Daniyel 8:17 - Fulfulde Bible

¹⁷ Jibirilla ɓaditi nokkuure nde mi ɗonno dari. Nde o wari, mi hultori masin, mi do'i, mi hippi haa lesdi. O wi'i yam: “Ɓii-Aadama, faamu ko ngi'ɗa ngam wahayu man laarani wakkati timmoode.”

Fulfulde DC Bible

¹⁷ Jibirilla ɓaditi nokkuure nde mi ɗonno dari. Nde o wari, mi hultori masin, mi do'i, mi hippi haa lesdi. O wi'i yam: “Ɓii-Aadama, faamu ko ngi'ɗa ngam wahayu man laarani wakkati timmoode.”

Daniyel 8:17 Iomraidhean Croise

Laataanooji 17:3

Abraama sujidi dow yeeso muuɗum. Allah tokki wi'ugo mo:

Ezekiyel 1:28

Jayŋgol man nanndi bee timotimooŋgal baŋganŋgal nder duule, saa'i iyeende ɗon toɓa. Bana non tedduŋgal Allah waŋgiri. Nde ngi'mi ɗum, mi sujidi, mi nani goɗɗo ɗon wolwa.”

Ezekiyel 2:1

O wi'i yam: “Ɓii-Aadama, dara dow kosɗe ma, haa mi wolwane.”

Ezekiyel 44:4

Nden goɗɗo go tokkini yam gal nastirde woylaare, yahri yam yeeso haykaliiru. Mi laari, ndaa, suudu Jawmiraawo heewi tedduŋgal maako. Mi sujidi.

Ezekiyel 6:2

“Ɓii-Aadama, waylitit yeeso ma gal kooseeje Isra'iila, waɗ annabaaku dow maaje.

Daniyel 10:11

Nden o wi'i yam: “Daniyel, a ɗuuɗa-samanjo. Umma, faamu ko mi wi'ete e dara haa nokkuure nde ngonɗa ngam Allah neli yam haa maaɗa.” Nde o wi'i ɗum, mi ummi mi dari, mi ɗon diwna.

Daniyel 10:16

Nden tagaaɗo nannduɗo bee neɗɗo meemi hunnduko am. Mi maɓɓiti hunnduko, mi waawi wolwugo fahin. Mi wi'i dariiɗo yeeso am: “Jawmam, cakle ukkanake yam e mi walaa semmbe fahin daliila wahayu man.

Daniyel 11:27

Nden laamiiɓe ɗiɗo ɓe nufoto kalluɗum, ɓe pewpewtiran koo to ɓe nyaamdan pellel gootel boo. Ammaa nufaye maɓɓe hiɓɓataa, ngam wakkati timmoode siwaa.

Daniyel 11:40

To wakkati timmoode yottake, laamiiɗo fombina ukkanto mo. Laamiiɗo woyla jippoto dow maako bee mootaaji pucci e wa'iiɓe pucci e koommbooje ɗuuɗɗe. O nastan lesɗe goɗɗe, o suddan ɗe bana maayo teelanŋgo, o saaloto.

Daniyel 12:13

An boo Daniyel, munyu haa timmoode. A maayan, ammaa a ummititto ngam keɓa geɗal ma haa timmoode zamanu.”

Daniyel 12:4

Daniyel, taa yeccu koo moy bolle ɗe'e, takku deftere nde'e haa wakkati timmoode wara. Ɗuuɗɓe ɗaɓɓan faamugo ko laatoto e faamu ɓesdoto.”

Daniyel 2:46

Nden laamiiɗo Nabukodonosor hippi haa yeeso Daniyel, sujidani mo. Nden o umri waddango mo dokke nyaamdu e uurle.

Daniyel 7:16

Mi ɓaditi gooto caka dariiɓe ton, mi tori mo o faamtinammi ko woni laaɓɗum nder man fuu. Kaŋko o fassitirani yam ngol, o wi'i:

Daniyel 8:15

Min Daniyel mi ɗon numta wahayu man haa mi faama ko ngi'mi. Nden tagaaɗo bana neɗɗo dari yeeso am.

Daniyel 8:19

Nden o wi'i: “Haa mi anndine no tikkere Allah timmirta ngam wakkati timmoode darnaama.

Daniyel 8:27

Min Daniyel mi somi masin, mi nyawi nyalɗe ɗuuɗɗe. Nden mi ummi, mi huuwi kuugal am ngam laamiiɗo. Wahayu ngu sakli yam, mi faamaay ɗum.

Daniyel 9:23

Saa'i a fuɗɗi toraago Allah, wolde iwi diga maako e mi wari yeccugo ma nde, ngam a ɗuuɗa-samanjo. Faamu wolde nde, faamu boo maana wahayu man:

Daniyel 9:27

Ardiiɗo go haɓɓan e tabitinan alkawal bee yimɓe ɗuuɗɓe ngam duuɓi joweeɗiɗi. Ɓaawo duuɓi tati bee reeta o haɗan lii'anaago Allah kirseteeɗi e dokke. Haa wakeere nyiddunde, nattinoowo daroto haa to timmoode nde Allah taynori yotti dow maako.”

Habakuk 2:3

Wahayu man hiɓɓan to saa'i man yottake, ammaa ɗum ɗon yaawana timmoode, ɗum walaa fewre. To ɗum neeɓi, a munyana ɗum. Ngam ɗum laatoto fakat, ɗum neeɓataa sam.

Matta 17:8

Ɓe ɓaŋgti gite maɓɓe, ɓe ngi'aay goɗɗo feere, sey Yeesu tan.

Wahayu Yuhanna 1:17

Nde mi yi'i mo, mi do'i yeeso maako bana maayɗo. O wallini juŋngo maako nyaamo dow hoore am, o wi'i: “Taa hul! Min woni arano e ragareejo.

Wahayu Yuhanna 22:8

Min Yuhanna mi nani, mi yi'i kuuje ɗe'e. Nde mi nani e mi yi'i ɗe, mi hofi yeeso malaa'ikaajo kolluɗo yam ɗe ngam mi sujidana mo.