Efesu'en 6:10 - Fulfulde Bible

¹⁰ Ndaa ko lutti wi'eego: Cemmbiɗe tum nder kawtal mon bee Jawmiraawo bee baawɗe maako mawɗe.

Fulfulde DC Bible

¹⁰ Ndaa ko lutti wi'eego: Cemmbiɗe tum nder kawtal mon bee Jawmiraawo bee baawɗe maako mawɗe.

Efesu'en 6:10 Iomraidhean Croise

1 Habaruuji Nyalaaɗe 28:10

Hakkil jonta, ngam Jawmiraawo suɓi ma nyiɓana ɗum haykaliiru seniindu. Sey a semmbiɗa, a naŋnga kuugal.”

1 Habaruuji Nyalaaɗe 28:20

Nden Daawuda wi'i ɓiyum Suleymaanu: “Sey a semmbiɗa, a laato cuusɗo, a naŋnga kuugal. Taa hul, taa tampu sam, ngam Allah Jawmiraawo, Allah am wondan bee maaɗa. O accataa ma, o wudintaa ma, haa kuugal nder haykaliiru Jawmiraawo fuu timma.

2 Habaruuji Nyalaaɗe 15:7

Kadi onon jonta, cemmbiɗe, taa juuɗe mon tampa, ngam mbarjaari kuugal mon ɗon.”

Jabuura 138:3

Saa'i mi ewni ma, a jaabi yam, a semmbiɗini yoŋki am masin.

Esaaya 40:28

On anndaa ɗum na? On nanaay ɗum na? Jawmiraawo, Allah duumiiɗo tagi keeri duniyaaru. O somataa, o tampataa, hakkiilo maako heɓtataake.

Esaaya 40:31

Ammaa hoolotooɓe Jawmiraawo, semmbe muuɗum'en hesɗitan, ɓe piiran bana dute. Ɓe ndoggan, ammaa ɓe tampataa. Ɓe njahan, ammaa ɓe comataa.

Haggay 2:4

Jawmiraawo wi'i: An Zorobaabila, sey a semmbiɗa jonta. An boo, Yosuwa ɓii Yocadak hooreejo liman'en, sey a semmbiɗa. Onon yimɓe lesdi fuu, sey on cemmbiɗa. Jawmiraawo honooɓe asama wi'i: Kuuwe, ngam mi ɗon wondi bee mooɗon,

Zekariya 8:13

Onon yimɓe Yahuuda e Isra'iila, bana no on laatorino alaama naaloore caka ummaatooje, bana non on laatorto alaama barka, ngam mi hisnan on. Taa kultore, ammaa cemmbiɗine juuɗe mooɗon!”

Zekariya 8:9

Jawmiraawo honooɓe asama wi'i: “Cemmbiɗine juuɗe mooɗon, onon nanɓe bolle ɗe'e haa kunnduɗe annabi'en nder saa'iire nde'e, nder nyalaade nde ɓe mballini caɓɓaaje ngam nyiɓtaago haykaliiru am.

1 Korintu'en 16:13

Ayne! Tabite nder nuɗɗinki! Tiɗɗine ɓerɗe mooɗon! Laate on semmbiɗɓe!

2 Korintu'en 13:11

Deerɗiraaɓe, njooɗe nder seyo! Tiine haa on laato timmuɓe! Tiɗɗindire! Njooɗode bee narral! Ngeeɗe nder jam! Nden kam Allah, dokkoowo en yiide e salaaman wondan bee mooɗon.

Efesu'en 1:19

On paama boo baawɗe maako ɓurɗe mawnugo ɗe o huuwrata heedi meeɗen, enen nuɗɗinɓe fodde semmbe maako mawnde.

Efesu'en 3:16

Mi ɗon toro Allah fodde jeynitaare tedduŋgal mum, haa o semmbiɗina ɓerɗe mooɗon bee baawɗe Ruuhu maako,

Tooktaaki Tawreeta 31:23

Nden Jawmiraawo umri Yosuwa ɓii Nuuna, o wi'i: “Semmbiɗa, suusɗin ɓernde ma! Ngam an yahrata Isra'iila'en nder lesdi ndi kuniimi hokkugo ɓe. Min boo mi wondan bee maaɗa.”

Filippi'en 3:1

Deerɗam'en, ko lutti wi'eego: Ceye daliila Jawmiraawo. Winndango on haala ka'a fahin saklataa yam, ammaa ɗum tabitinan on.

Filippi'en 4:13

Mi waawi waɗugo ɗu'um fuu, ngam Almasiihu ɗon semmbiɗinammi.

Filippi'en 4:8

Deerɗam'en, ndaa ko lutti wi'eego: Ko gooŋɗi fuu, ko haandi samɗineego fuu, ko laati adiliijum fuu, ko laaɓi fuu, ko he'i yiɗeego fuu, ko he'i teddineego fuu, ko fotti fuu e ko he'i maŋgteego fuu, kakkilane ɗum.

Kolossi'en 1:11

nde Allah ɗon semmbiɗina on bee semmbe mum fuu fodde baawɗe mum tedduɗe, haa on tiina e on munyana koo ɗume fuu bee seyo,

2 Timote 2:1

An kam, ɓiŋngel am, semmbiɗiɗ nder mo'ere nde keɓɗen haa Yeesu Almasiihu.

2 Timote 4:17

Ammaa Jawmiraawo wondi bee am, semmbiɗini yam, ngam haa mi timmitina kuugal waazu am, ummaatooje fuu nana ngu. Kaŋko o hisni yam hunnduko mbarooga.

Yosuwa 1:9

Naa mi umri ma na? Sey a semmbiɗa, a laato cuusɗo. Taa hul, taa diwtora sam, ngam min, Allah Jawmiraawo maaɗa mi ɗon wondi bee maaɗa haa njahata fuu.”

1 Piyer 3:8

Dow ko mi wolwi fuu, mi ɗon wi'a fahin: Sey on fuu on mara numo wooto, njurmindire, ngiɗindire bana deerɗiraaɓe, enɗindire, laate yaŋkiniiɓe.

1 Piyer 4:11

Mo waazata, sey o waazo wolde Allah. Mo huuwanta goɗɗo, sey o huuwana mo bee semmbe ɗe Allah hokkata mo. Nder ko en mbaɗata fuu, sey en teddina Allah bee Yeesu Almasiihu. Kaŋko mari tedduŋgal e baawɗe haa foroy! Aamiina.

1 Piyer 5:10

Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.

1 Yuhanna 2:14

Mi winndani on, onon ɓikkoy, ngam on anndi Baabiraawo. Mi winndani on, onon baabiraaɓe, ngam on anndi mo ɗon diga fuɗɗam. Mi winndani on, onon derke'en, ngam on semmbiɗɓe, wolde Allah ɗon tabiti nder mooɗon, on njaalake Kalluɗo.

1 Samuyila 23:16

Yonatan ɓii Sawulu yehi, tawi mo ton. O semmbiɗini hoolaare Daawuda bee Allah,