Daniyel 8:15 - Fulfulde Bible

¹⁵ Min Daniyel mi ɗon numta wahayu man haa mi faama ko ngi'mi. Nden tagaaɗo bana neɗɗo dari yeeso am.

Fulfulde DC Bible

¹⁵ Min Daniyel mi ɗon numta wahayu man haa mi faama ko ngi'mi. Nden tagaaɗo bana neɗɗo dari yeeso am.

Daniyel 8:15 Iomraidhean Croise

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Daniyel 10:16

Nden tagaaɗo nannduɗo bee neɗɗo meemi hunnduko am. Mi maɓɓiti hunnduko, mi waawi wolwugo fahin. Mi wi'i dariiɗo yeeso am: “Jawmam, cakle ukkanake yam e mi walaa semmbe fahin daliila wahayu man.

Daniyel 10:18

Fahin nannduɗo bee neɗɗo go meemi yam, semmbiɗini yam,

Daniyel 10:5

Mi tijji dow, mi yi'i goɗɗo ɓorniiɗo limce daneeje, taadiiɗo taadorgol kaŋŋeeri Ufas.

Daniyel 12:8

Mi nani ko o wi'i, ammaa mi faamaay. Ngam maajum ƴammi: “Jawmam, noy kuuje ɗe'e timmirta?”

Daniyel 7:13

Jemma man ndaa boo ko ngi'mi nder wahayuuji am: Goɗɗo bana ɓii neɗɗo wardi bee duule. O yehi haa geeto diga ɓooyma go, woɗɓe njahri mo yeeso maako.

Daniyel 7:28

Haa ɗo haala man timmi. Min Daniyel hakkiilo am jiiɓi masin, yeeso am nyiɓɓi. Ammaa mi wi'aay ɗum koo moy.

Daniyel 8:1

Nder nduuɓu laamiiɗo Belsaccar tataɓu, min Daniyel, mi heɓi wahayu ɗiɗaɓu.

Daniyel 8:19

Nden o wi'i: “Haa mi anndine no tikkere Allah timmirta ngam wakkati timmoode darnaama.

Zekariya 1:9

Mi ƴami malaa'ikaajo bolidanɗo bee am: “Pucci ɗi'i ɗum ɗume, barkaama?” O jaabi yam: “Mi faamtinte haala maaji.”

Matta 13:36

Nden Yeesu acci yimɓe, nasti saare. Pukara'en ngari haa maako, mbi'i mo: “Sifana min balndol geene nder ngesa alkamaari go.”

Matta 24:15

“To on ngi'i nyidduɗum nattinoojum ko annabi Daniyel wolwino dow muuɗum ɗon dari haa nokkuure seniinde - mo jaŋngi ɗum, sey faama booɗɗum!

Matta 24:30

Nden alaama Ɓii-neɗɗo waŋgan haa asama. Saa'i maajum ummaatooje duniyaaru fuu mboyan, ɓe ngi'an Ɓii-neɗɗo ɗon wara dow duule asama, bee baawɗe ɗuuɗɗe e tedduŋgal maŋngal.

Markus 13:14

Yeesu wi'i boo: “On ngi'an ko wi'ete nyidduɗum nattinoojum ɗon dari haa pellel ngel haanaay ɗum daro. Mo jaŋngi ɗum, sey faama booɗɗum! Nden kam sey wonɓe lesdi Yahudiya ndogga haa kooseeje.

Markus 4:12

Ngam maajum ɓe ɗon ndaara, ammaa ɓe ngi'ataa. Ɓe ɗon nana, ammaa ɓe paamataa. Ngam taa ɓe lorto haa Allah, Allah boo yaafo ɓe.”

Yosuwa 5:14

Gorko oo jaabi: “Aa'a, min mi hooreejo honooɓe Jawmiraawo, jonta ngarmi.” Yosuwa tuggi koppi sujidani mo, wi'i: “Yaa jawmam, mi maccuɗo ma. Ɗume a umratammi?”

Wahayu Yuhanna 1:13

Caka jo'inirɗe ɗe'e, ngi'mi goɗɗo nannduɗo bee neɗɗo ɗon ɓorni limce juutɗe haa njotti teppe, o ɗon haɓɓi wiɓɓere maako bee taadorgol kaŋŋeeri.

Wahayu Yuhanna 13:18

Sey goɗɗo mara hikma ngam faamugo haala ka'a. Marɗo hakkiilo fiya lisaafi maana lammba ndabbaawa nga, ngam lammba man ɗon dari mbattudi innde neɗɗo. Lammba man woni teemeɗɗe joweego e cappanɗe joweego e joweego (666).