Efesu'en 4:21 - Fulfulde Bible

²¹ Ɗum Yeesu nanɗon e ɗum ekkitinol maako njaɓɗon, ngam gooŋga ɗon haa maako:

Fulfulde DC Bible

²¹ Ɗum Yeesu nanɗon e ɗum ekkitinol maako njaɓɗon, ngam gooŋga ɗon haa maako:

Efesu'en 4:21 Iomraidhean Croise

Jabuura 45:4

Wakka kaafahi ma, an, konoowo cuusɗo, marɗo maŋngu e daraja.

Matta 17:5

Nde o ɗon wolwa tawon, ndaa ruuldere ɗelkannde wari, suddi ɓe, sawtu iwi haa ruulde man, wi'i: “Oo woni Ɓiɗɗo am giɗaaɗo, mi ɗon seyoro ɗum. Nanane mo.”

Luka 10:16

Yeesu wi'i pukara'en muuɗum: “Nananɗo on, nanani yam, caliiɗo on, salake yam, caliiɗo yam boo, salake nelɗo yam.”

Yuhanna 1:17

Tawreeta hokkaama bee juŋngo Muusa, ammaa mo'ere e gooŋga mbaŋgi bee Yeesu Almasiihu.

Yuhanna 10:27

Baali am ɗon nana sawtu am, mi anndi ɗi, ɗi ɗon tokko yam.

Yuhanna 14:17

Ɗum Ruuhu mo gooŋga, duniyaaru waawataa heɓugo mo, ngam ndu waawataa yi'ugo mo, ndu anndataa mo boo. Ammaa onon on anndi mo, ngam o ɗon wondi bee mooɗon, o jooɗoto nder mooɗon boo.

Yuhanna 14:6

Yeesu wi'i mo: “Min woni laawol e gooŋga e ngeendam. Walaa mo yahata haa Baabiraawo, sey bee am.

Roma'en 10:14

Ammaa noy ɓe ewnorto mo to ɓe nuɗɗinaay kubaruwol kisndam? Noy ɓe nuɗɗinirta ngol to ɓe meeɗaay nanugo ngol? Noy ɓe keɓrata nanugo ngol to gaazoowo ngol woodaa?

2 Korintu'en 1:20

Ngam kaŋko woni ooho mo tabitini ko Allah iini fuu. Ngam daliila maako boo mbi'eten “aamiina” ngam teddingo Allah.

2 Korintu'en 11:10

Bee gooŋga Almasiihu ngonka nder ɓernde am mbi'anmi on: Walaa koo gooto nder lesɗe Akaya haɗatammi juro am ngo'o.

Efesu'en 1:13

Non boo on nani wolde gooŋga, waato Linjiila kisndam mon, on nuɗɗini mo, Allah boo waɗi on lammba Ruuhu Ceniiɗo mum mo o iinani on.

Efesu'en 2:17

O wari waazingo kubaruwol belŋgol, ngol salaaman haa mooɗon, onon daayiiɓe e ɓadiiɓe fuu.

Kolossi'en 1:5

daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Kolossi'en 1:6

Kubaruwol ngo'ol yottake haa mooɗon. Ngol ɗon waŋgina nafuuda e ɗon yaaja haa duniyaaru fuu, bana non boo ɗum laati haa mooɗon diga nyannde on nani kubaruwol gooŋga, on paami mo'ere Allah.

Kolossi'en 2:7

Tabite nder maako bana no lekki darorto nder lesdi bee ɗaɗi maaki, ndarne yoŋkiiji mooɗon dow maako, cemmbiɗine nuɗɗinki mon fodde ekkitinol ngol keɓɗon, ngette Allah bee gettooje ɗuuɗɗe.

1 Yuhanna 5:20

En anndi boo Ɓiɗɗo Allah wari, hokki en faamu ngam anndugo Allah gooŋgaajo. En ɗon nder kawtal bee Allah gooŋgaajo e bee Ɓiɗɗo mum Yeesu Almasiihu. Kaŋko woni Allah gooŋgaajo e ngeendam nduumiiɗam.