Efesu'en 4:4 - Fulfulde Bible

⁴ Woodi ɓanndu wooru e Ruuhu gooto non boo tammunde woore daliila ewnaandu ndu Allah ewnori on,

Fulfulde DC Bible

⁴ Woodi ɓanndu wooru e Ruuhu gooto non boo tammunde woore daliila ewnaandu ndu Allah ewnori on,

Efesu'en 4:4 Iomraidhean Croise

Jabuura 122:8

Ngam daliila deerɗiraaɓe e soobiraaɓe am mbi'anmi Urusaliima: “Salaaman dow maaɗa!

Yeremiya 14:8

An woni tammunde Isra'iila e kisnoowo mum diga ɓillaaje. Ngam ɗume laatiiɗa bana jananno nder lesdi, bana jahoowo baalanɗo jemmaare woore tan?

Yeremiya 17:7

Barka laatanto neɗɗo mo hooloto Jawmiraawo, mo tabitini hoolaare mum dow Jawmiraawo.

Matta 28:19

Ndille haa yimɓe ummaatooje fuu, mbaɗe ɓe pukara'en am, mbaɗane ɓe baptisma bee innde Baabiraawo e Ɓiɗɗo e Ruuhu Ceniiɗo.

Kuuɗe Nelaaɓe 15:11

Bana enen en nuɗɗini, en kisri bee mo'ere Jawmiraawo men Yeesu, non kamɓe boo ɓe kisri.”

Roma'en 11:29

Ngam Allah hoosititta dokke muuɗum, faasitittaa ewnaandu muuɗum.

1 Korintu'en 10:17

Woodi tamseere woore tan. Ngam maajum, koo to en ɗuuɗɓe, en laati ɓanndu wooru, ngam en fuu en ɗon kawta nyaamugo tamseere woore.

1 Korintu'en 12:20

Ngam maajum kadi woodi terɗe ɗuuɗɗe, ammaa ɓanndu kam wooru tan.

2 Korintu'en 11:4

Ngam to goɗɗo wari waazini on Yeesu feere mo min ngaazinaay malla haa njaɓon ruuhu ngu laataaki Ruuhu Ceniiɗo mo on njaɓi malla kubaruwol ngol laataaki Linjiila ka on njaɓi, on munyanan mo bee koyɗum.

Efesu'en 1:18

Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Efesu'en 2:16

o sulhindira asliiji ɗiɗi ɗi'i bee Allah, nder ɓanndu wooru bee maayde maako dow leggal gaafaaŋgal, o itta konnaagu.

Efesu'en 2:18

Ngam daliila maako en fuu en keɓi laawol yottaago Baabiraawo nder Ruuhu gooto.

Efesu'en 2:22

Nder kawtal bee maako onon boo on ɗon mahe hawtaade bee maɓɓe ngam haa nyiɓaalo ngo'o laato jooɗorde nde Ruuhu Allah jooɗoto haa muuɗum.

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 5:30

ngam enen en terɗe ɓanndu maako.

Kolossi'en 1:5

daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Kolossi'en 3:15

Almasiihu ewni on nder salaaman haa on laato ɓanndu wooru. Salaama ka laamo nder ɓerɗe mooɗon. Ngette mo tum.

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

1 Timote 1:1

Min Pol nelaaɗo Yeesu Almasiihu fodde umroore Allah, Kisnoowo men e Yeesu Almasiihu, laatiiɗo tammunde meeɗen,

Titus 1:2

bee tammunde ngeendam nduumiiɗam, mi ɗon winndane Titus, ɓiŋngel am nder nuɗɗinki kawtuki en: Allah Baabiraawo e Yeesu Almasiihu, Kisnoowo men ndokke mo'ere e salaaman. Diga zamanuuji ɓooymaaji Allah mo fewataa iini hokkugo en ngeendam ɗa'am. Nder saa'iire ta'aande boo, Allah Kisnoowo meeɗen waŋgini wolde muuɗum, halfini yam kuugal waazaago nde fodde umroore muuɗum.

Titus 2:13

En ɗon ndeena nyalaade barkiɗinaande nde tammuɗen. Nyalaade nde'e, Yeesu Almasiihu, waato Allah meeɗen Mawɗo, Kisnoowo, waŋgan nder tedduŋgal muuɗum.

Titus 3:7

ngam haa laatooɗen ronooɓe ngeendam nduumiiɗam ɗam tammuɗen, nde nii Almasiihu adilini en bee mo'ere mum.

1 Piyer 1:21

Ngam barka maako on nuɗɗini Allah mo ummitini mo diga maayde, teddini mo. Bana non nuɗɗinki mooɗon e tammunde mooɗon haa Allah tabitirta.

1 Yuhanna 3:3

Koo moy tammake ɗum, laɓɓinan hoore mum bana Yeesu Almasiihu o laaɓɗo.