Efesu'en 2:10 - Fulfulde Bible

¹⁰ Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

Fulfulde DC Bible

¹⁰ Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

Efesu'en 2:10 Iomraidhean Croise

Jabuura 100:3

Annde, Jawmiraawo woni Allah, kaŋko tagi en, o mari en, en ummaatoore maako e tokkere maako.

Jabuura 119:3

Ɓe mbaɗataa halleende, ammaa ɓe tokkoto laabi maako.

Jabuura 138:8

A timminan haala am jam, yaa Jawmiraawo, mbooɗeeŋga ma ɗon tabiti haa foroy. Taa wudin tagaaɓe maaɗa!

Jabuura 51:10

Accu mi nana hoolo seyo e welwelo, haa mi maata seyo fahin, ɓaawo a hiiti yam kiita naawka.

Jabuura 81:13

Mi acci ɓe bee caatal ko'e maɓɓe, ɓe mbaɗa ko ɓerɗe maɓɓe nufi fuu.

Esaaya 19:25

Jawmiraawo barkiɗinan bee wi'go: “Barka laatanto Misra, ummaatoore am, Assuura, kuugal juuɗe am e Isra'iila, maral am.”

Esaaya 29:23

To ɓikkoy maɓɓe ngi'i kuugal juuɗe am caka maɓɓe, nden kam ɓe annditan min woni Allah Ceniiɗo mo Yaakubu, ɓe kulan Allah Isra'iila.

Esaaya 43:21

Ummaatoore nde mbaɗmi ɗum ngam hoore am anndinan maŋgtoore am.

Esaaya 43:7

Ɓe ewnaaɓe bee innde am, mi tagi ɓe ngam mawninki tedduŋgal am.”

Esaaya 44:21

Jawmiraawo wi'i: “Siftor ɗum, danygol Yaakubu, ummaatoore Isra'iila, ngam a suka am. Mi tagi ma haa laatoɗa suka am, mi yejjitittaa ma sam, Isra'iila.

Esaaya 60:21

Yimɓe ummaatoore ma fuu laatoto adili'en. Ɓe maran lesdi haa foroy. Min tiggi lisal man, mi waɗi kuugal nga'al ngam waŋgingo daraja am.

Esaaya 61:3

meetugo yimɓe Siyona jooɗiiɓe nder ndoondi, rufugo nebbam seyo haa pellel bojji, maŋgtooje haa pellel saklere. Ɓe ewneteeɓe Leɗɗe Adilaaku, ciraka Jawmiraawo ngam waŋgingo tedduŋgal maako.

Yeremiya 31:33

Ammaa to saa'i man wari, mi haɓɓan alkawal bee yimɓe Isra'iila bana ni'i: Mi nastinan tawreeta am nder hakkiilooji maɓɓe, mi winndan ka nder ɓerɗe maɓɓe. Min mi laatoto Allah maɓɓe, kamɓe boo ɓe laatoto ummaatoore am.

Matta 5:16

Sey annoora mooɗon yayna bana non yeeso yimɓe, ngam haa ɓe ndaara kuuɗe mooɗon booɗɗe, ɓe teddina Baabiraawo mooɗon mo asama.”

Yuhanna 3:21

Ammaa mo ɗon waɗa gooŋga, waran haa annoora, ngam haa ɗum waŋga no o ɗowtani Allah bee kuuɗe maako, kuuɗe maako kuuwaama bee yerduye Allah.”

Kuuɗe Nelaaɓe 9:31

Nden jama'aaje nuɗɗinɓe gonɗe haa lesɗe Yahudiya e Galiili e Samariya fuu njooɗi jam, bilaa torra. Ɗe mawni nder nuɗɗinki, ɗe ngeeɗi nder kulol Jawmiraawo. Bee ballal Ruuhu Ceniiɗo, limgal nuɗɗinɓe ɓesdi.

Kuuɗe Nelaaɓe 9:36

Nder wuro Joppe woodi debbo nuɗɗinɗo, innde maako Tabita bana wi'go Lelwa. O ɗonno huuwa kuuɗe booɗɗe ɗuuɗɗe, o ɗonno walla talaka'en.

Roma'en 8:1

Ngam maajum walaa kiita dow nuɗɗinɓe Yeesu Almasiihu jonta.

Roma'en 8:29

Ngam diga ɓooyma Allah anndi ɓe, suɓi ɓe ngam haa ɓe ngona bana Ɓiɗɗo maako, Almasiihu boo laato afo caka deerɗiraaɓe ɗuuɗɓe.

1 Korintu'en 3:9

Minin min huuwdiɗɗiraaɓe nder kuugal Allah, onon boo on ngesa Allah, on nyiɓaalo Allah.

2 Korintu'en 5:17

Ngam maajum to goɗɗo hawti bee Almasiihu, o laatake neɗɗo keso. Ko laatino ɓooyma saalake, koo ɗume fuu laatake kesum.

2 Korintu'en 5:5

Ɗum Allah bee hoore muuɗum tabitini en ngam ngeendam ɗa'am. O hokki en Ruuhu maako bana jeŋngina hayruuji ɗi o resani en.

2 Korintu'en 9:8

Allah waawan ɗuɗɗinango on mo'e fuu. On maran ko hiɓɓinta haaje mooɗon tum. Bana nii on keɓan huuwugo kuuɗe booɗɗe koo ɗeye,

Galaatiya'en 6:15

Ngam maajum juulnol malla saadooniiku fuu walaa saman. To goɗɗo laatake neɗɗo keso, kanjum tan mari saman.

Efesu'en 1:1

Min Pol, nelaaɗo Yeesu Almasiihu fodde muuyo Allah, mi ɗon winndana on, onon senaaɓe wonɓe haa Efesus e nuɗɗinɓe Yeesu Almasiihu:

Efesu'en 1:4

Diga o tagaayno duniyaaru tawon, o suɓi en nder Almasiihu haa en laato senaaɓe, ɓe ngalaa aybe yeeso maako nder yiide maako.

Efesu'en 2:13

ammaa jonta nder kawtal bee Yeesu Almasiihu, onon daayinooɓe bee Allah go, on ɓaditinaama daliila ƴiiƴam Almasiihu.

Efesu'en 2:15

O wili tawreeta bee umrooje mum e farillaaji mum, haa o hawta asliiji ɗiɗi ɗi'i, o laatina ɗi goɗɗo keso gooto nder maako, o tabitina salaaman,

Efesu'en 2:2

On ngeeɗino nder maaji fodde jahargal duniyaaru ndu'u e fodde ardiiɗo laamu ngonŋgu nder hawa. Koo jonta boo o ɗon huuwa nder tuurtuɓe dow umrooje Allah.

Efesu'en 2:6

Allah ummitini en hawtaade bee Almasiihu, jo'ini en hawtaade bee maako haa asamanji,

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 4:24

on ɓorno neɗɗo keso mo Allah tagi nder adilaaku e senaare gooŋga muuɗum.

Tooktaaki Tawreeta 32:6

Bana non ngettirton Allah na? Onon faataaɓe ɓe ngalaa hakkiilo! Naa kaŋko woni Baabiraawo mooɗon, tagɗo on, tabitinɗo on haa on laato ummaatoore?

Tooktaaki Tawreeta 5:33

Tokke laawol umrooje ɗe Jawmiraawo, Allah mooɗon umri on fuu ngam on ngeeɗa, on keɓa hayru, balɗe mon njuuta nder lesdi ndi maroton.”

Filippi'en 1:6

Mi anndi fakat, Allah puɗɗuɗo kuugal booɗŋgal nder mooɗon timminan ngal boo haa nyalaade nde Yeesu Almasiihu loroyto.

Filippi'en 2:13

ngam Allah bee hoore mum ɗon huuwa nder muuyo mon e nder kuuɗe mon fodde anniya mum mbooɗka.

Kolossi'en 1:10

Nden kam on mbaawan yeeɗugo ngeendam pottananɗam Jawmiraawo tum, kuuɗe mon booɗɗe fuu mbaŋginan nafuuda, on ɓesdoto anndugo Allah boo,

Kolossi'en 3:10

on ɓorni neɗɗo keso mo ɗon hesɗito fodde jaati tagoowo mo, haa o yotto anndal timmuŋgal.

2 Tessaloniiki'en 2:17

nde'itina ɓerɗe mooɗon, ndokka on semmbe waɗugo e wolwugo ko wooɗi.

1 Timote 2:10

ammaa bee kuuɗe booɗɗe, bana ko haandani rewɓe wi'anɓe ɓe hulɓe Allah.

1 Timote 5:10

to o anndaaɗo ngam kuuɗe maako booɗɗe, waato o mawnini ɓiyiiko'en booɗɗum, o weerni hoɗɓe, o looti kosɗe senaaɓe, o walli ɓilliiɓe, o tiini huuwugo kuuɗe booɗɗe koo ɗeye.

1 Timote 5:25

Bana non boo kuuɗe booɗɗe mbaŋgirta laaɓɗum. Koo to goɗɗe mbaŋgaay tawon boo, fakat ɗe cuuɗataake.

1 Timote 6:18

Umru ɓe ɓe kuuwa mbooɗeeŋga, kuuɗe booɗɗe laato risku maɓɓe, ɓe laato saahiiɓe, ɓe mballa woɗɓe bee jawdi maɓɓe.

2 Timote 2:21

To goɗɗo laɓɓini hoore mum diga kuuje kalluɗe ɗe mbi'mi, nden kam o laatoto kuuwruɗum marɗum saman, cenaaɗo, nafanɗo jawmiiko, taaskitinaaɗo ngam kuuɗe booɗɗe fuu.

2 Timote 3:17

ngam haa goɗɗo Allah laato taaskiiɗo timmuɗo ngam kuuɗe booɗɗe koo ɗeye.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Titus 2:7

An bee hoore ma laatana ɓe misaalu haa kuuɗe booɗɗe. Ekkitinol ma fuu daro dow gooŋga e ne'aare.

Titus 3:1

Siftinor nuɗɗinɓe ɓe leestana ardiiɓe e marɓe baawɗe, ɓe nanana ɓe, ɓe taaskano kuugal booɗŋgal koo ngale.

Titus 3:14

Yimɓe meeɗen, kamɓe boo sey ɓe ekkito tiinaago huuwugo kuuɗe booɗɗe, ɓe mballa ɓe to haajeeji juhanake ɓe, ngam haa ngeendam maɓɓe waŋgina nafuuda.

Titus 3:8

Kanjum woni wolde hoolniinde. Mi yiɗi a tabitina kuuje ɗe'e, ngam haa nuɗɗinɓe Allah tiino huuwugo kuuɗe booɗɗe. Kanjum ɗum wooɗi, ɗum nafan yimɓe.

Ibraniŋke'en 10:24

Sey koo moy meeɗen suklano deerɗum'en, tiɗɗina ɓe haa en mbaŋgina yiide, haa en kuuwa kuuɗe booɗɗe.

Ibraniŋke'en 13:21

Allah waawna on waɗugo ko wooɗi fuu ngam haa on mbaɗa muuyo maako. O waɗa nder meeɗen ko fottanta mo, o waɗa ɗum bee Yeesu Almasiihu. Tedduŋgal laatano Almasiihu haa abada abadin. Aamiina!

1 Piyer 2:12

Sey joonde mooɗon caka heefeerɓe wooɗa ngam koo to ɓe ngulli on bee wi'go on halluɓe, ɓe ndaara kuuɗe mooɗon booɗɗe, nden ɓe teddina Allah nyannde loraaki maako.

1 Yuhanna 1:7

Ammaa to en ɗon ngeeɗa nder annoora bana Allah bee hoore mum ɗon nder annoora, nden kam en ngoodi kawtal caka meeɗen e ƴiiƴam Yeesu, Ɓiɗɗo maako boo laɓɓinan en diga hakkeeji fuu.

1 Yuhanna 2:6

Bi'ɗo o ɗon nder kawtal bee Allah, sey o yeeɗa bana no Yeesu Almasiihu yeeɗiri.