Daniyel 8:23 - Fulfulde Bible

²³ Haa timmoode laamuuji ɗi'i, to hakkeeji hakke'en ɓe'e keewi, laamiiɗo feere, elewɗo, ƴoyɗo ummoto.

Fulfulde DC Bible

²³ Haa timmoode laamuuji ɗi'i, to hakkeeji hakke'en ɓe'e keewi, laamiiɗo feere, elewɗo, ƴoyɗo ummoto.

Daniyel 8:23 Iomraidhean Croise

Laataanooji 15:16

Haa yidere nayaɓre, danygol maaɗa loroto haa ɗo, ngam jonta halleende Amoori'en heewtaay tawon.”

Balndi 1:6

ngam haa o faama balndi e haala lugguka, bolle hikma'en e annditanamji maɓɓe.

Ezekiyel 38:16

A waran dow Isra'iila ummaatoore am bana ruulde, ngam suddugo lesdi. Haa nyalɗe ragareeje njahranmaami dow lesdi am, haa ummaatooje anndammi, to mi huuwtiniri ma, yaa Gog, ngam mi waŋgina senaare am.

Ezekiyel 38:8

Ɓaawo duuɓi ɗuuɗɗi, mi nelete haɓoygo bee lesdi Isra'iila. Wakkati man, jooɗiiɓe haa lesdi man ndaɗi konu, ɓe acci lesɗe haa ɓe njooɗino. Ɓe kawtoyi dow kooseeje Isra'iila, luttunooɗe bilaa yimɓe duuɓi ɗuuɗɗi. Ɓe ngurti caka ummaatooje goɗɗe, ɓe fuu ɓe ɗon njooɗi ton nder jam.

Daniyel 10:14

Mi wari jonta ngam faamtingo ma ko heɓata ummaatoore ma yeeso ɗo ngam woodi boo wahayu ngam nyalɗe garanɗe ɗe'e.”

Daniyel 11:21

“Ɓaawo man goɗɗo jawaaɗo, mo he'aay teddineego, waɗan rikici, jaɓtan laamu saa'i ummaatoore ɗon nder de'itaare.

Daniyel 11:24

Nder de'itaare, o nastan nder geɓe lesdi ɓurɗe semmbe. O waɗan ton kuuɗe ɗe baabiraaɓe e kaakiraaɓe maako meeɗaay sam. Keɓal konu fuu boo o yeɗanan yimɓe maako. O numan boo dabareeji dow cuuɗi cemmbiɗɗi, ammaa ɗum neeɓan wakkati seɗɗa non.

Daniyel 7:11

Mi ɗon laara daliila bolle mawnitiiɗe ɗe luwal pamaral go wolwata. Saa'i mi ɗon laara, ndabbaawa nayaɓa go mbaraama, ɓanndu maaga sakkinaama nder yiite, nattinaama.

Daniyel 7:20

Mi yiɗi boo anndugo maana luwe sappo dow hoore maaga e maana luwal pamaral gurtiiŋgal ɓaawo maaje go, ngal do'i luwe tati, ngal woodi gite e hunnduko, ngal wolwi bolle mawnitiiɗe, jaati maagal ɓuri ngal luwe goɗɗe go.

Daniyel 7:25

O wolwan kalluka dow Allah Ɓaŋiiɗo, o toonyoto senaaɓe Allah boo. O anninan waylugo juulɗe e umrooje diina. Senaaɓe Allah hokkete haa juŋngo maako duuɓi tati e reeta.

Daniyel 7:8

Saa'i mi ɗon tiima luwe man, ngi'mi luwal feere pamaral ɗon wurto caka maaje, luwe tati ɗoofaama yeeso maagal. Ngal woodi gite bana ɗe neɗɗo, non boo hunnduko ngam wolwugo bolle mawnitiiɗe.

Daniyel 8:22

Luwe nayi gurtiiɗe haa pellel luwal aranal yaake ngal yewa, ɗum laamuuji nayi gurtotooɗi ummaatoore man, ammaa ɗi marataa baawɗe laamu aranu.

Daniyel 8:24

O semmbiɗan, ammaa naa bee baawɗe hoore maako. O huuwan halkere hayɗinannde, o heɓan jaalorgal nder kuuɗe maako. O nattinan semmbiɗɓe, non boo ummaatoore senaaɓe.

Daniyel 8:25

Daliila baawal rikici maako, o heɓan estugo yimɓe, o hafan, o halkan ɗuuɗɓe saa'i ɓe ɗon nder salaaman. O tuurtanan koo Laamiiɗo laamlaamɓe boo, ammaa o nattan – naa bee juŋngo neɗɗo.

Limle 24:24

Koommbooje ɗon ngara diga duunde Kitti'en. Ɓe torran Assuura e Eber, ammaa kamɓe boo halkere ukkanto ɓe.”

Matta 23:32

Nden kam kebbitine ko kaakiraaɓe mooɗon puɗɗuno!

Tooktaaki Tawreeta 28:50

Ɗum ummaatoore elewnde, yimɓe maare enɗataa koo ndotti'en e derke'en.

1 Tessaloniiki'en 2:16

ngam ɓe ɗon kaɗa min anndingo yimɓe ummaatooje goɗɗe habaru kisndam maɓɓe. Bana nii ɓe ɗon tokko hebbitingo hakkeeji maɓɓe wakkati fuu. Ammaa haa ragare man, tikkere Allah ukkani ɓe.

1 Timote 4:1

Ruuhu Allah wi'i laaɓɗum, nder nyalɗe ragareeje yimɓe woɗɓe accan nuɗɗinki, tokkoto ruuhuuji pewooji e ekkitinolji ginnaaji,

Wahayu Yuhanna 19:20

Ɓe naŋngi ndabbaawa, kaŋga e pewoowo bi'anɗo o annabiijo baɗɗo alaamaaji yeeso maaga. Bee maaji o zammbori marɓe maandorde ndabbaawa e sujidanɓe suura maaga. Ndabbaawa e pewoowo bi'anɗo o annabiijo cakkinaama bee yoŋki nder weendu yiite huɓɓanŋge bee baruudu.