Daniyel 8:13 - Fulfulde Bible

¹³ Nden nanmi malaa'ikaajo ɗon wolwa. Malaa'ikaajo feere ƴami mo: “Haa ndey kuuje gi'aaɗe nder wahayu timmata? Haa ndey tuurtol nattinoowol duurata e kirseteeɗi nyalaade nyalaade mbilete? Ndey ɓe accata dammugo mooɓre konu asama e nokkuure seniinde?”

Fulfulde DC Bible

¹³ Nden nanmi malaa'ikaajo ɗon wolwa. Malaa'ikaajo feere ƴami mo: “Haa ndey kuuje gi'aaɗe nder wahayu timmata? Haa ndey tuurtol nattinoowol duurata e kirseteeɗi nyalaade nyalaade mbilete? Ndey ɓe accata dammugo mooɓre konu asama e nokkuure seniinde?”

Daniyel 8:13 Iomraidhean Croise

Jabuura 74:10

Yaa Allah, haa ndey wanyɓe min tokkoto jancugo min? Haa ndey konne'en tokkoto hallingo innde ma?

Jabuura 74:9

Ko hollata diina amin fuu majji, walaa annabiijo lutti, minin boo, walaa annduɗo ndey ɗum haaɗata.

Jabuura 79:5

Yaa Jawmiraawo, ndey accata ɓernango min? Ndey ɓernuki kaajal ma accata wulugo bana yiite?

Esaaya 28:18

Alkawal mooɗon bee waade fiistete! Kaɓɓotiral mooɗon bee joonde maayɓe tabitittaa. To masiibo nattinoowo ɗon saalo, o naman on.

Esaaya 6:11

Mi ƴami: “Haa ndeye ɗum timmata, yaa Jawmiraawo?” O jaabi: “Haa to berniiji laatake bille, walaa jooɗiiɓe ton, cuuɗi cooya yimɓe, lesdi laato ladde meere,

Esaaya 63:18

Wakkati seɗɗa ummaatoore ma senaande marno lesdi, ammaa jonta wanyɓe min njaaɓi suudu ma seniindu.

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Yeremiya 12:10

Ardiiɓe jananɓe ɗuuɗɓe mbonni ngesa inabooje am, njaaɓi maral am, laatini lesdi am mboondi ladde meere.

Daniyel 11:31

Honooɓe ɓe o neli ummoto, ɓe coɓnan nokkuure seniinde laatiinde hisrude. Ɓe kaɗan lii'anaago Allah kirseteeɗi nyalaade nyalaade, ɓe njo'inan ko wi'ete nyidduɗum nattinoojum.

Daniyel 12:11

Ɓaawo ɓe kaɗi lii'anaago Allah kirseteeɗi nyalaade nyalaade, ɓe njo'ini nyidduɗum nattinoojum boo, nyalɗe ujineere e teemeɗɗe ɗiɗi e cappanɗe joweenayi (1.290) caaloto.

Daniyel 12:8

Mi nani ko o wi'i, ammaa mi faamaay. Ngam maajum ƴammi: “Jawmam, noy kuuje ɗe'e timmirta?”

Daniyel 4:10

Fahin ndaa ko ngi'mi nder wahayuuji saa'i mi ɗonno dow be'itte am: Malaa'ikaajo aynoowo jippi diga asama,

Daniyel 4:13

Ɓernde maako nde neɗɗo waylo, laato ɓernde ndabbaawa, haa duuɓi joweeɗiɗi caalo.

Daniyel 4:23

Umroore accugo tuggere yiɗi wi'ugo: A heɓtan laamu maaɗa, to a annditi Allah mo asama o Jawmu koo ɗume fuu.

Daniyel 7:16

Mi ɓaditi gooto caka dariiɓe ton, mi tori mo o faamtinammi ko woni laaɓɗum nder man fuu. Kaŋko o fassitirani yam ngol, o wi'i:

Daniyel 7:23

Mo ɗon anndina yam maana go, wi'i: “Ndabbaawa nayaɓa ɗum laamu nayaɓu ngaranŋgu haa duniyaaru. Ngu nanndataa bee laamuuji goɗɗi fuu. Ngu nyaaman duniyaaru fuu, damman ndu e sampitan ndu.

Daniyel 9:27

Ardiiɗo go haɓɓan e tabitinan alkawal bee yimɓe ɗuuɗɓe ngam duuɓi joweeɗiɗi. Ɓaawo duuɓi tati bee reeta o haɗan lii'anaago Allah kirseteeɗi e dokke. Haa wakeere nyiddunde, nattinoowo daroto haa to timmoode nde Allah taynori yotti dow maako.”

Zekariya 14:5

On ndoggan gal waadiwol ceekŋgol caka towndiije go, ngam ngol yottoto Asal. On ndoggan bana kaakiraaɓe mooɗon ndoggirno daliila dimmbaaki lesdi nder zamanu Uzziya, laamiiɗo Yahuuda. Nden Allah Jawmiraawo am wardan bee seniiɓe muuɗum fuu.

Matta 11:27

Nden o wi'i: “Baabiraawo am halfini yam kuuje fuu. Walaa annduɗo Ɓiɗɗo sonaa Baabiraawo, walaa annduɗo Baabiraawo boo sonaa Ɓiɗɗo e mo Ɓiɗɗo yiɗi waŋginango mo fuu.

Matta 24:15

“To on ngi'i nyidduɗum nattinoojum ko annabi Daniyel wolwino dow muuɗum ɗon dari haa nokkuure seniinde - mo jaŋngi ɗum, sey faama booɗɗum!

Markus 13:14

Yeesu wi'i boo: “On ngi'an ko wi'ete nyidduɗum nattinoojum ɗon dari haa pellel ngel haanaay ɗum daro. Mo jaŋngi ɗum, sey faama booɗɗum! Nden kam sey wonɓe lesdi Yahudiya ndogga haa kooseeje.

Luka 10:22

Baabiraawo am halfini yam kuuje fuu. Walaa annduɗo moy woni Ɓiɗɗo sonaa Baabiraawo, walaa annduɗo boo moy woni Baabiraawo, sonaa Ɓiɗɗo e mo Ɓiɗɗo yiɗi waŋginango mo ɗum.”

Luka 21:20

“To on ngi'i honooɓe taarake berniwol Urusaliima, nden kam annde gibbineeki maagol ɓadake.

Luka 21:24

Ɓe mbareteeɓe bee kaafaaje, ɓe yahreteeɓe naŋngaaɓe caka ummaatooje fuu. Ummaatooje jananne njaaɓan Urusaliima haa to wakkati maɓɓe timmi.”

Yuhanna 1:18

Walaa mo meeɗi yi'ugo Allah. Ammaa Ɓiɗɗo bajjo, ɗakkotirɗo bee Baabiraawo, kaŋko anndini en mo.

Tooktaaki Tawreeta 33:2

O wi'i: “Jawmiraawo wari diga hooseere Sina bana naaŋge, fuɗi haa Se'ir ngam maɓɓe, o yaynani ɓe diga hooseere Paran. Malaa'ika'en ujine sappo ngardi bee maako. Tawreeta ngam maɓɓe ɗon bana jamre yiite haa juŋngo maako nyaamo.

1 Tessaloniiki'en 3:13

O semmbiɗina ɓerɗe mooɗon, ngam laatooɗon seniiɓe, ɓe ngalaa feloore yeeso Allah, Baabiraawo meeɗen, saa'i Yeesu, Jawmiraawo meeɗen loroyta bee seniiɓe mum fuu. Aamiina!

Ibraniŋke'en 10:29

Sakkomaa to goɗɗo yawake Ɓiɗɗo Allah, to o laari ƴiiƴam alkawal Allah ɗam laɓɓini mo bana huunde meere, to o huɗi Ruuhu mo'ere! Fakat, o heɓan kiita ɓurka hallugo.

1 Piyer 1:12

Allah waŋginani ɓe kubaruwol ngol o halfinani ɓe, ngol laataaki ngam maɓɓe, ammaa ngam mooɗon. Nelaaɓe waazinɓe on Linjiila ngecci on gooŋgaaji ɗi'i. Ɓe ngaazi on ɗi bee baawɗe Ruuhu Ceniiɗo iwɗo diga asama. Malaa'ika'en maa ngiɗi faamugo haala ka'a.

Yahuuda 1:14

Anuhu mo yeeɗi nder yidere joweeɗiɗawre haa danygol Aadamu, waɗi annabaaku dow maɓɓe diga ɓooyma, o wi'i: “Ndaa, Jawmiraawo waran bee malaa'ika'en muuɗum senaaɓe ujineeje ɗuuɗɗe

Wahayu Yuhanna 11:2

Ammaa taa foondu daldal gonŋgal yaasi haykaliiru, ngam ngal hokkaama haa ummaatooje goɗɗe. Ɓe njaaɓan berniwol ceniiŋgol lebbi cappanɗe nayi e ɗiɗi (42).

Wahayu Yuhanna 6:10

Ɓe ɗon ngooka bee sawtu, ɓe ɗon mbi'a: “Yaa Jawmiraawo, ceniiɗo, gooŋgaajo! Haa ndey min ndeenata haa a hiito jooɗiiɓe haa duniyaaru, a waato ngam ɓe mbari min?”

Alkaali'en 13:18

Malaa'ikaajo Jawmiraawo jaabi: “Ngam ɗume ƴamata innde am? Nde kaayeefiire.”