Daniyel 9:9 - Fulfulde Bible

⁹ An Jawmiraawo Allah, a mari hinnuye e yaafuye koo to minin min tuurtani ma.

Fulfulde DC Bible

⁹ An Jawmiraawo Allah, a mari hinnuye e yaafuye koo to minin min tuurtani ma.

Daniyel 9:9 Iomraidhean Croise

2 Samuyila 24:14

Daawuda jaabi Gada: “Huunde nde'e ɓillanake yam masin. Sey min njana nder juŋngo Jawmiraawo, ngam enɗam maako ɗuuɗi. Ammaa taa mi yana haa juuɗe yimɓe.”

1 Laamiiɓe 8:30

Nan tornde am e nde Isra'iila'en, ummaatoore ma toroto ma haa nokkuure nde'e. Yaa Jawmiraawo gonɗo haa asama, nan tornde amin haa ngonɗa ton e yaafa min.

Nehemiya 9:31

Ammaa ngam enɗam ma ɗuuɗɗam a nattinaay ɓe fuu, a wudinaay ɓe, ngam a Allah kinnotooɗo e enɗoowo yimɓe.

Jabuura 130:4

Ammaa haa maaɗa yaafuye woni, ngam haa yimɓe kule.

Jabuura 130:7

Onon Isra'iila'en, koole Jawmiraawo, ngam haa maako mbooɗeeŋga woni, o dimɗinoowo mawɗo.

Jabuura 62:12

Baawɗe fuu iwi diga Allah, mi nani o wi'i ɗum, naa nde woore tan.

Jabuura 86:15

Ammaa an, yaa Jawmiraawo, a Allah marɗo enɗam e hinnuye, mo tikkataa law, mo mbooɗeeŋga mum e gooŋgaaku mum ɗuuɗi.

Jabuura 86:5

Yaa Jawmiraawo, a booɗɗo, a jaafoowo. Koo moy tori ma, a waŋginanan ɗum mbooɗeeŋga ma ɗuuɗŋga.

Esaaya 55:7

Sey kalluɗo acca laawol mum, marɗo hakke acca numooji mum. O lorto haa Jawmiraawo, kaŋko boo o enɗan mo. O lorto haa Allah men, ngam o yaafoto ɗuuɗɗum.

Esaaya 63:7

Mi siftoran ko Jawmiraawo waɗi nder mbooɗeeŋga mum, mi siftoran kuuɗe maako maŋgteteeɗe ko o waɗani en fuu. O woonani Isra'iila mboondi ɗuuɗndi fodde hinnuye maako e mbooɗeeŋga maako.

Yeremiya 14:7

Yeremiya wi'i: “Hakkeeji amin ɗon ngullo min, yaa Jawmiraawo, ammaa wallu min ngam daliila innde maaɗa. Nde ɗuuɗɗum, min tuurtani ma, min mbaɗi hakkeeji dow maaɗa!

Ezekiyel 20:13

Ammaa yimɓe Isra'iila tuurtani yam nder ladde. Ɓe ɗowtanaaki farillaaji am, ɓe luuti kiitaaji am geeɗinanɗi tokkiiɗo ɗi fuu. Ɓe coɓni boo nyalɗe ciwtorɗe am nde ɗuuɗɗum. Mi taaskino rufugo tikkere am saatunde fuu dow maɓɓe nder ladde ngam nattingo ɓe.

Daniyel 9:5

Min mbaɗi hakke, min mbaɗi aybe, min mbaɗi halleende, min tuurtani ma, min acci laawol umrooje e kiitaaji ma.

Daniyel 9:6

Min nananaay jaggiiɓe ma annabi'en, wolwanɓe laamiiɓe amin e mawɓe amin e kaakiraaɓe amin e ummaatoore lesdi amin fuu bee innde ma.

Daniyel 9:7

Yaa Jawmiraawo, an a adiliijo, ammaa minin Yahuudu'en jooɗiiɓe nder Urusaliima e Isra'iila'en wonɓe nder lesɗe ɓadiiɗe e daayiiɗe fuu, min cemti hannde. A saŋkiti min ngam min zammbi ma.

Daniyel 9:8

Yaa Jawmiraawo, laamiiɓe amin e mawɓe amin e kaakiraaɓe amin, min cemti, ngam min mbaɗi hakke dow maaɗa.

Yonas 4:2

O tori Jawmiraawo: “Ayye, yaa Jawmiraawo! Na kanjum mbi'mi, wakkati mi ɗonno haa lesdi am tawon? Ngam maajum aartumi, ndoggumi yahugo Tarsis. Mi anndi a Allah marɗo enɗam e hinnuye, mo tikkataa law, mo mbooɗeeŋga mum ɗuuɗi, mo faasititta huuwugo sarru.