Efesu'en 1:4 - Fulfulde Bible

⁴ Diga o tagaayno duniyaaru tawon, o suɓi en nder Almasiihu haa en laato senaaɓe, ɓe ngalaa aybe yeeso maako nder yiide maako.

Fulfulde DC Bible

⁴ Diga o tagaayno duniyaaru tawon, o suɓi en nder Almasiihu haa en laato senaaɓe, ɓe ngalaa aybe yeeso maako nder yiide maako.

Efesu'en 1:4 Iomraidhean Croise

2 Samuyila 22:24

Mi walaa aybe yeeso maako, mi reenti taa mi waɗa hakke.

Jabuura 135:4

Jawmiraawo suɓani hoore mum Yaakubu, yimɓe Isra'iila ɓe yiɗaaɓe maako.

Esaaya 42:1

Jawmiraawo wi'i: “Ndaa suka am, mi jogoto mo, o cuɓaaɗo am mo yoŋki am seyorto ɗum. Mi waɗi Ruuhu am dow maako. O waŋginanan ummaatooje kiita ndarnuka.

Farillaaji Lewi'en 19:2

o wi'a jama'aare Isra'iila fuu ni'i: “Laate on senaaɓe, ngam min Jawmiraawo Allah mon mi ceniiɗo.

Farillaaji Lewi'en 20:7

Cene ko'e mon, laate on seniiɓe, ngam min woni Jawmiraawo Allah mon.

Matta 24:22

To Allah ustaayno limgal nyalɗe man, walaa koo gooto hisanno. Ammaa o usti ɗe ngam daliila suɓaaɓe maako.

Matta 24:24

Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji mawɗi ngam majjingo koo suɓaaɓe Allah, to ɗum heɓoto.

Matta 24:31

O nelan malaa'ika'en maako, ɓe puufan luwal maŋngal, ɓe mooɓtan suɓaaɓe maako wonɓe haa alkibilaaji duniyaaru nayi fuu diga keerol asama ngo'ol haa ngola.”

Matta 25:34

Nden laamiiɗo wi'an wonɓe haa nyaamo muuɗum: Ngare, onon barkiɗinaaɓe Baabiraawo am, ndone laamu taaskitinaaŋgu ngam mooɗon diga tageeki duniyaaru.

Yuhanna 10:16

Mi woodi baali goɗɗi, ɗi ngonaay nder waalde nde'e. Sey mi wadda ɗi kanji boo, ɗi nana sawtu am, ɗi laato tokkere woore, bee gaynaako gooto.

Yuhanna 15:16

Naa onon cuɓi yam, ammaa min suɓi on. Mi suɓi on, mi yowani on kuugal, ngam haa on njaha, on mbaɗa nafuuda, nafuuda mooɗon boo tabita, ngam haa ko on ƴamata haa Baabiraawo bee innde am fuu, o hokka on ɗum.

Yuhanna 17:24

Yaa Baabiraawo, yimɓe ɓe a hokki yam, mi yiɗi ɓe ngonda bee am haa ngonanmi, ngam haa ɓe ngi'a tedduŋgal am ngal a hokki yam, ngam a yiɗi yam diga duniyaaru tagaakano tawon.

Kuuɗe Nelaaɓe 13:48

Nde yimɓe ummaatooje nani ɗum, ɓe ceyi, ɓe maŋgti wolde Jawmiraawo. Taaskitinaaɓe diga ɓooyma ngam ngeendam nduumiiɗam fuu nuɗɗini.

Kuuɗe Nelaaɓe 18:10

ngam mi ɗon wondi bee ma. Walaa mo meemete, ngam mi woodi yimɓe ɗuuɗɓe nder berniwol ngo'ol.”

Roma'en 8:33

Moy foti wullaago suɓaaɓe Allah? Ngam Allah bee hoore mum adilini ɓe.

1 Korintu'en 1:8

Kaŋko o tabitinan on haa yotto timmoode, ngam haa laatooɗon bilaa feloore nyalaade Jawmiraawo meeɗen Yeesu Almasiihu.

Galaatiya'en 5:13

Deerɗam'en, Allah ewni on haa on laato rimɓe. Tan nii taa ndimu ngu'u laato hujja ngam yeeɗugo fodde suunooji mon, ammaa sey koo moy jaggano deerɗum bee yiide.

Galaatiya'en 5:22

Ammaa ko Ruuhu Allah rimata ɗum yiide e seyo e salaaman e munyal e enɗam e mbooɗeeŋga e hoolaare

Galaatiya'en 5:6

Ngam to goɗɗo ɗon nder kawtal bee Almasiihu, juulnol malla saadoniiku walaa saman. Nuɗɗinki baŋginanki yiide tan mari saman.

Efesu'en 2:10

Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

Efesu'en 3:17

haa Almasiihu jooɗo nder ɓerɗe mon daliila nuɗɗinki mon, on tabita dow yiide, on cemmbiɗa nder maare,

Efesu'en 4:2

Laate tum yaŋkiniiɓe e ɗelma-gikku'en e munyɓe, munyindire bee yiide.

Efesu'en 5:2

Ngeeɗe nder yiide bana no Almasiihu yiɗiri en, o hokki yoŋki maako ngam meeɗen. O lii'ani ki Allah bana kirsaaɗum, bana dokkal marŋgal uureeŋgol belŋgol.

Efesu'en 5:27

haa o darna jama'aare marnde tedduŋgal nde'e yeeso maako bilaa batte malla nyodi e ko nanndi, ammaa nde seniinde, bilaa aybe.

Filippi'en 2:15

ngam haa on laato laaɓɓe ɓe ngalaa aybe, on ɓiɓɓe Allah timmuɓe caka yimɓe faasiki'en, wonniiɓe ɓe'e. Njayne caka maɓɓe bana jayli haa duniyaaru.

Kolossi'en 1:22

Ammaa jonta, o sulhindiri on bee hoore maako bee maayde Ɓiɗɗo maako mo laati neɗɗo haa o darna on yeeso maako on senaaɓe, on ngalaa aybe, on ngalaa feloore.

Kolossi'en 2:2

ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

Kolossi'en 3:12

Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

1 Tessaloniiki'en 3:12

Jawmiraawo mawnina yiide wonnde hakkunde mooɗon, non boo heedi yimɓe fuu, haa nde nannda bee nde min ngiɗiri on bee muuɗum.

1 Tessaloniiki'en 4:7

Ngam Allah ewnaaki en haa en ngeeɗa nder daakaareeku, ammaa haa en ngeeɗa nder senaare.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

2 Timote 2:10

Ngam man mi ɗon munyana koo ɗume fuu daliila suɓaaɓe Allah, ngam haa kamɓe boo ɓe keɓa kisndam ngonɗam nder Yeesu Almasiihu e tedduŋgal duumiiŋgal.

2 Timote 2:19

Ammaa caɓɓawal cemmbiɗŋgal ngal Allah wallini, ɗon tabiti. Ndaa ko winnda dow maagal: “Jawmiraawo anndi yimɓe muuɗum.” Non boo: “Ewnotooɗo innde Jawmiraawo fuu, sey acca waɗugo halleende.”

Yaakuba 2:5

Deerɗiraaɓe am yiɗaaɓe, keɗite booɗɗum! Naa Allah suɓi laafuɓe duniyaaru ngam haa ɓe laato riskuɓe nder nuɗɗinki e ɓe ndona laamu ngu o iinani yiɗɓe mo na?

1 Piyer 1:2

On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!

1 Piyer 1:20

Allah suɓi mo diga duniyaaru tagaaka tawon, o waŋgini mo haa mooɗon nder balɗe ragareeje ɗe'e.

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

2 Piyer 3:14

Ngam man yiɗaaɓe am, nde nii on ɗon ndeena ɗum, kaɓde jooɗaago on laaɓɓe, bilaa aybe yeeso Allah haa on njooɗo nder salaaman bee maako.

1 Yuhanna 4:16

Enen kam en anndi yiide Allah ngam meeɗen, en nuɗɗini ɗum. Allah o yiide. Tabitɗo nder yiide ɗon tabiti nder kawtal bee Allah, Allah boo ɗon tabiti nder kawtal bee maako.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.

Wahayu Yuhanna 17:8

Ndabbaawa nga a yi'i, nga ɗonno naane, ammaa jonta nga walaa. Nga tammi wurtaago ngaska lugguka, nga dillan haa halkere. Jooɗiiɓe haa duniyaaru ɓe inɗe muuɗum'en mbinndaaka nder deftere ngeendam diga fuɗɗam duniyaaru kayɗinan to ɓe ngi'i ndabbaawa nga ngam nga ɗonno naane, nga walaa jonta, nga waŋgan fahin.