Efesu'en 3:1 - Fulfulde Bible

¹ Ngam man min Pol, kaɓɓaaɗo daliila Almasiihu Yeesu ngam mooɗon, onon yimɓe ummaatooje goɗɗe …

Fulfulde DC Bible

¹ Ngam man min Pol, kaɓɓaaɗo daliila Almasiihu Yeesu ngam mooɗon, onon yimɓe ummaatooje goɗɗe …

Efesu'en 3:1 Iomraidhean Croise

Luka 21:12

Ammaa hiddeko ɗum laato, ɓe naŋngan on, ɓe toonyan on, ɓe njahran on haa cuuɗi dewal maɓɓe, ɓe nastinan on fursina, ɓe njahran on yeeso laamiiɓe e yeeso mawɓe lesdi ngam daliila innde am.

Kuuɗe Nelaaɓe 21:33

Nden ardiiɗo dow sooje'en ujineere go ɓaditi Pol, naŋngi mo, umri ɓe kaɓɓa mo bee callalluuji ɗiɗi. Nden o ƴami: “Ɗum moye? Ɗume o waɗi?”

Kuuɗe Nelaaɓe 23:18

O yahri mo haa mawɗo maɓɓe man, o wi'i: “Pol kaɓɓaaɗo, ewni yam, o wi'i yam mi wadda suka oo haa maaɗa, ngam woodi ko o yiɗi yeccugo ma.”

Kuuɗe Nelaaɓe 26:29

Pol jaabi: “Mi ɗon toro Allah naa ngam maaɗa tan ammaa ngam nananɓe yam hannde fuu, haa on laato bana am, ammaa bilaa callalluuji ɗi'i! Ɗum laato nder jaawɗum malla nder nyalɗe garanɗe.”

Kuuɗe Nelaaɓe 9:15

Jawmiraawo wi'i mo: “Yah, ngam mi suɓi mo, mi laatini mo kuuwanoowo yam haa o waŋgina innde am haa ummaatooje e laamiiɓe e haa Isra'iila'en.

2 Korintu'en 1:6

To min ɗon njara bone, ɗum laatoto ngam haa on nde'ita, on kisa. To Allah de'itini min boo, ɗum laatoto ngam on cemmbiɗa, on munyana irin boneeji ɗi min njarata.

2 Korintu'en 10:1

Min Pol, mi ɗon toro on barka yaŋkinaare Almasiihu e mbooɗeeŋga muuɗum – Woɗɓe ɗon mbi'a mi leesɗo saa'i mi ɗon wondi bee mooɗon, ammaa mi caatuɗo dow mooɗon saa'i mi daayiiɗo!

2 Korintu'en 11:23

Ɓe huuwanooɓe Almasiihu na? Sey mi wolwa bana mi ginnaaɗo: Mi ɓuri ɓe. Mi ɓuri ɓe huuwugo piw: Mi ɓuri ɓe nastineego nder cuuɗi fursina. Mi ɓuri ɓe ɓocceego. Mi ɓuri ɓe nastugo joote maayde.

Galaatiya'en 5:11

Deerɗam'en, to mi tokkitinno waazingo nafuuda juulnol haa jonta, nden kam ɓe toonyataakono yam e haala gaafaaŋgal Almasiihu boo laatataakono daliila fergere!

Galaatiya'en 5:2

Naneeɗam! Min Pol ko mbi'anmi on: To on njaɓi juulnaago, nden kam Almasiihu nafataa on sam.

Galaatiya'en 5:24

Koo moy laati goɗɗo Almasiihu Yeesu, tiggi ɓanndu mum bee giɗaaɗi e suunooji maaru haa gaafaaŋgal.

Efesu'en 3:11

Allah waɗi ɗum fodde nufayeere nde o nufino diga ɓooyma, o timminira nde bee Almasiihu Yeesu, Jawmiraawo meeɗen.

Efesu'en 3:13

Ngam maajum mi ɗon toro on, taa on tampa ngam daliila boneeji ɗi mi ɗon yara ngam mooɗon, kanji ngoni tedduŋgal mon.

Efesu'en 3:8

min laatiiɗo ɓaawoojo ɓaawo'en caka senaaɓe fuu. Ammaa Allah mo'ani yam, halfini yam waazu Linjiila haa ummaatooje, haa mi anndina ɗe jeynitaare Almasiihu ɗuuɗnde nde heɓtataake sam,

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 6:20

Koo mi kaɓɓaaɗo nder fursina jonta, mi wakiiliijo Linjiila. Ndo'aneeɗam haa mi waazina ka bee dartaare bana no ɗum haandani yam.

Filippi'en 1:7

Ɗum pottuɗum mi ɗon numana on bana nii, ngam mi yiɗi on masin. On fuu on kawti bee am nder kuugal ngal Allah mo'ani yam saa'i mi kaɓɓaaɗo nder fursina, saa'i mi seedani Linjiila yeeso kiita e mi tabitini ka.

Kolossi'en 1:24

Jonta mi ɗon seyoro boneeji am ngam mooɗon. Mi ɗon cikina nder ɓanndu am ko ŋakki haa boneeji ɗi Almasiihu yari ngam ɓanndu muuɗum, waato jama'aare nuɗɗinɓe.

Kolossi'en 4:18

Koofŋgol ngo'ol min Pol winndi ngol bee juŋngo am. Taa ngejjite mi kaɓɓaaɗo bee callallu! Mo'ere Allah wonda bee mooɗon.

Kolossi'en 4:3

Toraneeɗam min boo, ngam haa Allah maɓɓitanammi laawol waazugo wolde muuɗum, haa mi waŋgina sirri Almasiihu. Ngam daliila sirri man mi ɗon haa fursina.

2 Timote 1:16

Jawmiraawo hinno saare Onesiforus, ngam o suusɗini yam nde ɗuuɗɗum. O semtiraay yam, koo nde mi kaɓɓaaɗo nder fursina.

2 Timote 1:8

Ngam maajum, taa semtu seedanaago Jawmiraawo men, taa semtu boo daliila am, min kaɓɓaaɗo ngam daliila maako. Ammaa munyan bone bana am ngam daliila Linjiila, bee baawɗe ɗe Allah hokki ma.

Filemon 1:1

Min Pol, kaɓɓaaɗo ngam daliila Yeesu Almasiihu e Timote, deerɗiraawo men, yahugo haa Filemon, giɗaaɗo e kuuwdiɗɗiraawo amin

Filemon 1:23

Epafras gonduɗo bee am nder fursina ngam daliila Yeesu Almasiihu hoofni ma.

Filemon 1:9

ammaa ngam daliila yiide mi ɗon toro ma, min Pol, ndottiijo, jonta boo mi kaɓɓaaɗo ngam Yeesu Almasiihu:

Wahayu Yuhanna 2:10

Taa hul torraaji ɗi a tammi torreego! Ndaa, Sayɗaanu jarriboto on bee nastingo woɗɓe mooɗon nder fursina. On torroto balɗe sappo. Jogita nuɗɗinki ma haa yotto maayde, nden kam mi warjoto ma woronnde ngeendam.