iila wi'i: “On keɓan kisndam to on tuubi, on ciwtake. On keɓan semmbe to on nde'i, on kooli yam, ammaa on ngiɗaa.

Esaaya 30:9

Ngam ɓe yimɓe tuurtooɓe, ɓe ɓiɓɓe fewooɓe, saliiɓe nanugo ekkitinol Jawmiraawo.

Esaaya 31:2

Ammaa kaŋko o hikmaajo, o waawan nelugo sarru, o hoositittaa bolle maako. O ummanto halluɓe, huuwanɓe zunuuba e wallooɓe ɓe fuu.

Esaaya 37:23

Moy njancuɗa? Moy mbolwanɗa kalluka, dow moy ɓaŋgtuɗa sawtu? A ɓaŋgti gite ma dow Ceniiɗo Isra'iila.

Esaaya 41:14

Jawmiraawo wi'i: “Taa hul, an ngilŋgel Yaakubu! An peetum Isra'iila, mi yiidete! Min Ceniiɗo Isra'iila, mi coottoowo ma.

Esaaya 41:16

A jaartan ɗe, haa henndu wifa ɗe, henndu saatundu saŋkita ɗe. Ammaa an a seyorto Jawmiraawo, a jurorto Ceniiɗo Isra'iila.

Esaaya 41:20

ngam haa ɓe ngi'a ɓe annda, ɓe ndaara, ɓe paama ɓe fuu, min Jawmiraawo waɗi ɗum, min Allah Ceniiɗo Isra'iila tagi ɗum.”

Esaaya 5:19

Ɓe ɗon mbi'a: “Sey Jawmiraawo yaawɗo, o yaawna kuugal maako, haa min ngi'a ngal. Sey Ceniiɗo Isra'iila timmina ko o nufi, ngam min annda ɗum!”

Esaaya 5:24

Ngam maajum, bana ɗemŋgal yiite wulirta calwaaje, bana huɗo yoorko jinnirta nder yiite, bana non ɗaɗol maɓɓe nyolan, pinndi maɓɓe caŋkititto bana sollaare. Ngam ɓe cali ɗowtanaago tawreeta Jawmiraawo honooɓe asama, ɓe njawi wolde Ceniiɗo Isra'iila.

Esaaya 57:17

Mi tikkani ɓe, mi fiyi ɓe ngam aybe maɓɓe, ngam ɓe cuunaama riba kalluka. Mi suuɗi nder ɓernuki am. Kamɓe ɓe tuurti, ɓe tokki laawol ngol ɓerɗe maɓɓe ngiɗi.

Esaaya 58:2

Ɓe ɗon ƴama muuyo am nde weeti fuu, ɓe ɗon ɗaɓɓa anndugo laabi am. Ɓe ɗon bana ummaatoore waɗannde koo ɗume fodde adilaaku, nde accaay gooŋga Allah maare boo. Ɓe ɗon ƴamammi kiitaaji gooŋɗuɗi, ɓe ngiɗi mi ɓadito ɓe.”

Esaaya 65:11

Ammaa onon accanɓe Jawmiraawo, yejjitanɓe hooseere am seniinde, taaskitantooɓe Gada nyaamdu, hebbinanɓe jardugel Meni bee njaram njillaaɗam,

Esaaya 65:3

Foroy yimɓe ummaatoore nde'e ɗon mettinammi. Ɓe ɗon lii'ano labbi kirseteeɗi nder jarne, ɓe ɗon ngula uurle dow birikje.

Esaaya 9:17

Halleende wulan bana yiite wulanŋge gi'e e giŋngille, nge jamnan laynde sukkunde, haa nge ummina cuurɗe bana daŋraŋgal.

Yeremiya 15:6

Onon on ngudini yam, on ngaylitani yam ɓaawe mooɗon. Ngam maajum portanmi juŋngo am dow mooɗon ngam halkugo on. Mi somi yurmingo on.

Yeremiya 2:13

“Ngam ummaatoore am waɗi aybe cowi ɗiɗi: Min mo seeɓoore ngeendam, ɓe acci yam ɓe ngasi gaawi ceekɗi ɗi njogataako ndiyam ngam ko'e maɓɓe.

Yeremiya 2:17

Ɗum fuu ɗum laatani on ngam on acci Jawmiraawo, Allah mooɗon yaake o ɗonno ɗowa on.

Yeremiya 2:19

Halleende mooɗon, kayre ɓoccata on, tuurtol mooɗon boo ɗon do'a on kiita! On acci yam, min Jawmiraawo, Allah mooɗon, on acci hulugo yam. Annde, paame no ɗum halliri masin!”, non Jawmiraawo Allah honooɓe asama wi'i.

Yeremiya 2:31

Onon yidere nde'e, kakkilane wolde Jawmiraawo! Kadi mi laatanake Isra'iila ladde malla lesdi nyiɓre ɓaleere na? Koni ummaatoore am ɗon wi'a: Min njahan haa min ngiɗi fuu, min lortataako haa maaɗa?

Yeremiya 2:33

Kayya, on anndi ɗaɓɓititgo yiɗɓe on! Ngam maajum on mboowi waɗugo zunuubaaji.

Yeremiya 2:5

Ndaa nii Jawmiraawo wi'i: “Aybewol ngole kaakiraaɓe mon tawi haa am haa ɓe ndaayti yam? Ɓe tokki meereejum, bana non ɓe laati kamɓe boo meere'en.

Yeremiya 32:32

ngam yimɓe Isra'iila e Yahuuda fuu, kamɓe e laamiiɓe maɓɓe e ardiiɓe maɓɓe e liman'en maɓɓe e annabi'en maɓɓe e yimɓe Yahuuda e jooɗiiɓe haa Urusaliima fuu, ɓe tikkini yam bee halleende maɓɓe.

Yeremiya 50:29

Umre fiɗooɓe kuri ɓe ngara haa Baabila, ewne annduɓe haɓre bee lagaawal fuu. Taare berniwol, taa goɗɗo daɗa. Mbaɗe ngol fodde kuuɗe maagol fuu. Mbaɗe ngol bana ngol waari woɗɓe, ngam ngol ƴaggi dow Jawmiraawo, dow Ceniiɗo Isra'iila.

Yeremiya 51:5

Min Allah Jawmiraawo honooɓe asama mi wudinaay Isra'iila e Yahuuda bana rewɓe yurumɓe koo nde lesdi maɓɓe heewi hakkeeji yeeso Ceniiɗo Isra'iila.

Yeremiya 7:19

Min ɓe mettinta ɓernde na? Kay, ɓe ɗon mettina ko'e maɓɓe, ɓe ɗon toskina ko'e maɓɓe.

Yeremiya 7:26

Ammaa on nanaay, on kakkilaay. Ko'e mooɗon caati, on mbaɗi kalluɗum ko tulli kaakiraaɓe mooɗon.

Ezekiyel 14:5

Jaawaabu am naŋngan ɓerɗe Isra'iila'en, ngam ɓe fuu maɓɓe ɓe ndaayi yam ngam daliila labbi maɓɓe.

Ezekiyel 16:33

Rewɓe daakaare'en fuu keɓan caahuuji. Ammaa an a hokki caahuuji ma haa waaye'en ma fuu, a yoɓi ɓe haa ɓe ngara diga koo toy fuu ngam waɗugo daakaareeku bee maaɗa.

Ezekiyel 16:45

A ɓii debbo jawiiɗo gorum e ɓiyum'en. A deerɗu deerɗa'en yawiiɓe worɓe muuɗum'en e ɓikkoy muuɗum'en. Daada mon o Hetiijo, baaba mon boo o Amoriijo.

Daniyel 9:11

Isra'iila'en fuu ƴaɓɓi tawreeta ma, cali ɗowtanaago bolle ma. Min mbaɗi hakke dow maaɗa, ngam maajum naalooje e kunayeeje binndaaɗe nder tawreeta jaggiiɗo ma Muusa fuu ukkani min.

Sefaniya 1:6

Mi halkan loriiɓe, accuɓe yam, ngam ɓe ngiɗaa ɗakkotirgo bee am, ɓe ngiɗaa sarwaago yam sam.”

Limle 32:14

Jonta boo, yimɓe yidere hallunde nde'e ɗon mbaɗa bana baabiraaɓe maɓɓe, haa ɓe ɗuɗɗina tikkere Jawmiraawo dow Isra'iila!

Matta 11:28

Onon somɓe e roondiiɓe doŋgle tedduɗe fuu, ngare haa am, mi hokkan on siwtaare.

Matta 23:33

Onon boɗɗe, ɓiɓɓe poosokje! Noy on mbaawrata hisugo kiita jahannama?

Matta 3:7

Nde Yuhanna yi'i Farisa'en e Saduki'en ɗuuɗɓe ɗon ngara haa maako ngam o waɗana ɓe baptisma, o wi'i ɓe: “Ɓiɓɓe poosokje, moy wi'i on on kisan tikkere Allah warannde?

Roma'en 8:7

Tokkiiɗo suunooji mum o konneejo Allah, ngam hakkiilo maako ɗowtantaako umroore Allah ngam ngo waawataa.

1 Korintu'en 10:22

Malla en ngiɗi ummingo kaajal Jawmiraawo na? En ɓuran mo semmbe na?

Tooktaaki Tawreeta 29:25

Ɓe njehi ɓe njaggani ɗowanteeɓe woɗɓe, ɓe cujidani ɓe. Naane ɓe anndaano ɗowanteeɓe man, Jawmiraawo boo haɗi ɓe sujidango ɓe.

Tooktaaki Tawreeta 31:16

Nden Jawmiraawo wi'i Muusa: “A maayan bana kaakiraaɓe ma. Ɓaawo maayde ma, ummaatoore nde'e tuurtan, nde ɗakkotiran bee ɗowanteeɓe jananɓe nder lesdi ndi nde nastata, nde wudintam, nde yewan alkawal ngal kaɓɓumi bee maare.

Tooktaaki Tawreeta 32:19

Jawmiraawo laari o jawaaɗo ngam ɓikkoy maako ngorkoy e ndehoy tikkini mo.

Tooktaaki Tawreeta 32:5

Ammaa onon on ummaatoore faasikiire e hallunde, on mbonnake! On cemtini ko'e mon, on laataaki ɓikkoy maako fahin!

Kolossi'en 1:24

Jonta mi ɗon seyoro boneeji am ngam mooɗon. Mi ɗon cikina nder ɓanndu am ko ŋakki haa boneeji ɗi Almasiihu yari ngam ɓanndu muuɗum, waato jama'aare nuɗɗinɓe.

Wahayu Yuhanna 18:5

Ngam hakkeeji maagol ɗuuɗi, ɗon mbaagi haa njotti asama, Allah boo yejjitaay kuuɗe maagol kalluɗe.

Alkaali'en 10:10

Ɓe tori Jawmiraawo ballal, ɓe mbi'i: “Min mbaɗi hakke, yaa Allah amin, ngam min ngudini ma, min ndewi Ba'alji.”