Esaaya 1:11 - Fulfulde Bible

¹¹ Jawmiraawo wi'i: “Ko yaali yam bee ɗuuɗeeŋga kirsaaɗi mon? Mi safti jawɗi gulaaɗi e ɓellere nyalbi. Mi seyortaako ƴiiƴam ga'i kalhali e baali e jawɗi be'i.

Fulfulde DC Bible

¹¹ Jawmiraawo wi'i: “Ko yaali yam bee ɗuuɗeeŋga kirsaaɗi mon? Mi safti jawɗi gulaaɗi e ɓellere nyalbi. Mi seyortaako ƴiiƴam ga'i kalhali e baali e jawɗi be'i.

Esaaya 1:11 Iomraidhean Croise

Jabuura 40:6

Yaa Jawmiraawo Allah am, a ɗuɗɗinani min kaayeefiiji ma e nufayeeje ma booɗɗe! Walaa nannduɗo bee ma. Mi yiɗi yeccugo ɗum e wooynugo ɗum, ammaa mi waawataa yeccugo ɗum fuu, ngam ɗi ɗuuɗɗi masin.

Jabuura 50:8

Mi felataa ma ngam kirseteeɗi maaɗa e guleteeɗi ma ɗi lii'antoɗa yam tum.

Jabuura 51:16

Yaa Allah, Allah Kisnoowo yam, hisnam ngam mi rufi ƴiiƴam! Min boo mi maŋgtete bee hoolo seyo ngam adilaaku ma!

Balndi 15:8

Kirseteeɗi halluɓe laati nyidduɗi haa Jawmiraawo, ammaa tornde gooŋga'en fottani mo.

Balndi 21:27

Kirseteeŋga kalluɗo woni nyidduɗum, sakkomaa nde o lii'oto nga bee anniya kalluka.

Balndi 21:3

Waɗugo adilaaku e pottuɗum ɓuri fottango Jawmiraawo dow kirseteeɗi.

Esaaya 58:2

Ɓe ɗon ƴama muuyo am nde weeti fuu, ɓe ɗon ɗaɓɓa anndugo laabi am. Ɓe ɗon bana ummaatoore waɗannde koo ɗume fodde adilaaku, nde accaay gooŋga Allah maare boo. Ɓe ɗon ƴamammi kiitaaji gooŋɗuɗi, ɓe ngiɗi mi ɓadito ɓe.”

Esaaya 66:3

Mo hirsi ngaari, mbari neɗɗo boo. Mo hirsi mbaalu, yewi rawaandu daande boo. Mo waddi dokkal, lii'i boo ƴiiƴam gaduuji. Mo wuli uurle ngam am, sujidani boo lawru. Kamɓe ɓe cuɓi laabi maɓɓe, ɓerɗe maɓɓe ɗon ceyoro kuuje maɓɓe nyidduɗe ɗe'e.

Yeremiya 6:20

Mi ɗaɓɓataa uurdi lesdi Seba, koo ƴommbe uurɗe ɗe lesdi ndaayiindi. Guleteeɗi mooɗon pottantaa yam, kirseteeɗi mooɗon pottantaa yam.

Yeremiya 7:21

Ɓesde kirseteeɗi mooɗon, guleteeɗi mooɗon, nyaame kusel maaji.” Non Jawmiraawo honooɓe asama, Allah Isra'iila wi'i.

Hose'a 6:6

Ngam mbooɗeeŋga ngiɗmi, naa kirseteeɗi. Anndal Allah ngiɗmi, naa guleteeɗi.

Hose'a 8:13

Ɓe lii'ani yam dokke kirseteeɗi ngam haa ɓe nyaama kusel man, ammaa min Jawmiraawo mi yerdataako ɓe. Jonta ciftoranmi aybeeji maɓɓe, mi hiitoto hakkeeji maɓɓe. Ɓe loroto haa Misra!

Amos 4:5

Ngule tamseeje ufnaaɗe ngam dokkal yettoore. Ngooyne umroore haa koo moy wadda dokkal caahiiŋgal. Ngam irin ɗu'um ngiɗɗon waɗugo, naa bana nii na, onon Isra'iila'en?”

Amos 5:21

Jawmiraawo wi'i: “Mi ɗon wanya juulɗe mooɗon, mi wudini ɗe. Mi seyortaako mooɓorle mooɗon.

Amos 5:22

To on lii'anake yam guleteeɗi e dokke nyaamdu, mi yerdataako ɗum. Mi yiɗaa yi'ugo ga'i payɗi ɗi on lii'anto yam kirseteeɗi ngam kawtal mooɗon bee am.

Mika 6:7

Jawmiraawo yerdoto jawɗi baali ujineere koo maahoy nebbam ujine sappo na? Mi hokka mo afo am, danygol ɓanndu am ngam yoɓugo tuurtol am e hakke yoŋki am na?

Haggay 2:14

Nden Haggay wi'i: “Jawmiraawo wi'i: Bana non yimɓe ummaatoore nde'e laatori yeeso am, bana non kuugal juuɗe maɓɓe fuu wa'i. Ko ɓe lii'anto yam ton fuu, soɓi.

Zekariya 7:5

“Yeccu yimɓe lesdi e liman'en fuu: Saa'i on cuumi, on mboyi nder lewru jowaɓru e nder lewru joweeɗiɗaɓru, duuɓi cappanɗe joweeɗiɗi, bee gooŋga cuumɗon ngam am na?

Malakiya 1:10

“Ayye! Ɓuranno to gooto mon maɓɓi dammuɗe haykaliiru, ngam taa on kuɓɓa yiite meere dow hirsirde am! Mi seyoraaki on sam, mi jaɓataa dokkal diga juuɗe mooɗon. Non Jawmiraawo honooɓe asama wi'i.

Matta 22:4

Fahin o neli suka'en feere bee umroore bana ni'i: Mbi'e ewnaaɓe: Ga'i am e nyalbi am payɗi kirsaama, nyaamdu defaama jonta, kuuje fuu taaskitinaama, ngare haa juulde ɓaŋgal.

Matta 9:13

Ndille, ekkite ko saawi nder bolle ɗe'e: Enɗam ngiɗmi, naa dabbaaji kirsaaɗi. Mi waraay ewnaago adili'en, ammaa hakke'en.”

1 Samuyila 15:22

Ammaa Samuyila wi'i: “Ɗume ɓuri fottango Jawmiraawo, guleteeɗi e kirseteeɗi na malla to goɗɗo ɗowtanake umroore maako? Fakat, ɗowtaare ma ɓuran seynugo mo dow kirseteeɗi jawɗi payɗi fuu.