Efesu'en 1:18 - Fulfulde Bible

¹⁸ Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Fulfulde DC Bible

¹⁸ Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Efesu'en 1:18 Iomraidhean Croise

Ayuba 42:5

Nanɗe noppi tan, non mi nani haala ma, ammaa jonta, bee gite am mi yi'i ma.

Jabuura 119:18

Maɓɓitu gite am, haa mi yi'a kaayeefiiji nder tawreeta ma.

Esaaya 11:2

Ruuhu Jawmiraawo ɗon dow maako, ruuhu hikma e hakkiilo, ruuhu sawari e cuusal, ruuhu anndal e kulol Jawmiraawo.

Esaaya 29:10

Ngam Jawmiraawo waanji ruuhu ɗoyŋgol tedduŋgol dow mooɗon. O maɓɓi gite mon, waato annabi'en, o suddi ko'e mon, waato yi'ooɓe.

Esaaya 29:18

Nyalaade maajum, fahɓe nanan bolle deftere, wumɓe ngurtoto nyiɓre e jemma, ɓe mbumtan.

Esaaya 32:3

Nden kam gite waawɓe yi'ugo maɓɓataako fahin, noppi waawɓe nanugo boo keɗititto.

Esaaya 42:7

haa mbumtina wumɓe, ngurtina haɓɓaaɓe diga fursina, jooɗiiɓe nder nyiɓre boo diga yaŋgada muuɗum'en.

Esaaya 6:10

Saatin ɓerɗe yimɓe ummaatoore nde'e! Sukku ɓe noppi! Maɓɓu ɓe gite ngam taa ɓe ngi'a, taa ɓe nana, taa ɓerɗe maɓɓe paama, ɓe lorto, ɓe nyawnde.”

Matta 13:15

Ngam ɓerɗe yimɓe ɓe'e maatataa koo ɗume, ɓe cukki noppi maɓɓe, ɓe maɓɓi gite maɓɓe, ngam taa ɓe ngi'a, taa ɓe nana, taa ɓe paama, taa ɓe tuuba boo, ngam taa min mi yamɗitina ɓe.

Markus 10:17

Nde Yeesu ɗon yaha dow laawol, goɗɗo doggoy wari, tuggi koppi yeeso maako, ƴami mo: “Moodibbo booɗɗo, ɗume mi waɗata haa mi heɓa ngeendam nduumiiɗam?”

Luka 24:45

Nden o maɓɓitani ɓe faamu haa ɓe paama defte,

Kuuɗe Nelaaɓe 16:14

Gooto maɓɓe, Lidiya, iwɗo wuro Tiyatira, o piloowo limce boɗeeje marɗe saman, o dewoowo Allah. Jawmiraawo maɓɓiti ɓernde maako, haa o nani ko Pol wi'i bee hakkiilo.

Kuuɗe Nelaaɓe 26:18

ngam a maɓɓita gite maɓɓe, haa ɓe ngaylita ɓaawo haa nyiɓre, ɓe nasta haa annoora, ɓe ngurto diga les baawɗe Sayɗaanu, ɓe njaha haa Allah, ɓe keɓa yaafuye hakkeeji maɓɓe e geɗal ndonŋgu maɓɓe caka senaaɓe bee nuɗɗingo yam.”

Roma'en 11:29

Ngam Allah hoosititta dokke muuɗum, faasitittaa ewnaandu muuɗum.

Roma'en 2:4

Malla a ɗon yawo jeynitaaje mbooɗeeŋga maako ɗuuɗŋga e munyal maako? A anndaa no mbooɗeeŋga Allah ɗon ɗowe haa tuubu na?

2 Korintu'en 4:4

Ɓe nuɗɗintaa, ngam Sayɗaanu, ɗowanteeɗo duniyaaru ndu'u wumni hakkiilooji maɓɓe. O haɗi ɓe yi'ugo jayŋgol Linjiila baŋginanŋgol tedduŋgal Almasiihu, mo laati jaati Allah.

2 Korintu'en 4:6

Ngam Allah mo wi'no: “Sey annoora yayna nder nyiɓre”, acci annoora mum yayna nder ɓerɗe amin boo, ngam haa min annda tedduŋgal maako jaynanŋgal dow yeeso Almasiihu.

Galaatiya'en 5:5

Minin kam min ɗon tammi Allah adilinan min. Ɗum iwi haa nuɗɗinki, min ɗon ndeena ɗum bee baawɗe Ruuhu.

Efesu'en 1:11

Barka Almasiihu enen boo en keɓi geɗal kisndam meeɗen. Allah, baɗanɗo koo ɗume fuu fodde nufaye muuyo mum, suɓi en diga ɓooyma.

Efesu'en 1:7

Ngam daliila ƴiiƴam Almasiihu ndufaaɗam keɓɗen coottaari e yaafuye hakkeeji men fodde mo'ere Allah ɗuuɗnde.

Efesu'en 2:12

Saa'i man on ngonaayno nder Almasiihu, on laataakino yimɓe ummaatoore Isra'iila, on jananɓeno, on nastaayno nder alkawalji ɗi Allah haɓɓuno bee ummaatoore mum, on keɓaayno iinawol Allah. On ɗonno njooɗi nder duniyaaru ndu'u bilaa tammunde e bilaa Allah,

Efesu'en 3:16

Mi ɗon toro Allah fodde jeynitaare tedduŋgal mum, haa o semmbiɗina ɓerɗe mooɗon bee baawɗe Ruuhu maako,

Efesu'en 3:8

min laatiiɗo ɓaawoojo ɓaawo'en caka senaaɓe fuu. Ammaa Allah mo'ani yam, halfini yam waazu Linjiila haa ummaatooje, haa mi anndina ɗe jeynitaare Almasiihu ɗuuɗnde nde heɓtataake sam,

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 4:4

Woodi ɓanndu wooru e Ruuhu gooto non boo tammunde woore daliila ewnaandu ndu Allah ewnori on,

Efesu'en 5:8

Ɓooyma on ɗonno nder nyiɓre, ammaa jonta on ɗon nder annoora ngam daliila kawtal mon bee Jawmiraawo. Ngam maajum ngeeɗe bana yimɓe annoora,

Filippi'en 3:14

mi ɗon haɓda yottaago keerol daɗa-daɗa, haa mi heɓa keɓal ewnaandu ndu Allah ewnori yam nder Yeesu Almasiihu.

Kolossi'en 1:12

on ngetta Baabiraawo, ngam kaŋko waawni on heɓugo ndonŋgu ngu o yeɗani senaaɓe maako nder annoora.

Kolossi'en 1:23

Ammaa sey on tabita e on cemmbiɗa nder nuɗɗinki. Taa on acca koo ɗume sottina on dow tammunde nde keɓɗon haa Linjiila ka on nani. Linjiila ka'a waazinaama tagefooji fuu nder duniyaaru. Min Pol, mi gaazoowo ka.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Kolossi'en 1:5

daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Kolossi'en 2:2

ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

Kolossi'en 3:15

Almasiihu ewni on nder salaaman haa on laato ɓanndu wooru. Salaama ka laamo nder ɓerɗe mooɗon. Ngette mo tum.

1 Tessaloniiki'en 2:12

Min cemmbiɗini on, min tiɗɗini on, min umri on ngam haa on ngeeɗa fodde ngeendam ɗam fottanta Allah, mo ewni on haa on nasta laamu muuɗum e tedduŋgal muuɗum.

1 Tessaloniiki'en 5:8

Ammaa enen nde en yimɓe nyalawma, sey en laato hakkilɓe. En ɓorno nuɗɗinki e yiide bana sulke, tammunde heɓugo kisndam laatano en bana hufneere njamndi.

2 Tessaloniiki'en 1:11

Ngam man min ɗon torano on foroy, ngam haa Allah meeɗen tawa on heƴiiɓe ngam ewnaandu ndu o ewnori on. Bee baawɗe maako, o walla on hebbitingo anniyaaji mooɗon booɗɗi fuu, o timmitina kuugal nuɗɗinki mooɗon fuu boo.

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

1 Timote 6:12

Sey a haɓa haɓre nuɗɗinki woonde haa keɓa ngeendam nduumiiɗam. Allah ewni ma haa ngeendam man saa'i mbaɗɗa seedamku nuɗɗinki ma mbooɗŋgu yeeso seedooɓe ɗuuɗɓe.

Titus 2:13

En ɗon ndeena nyalaade barkiɗinaande nde tammuɗen. Nyalaade nde'e, Yeesu Almasiihu, waato Allah meeɗen Mawɗo, Kisnoowo, waŋgan nder tedduŋgal muuɗum.

Titus 3:7

ngam haa laatooɗen ronooɓe ngeendam nduumiiɗam ɗam tammuɗen, nde nii Almasiihu adilini en bee mo'ere mum.

Ibraniŋke'en 10:32

Ciftore no on njooɗori naane nder balɗe caaliiɗe, ɓaawo Allah yaynani on bee annoora muuɗum, on munyani boneeji naawɗi ɗuuɗɗi, ammaa ɗi ɓuraay on semmbe.

Ibraniŋke'en 6:4

To yimɓe ɓe meeɗi jooɗaago nder annoora Allah, metti dokkal iwŋgal diga asama, njaɓi Ruuhu Ceniiɗo, metti belɗum wolde Allah e baawɗe ɗe zamanuuru waranndu, nden ɓe lori ɓaawo, caɗɗum goɗɗo wartira ɓe haa ɓe tuuba fahin. Ngam kamɓe bee ko'e maɓɓe ɓe ɗon ɓila Ɓiɗɗo Allah haa leggal gaafaaŋgal fahin e ɓe ɗon lasbina mo yeeso yimɓe fuu.

1 Piyer 1:3

Ngetten Allah, Baabiraawo Jawmiraawo meeɗen Yeesu Almasiihu! O waɗani en enɗam ɗuuɗɗam, o laatini en danyaaɓe hesɓe barka ummitineeki Yeesu Almasiihu diga maayde. Ɗum hebbini ɓerɗe meeɗen bee tammunde gooŋgaare.

1 Piyer 3:9

Taa lorne halleende bee halleende malla kuudi bee kuudi. Ndikka on mbarkiɗina, kanjum Allah ewnori on haa ndonon barka.

1 Piyer 5:10

Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.