Efesu'en 2:1 - Fulfulde Bible

¹ Naane kam on maayɓeno ngam daliila aybeeji e hakkeeji mon.

Fulfulde DC Bible

¹ Naane kam on maayɓeno ngam daliila aybeeji e hakkeeji mon.

Efesu'en 2:1 Iomraidhean Croise

Laataanooji 8:21

Nde Jawmiraawo maati uureeŋgol belŋgol, o wi'i nder ɓernde maako: “Mi meetataa naalugo lesdi fahin ngam daliila neɗɗo. Ngam anniyaaji ɓernde neɗɗo halli diga nderkaaku maako. Mi meetataa mbarugo marɗum yoŋki fuu bana mbaɗmi.

Matta 8:22

Yeesu jaabi mo: “Tokkam, accu maayɓe uwa maayɓe muuɗum'en.”

Luka 15:24

Ngam ɓiɗɗo am oo, o maayno, ammaa o yeeɗiti, o majjuno, ammaa o heɓtaama! Ɓe puɗɗi seyaago.

Luka 15:32

Haani ngaɗen juulde, en ceyo, ngam deerɗiraawo ma oo, o maayno, o yeeɗiti, o majjuno, o heɓtaama!”

Yuhanna 10:10

Gujjo ɗon wara ngam wujjugo e mbarugo e halkugo. Min mi wari ngam haa yimɓe keɓa ngeendam, ɓe keɓa ɗam bee feecaare.

Yuhanna 14:6

Yeesu wi'i mo: “Min woni laawol e gooŋga e ngeendam. Walaa mo yahata haa Baabiraawo, sey bee am.

Yuhanna 5:21

Bana Baabiraawo ɗon ummitina maayɓe, yeeɗitina ɓe, bana non Ɓiɗɗo boo hokkirta ngeendam haa mo o yiɗi fuu.

Yuhanna 5:25

Gooŋga mi wi'ata on: Saa'i waran, ɗum waɗi jonta maa, haa maayɓe nana sawtu Ɓiɗɗo Allah, nanɓe mo fuu ngeeɗan.

Roma'en 8:2

Ngam baawɗe Ruuhu ndokki yam ngeendam nder kawtal bee Yeesu Almasiihu. Ruuhu man rimɗini yam diga baawɗe hakke e maayde.

1 Korintu'en 15:45

Bana non deftere wi'i: “Aadamu, neɗɗo arano laati goɗɗo geeto.” Ammaa Aadamu ragareejo, waato Almasiihu, laati Ruuhu dokkoowo ngeendam.

2 Korintu'en 5:14

Ngam yiide Almasiihu ɗon laamano en. Ngam en anndi fakat to gooto maayi mbattudi yimɓe fuu, ɓe fuu boo ɓe maaydi bee maako.

Efesu'en 4:18

Hakkiilooji maɓɓe nyiɓɓi, ko'e maɓɓe caati daliila sooynde anndal maɓɓe. Ngam maajum ɓe cenndi bee ngeendam ɗam Allah hokkata.

Efesu'en 5:14

Ngam ko waŋgi fuu laatake annoora. Ngam maajum ɗum wi'a: “Fin, an ɗaaniiɗo, ummita e maayde! Nden kam Almasiihu yaynante.”

Kolossi'en 2:13

Naane, Allah ɗonno laara on bana maayɓe ngam daliila hakkeeji mooɗon e saadoniiku mon. Ammaa jonta o yeeɗitini on hawtaade bee Almasiihu. O yaafi hakkeeji meeɗen fuu.

1 Timote 5:6

Ammaa debbo jurumɗo ɗaɓɓanɗo ko ɓernde mum yiɗi tan, laati bana maayɗo, koo nde o geeto tawon.

1 Yuhanna 3:14

En anndi en ngurtake diga maayde, en nasti ngeendam, ngam en ngiɗi deerɗiraaɓe men. Ammaa mo walaa yiide, o ɗon jooɗi nder maayde tawon.

Wahayu Yuhanna 3:1

“Winndan malaa'ikaajo jama'aare nuɗɗinɓe haa Sardis ni'i: Ndaa koŋngol iwŋgol haa marɗo ruuhuuji Allah joweeɗiɗi e koode joweeɗiɗi: Mi anndi kuuɗe ɗe kuuwata. Yimɓe ɗon mbi'a a geeto, alhaali boo a maayɗo!