Daniyel 7:27 - Fulfulde Bible

²⁷ Ammaa laamu e baawɗe e maŋngu dow laamuuji duniyaaru fuu ndokkete haa ummaatoore senaaɓe Allah Ɓaŋiiɗo. Laamu maɓɓe duumoto haa abada abadin, marɓe baawɗe fuu njagganto mo e ɗowtanto mo.”

Fulfulde DC Bible

²⁷ Ammaa laamu e baawɗe e maŋngu dow laamuuji duniyaaru fuu ndokkete haa ummaatoore senaaɓe Allah Ɓaŋiiɗo. Laamu maɓɓe duumoto haa abada abadin, marɓe baawɗe fuu njagganto mo e ɗowtanto mo.”

Daniyel 7:27 Iomraidhean Croise

Jabuura 145:13

Laamu ma ɗum laamu nduumiiŋgu, laamu ma tabitan diga yidere haa yidere. Jawmiraawo o koolniiɗo nder bolle maako fuu, o booɗɗo nder kuuɗe maako fuu.

Jabuura 22:27

Yaŋkiniiɓe nyaaman, kaaran. Ɗakkotiranɓe bee Jawmiraawo maŋgtan mo, ɓe ngeeɗa haa foroy!

Jabuura 72:11

Laamiiɓe fuu cujidanan mo, ummaatooje fuu njagganto mo.

Jabuura 86:9

Ummaatooje ɗe tagɗa fuu, ngaran sujidango ma, teddinan innde ma, yaa Jawmiraawo.

Esaaya 14:2

Ummaatooje goɗɗe koocan e njahran ɓe haa lesdi maɓɓe, Jawmiraawo marnan ɓe ndi. Ton yimɓe ummaatooje ɗe'e laatoto maccuɓe e horɓe maɓɓe. Ɓe kaɓɓan haɓɓooɓe ɓe, ɓe laamoto dow ɓillooɓe ɓe.

Esaaya 54:3

Ngam a yaajan haa nyaamo e nano. Danygol ma heɓtan lesdi ndi ummaatooje nyaami ɗum, hebbinan berniiji geewaaɗi.

Esaaya 9:7

Jawmiraawo neli koŋngol dow danygol Yaakubu, ngol laarani Isra'iila.

Daniyel 2:44

Saa'i laamiiɓe ɓe'e, Allah mo asama darnan laamu feere ngu halkataa haa foroy. Walaa ummaatoore woɗnde hoosata laamu man. Ngu nattinan laamuuji goɗɗi fuu, ammaa kaŋgu ngu duumoto.

Daniyel 4:34

Min Nabukodonosor, jonta mi ɗon yetta, mi ɗon maŋgta, mi ɗon teddina Laamiiɗo asama. Kuuɗe maako fuu ɗe gooŋgaaje, laabi maako fuu laaɓi. O waawan leestingo mawnitiiɓe.”

Daniyel 6:26

Ɓaawo man laamiiɗo Dariyus winndi bataakewol yahugo haa yimɓe nder ummaatooje e asli e ɗemɗe duniyaaru fuu, wi'ugo ni'i: “Salaaman ɗuuɗana on!

Daniyel 7:14

O hokkaama baawɗe e tedduŋgal e laamu, yimɓe nder ummaatooje e asli e ɗemɗe fuu ɗon ɗowtano mo. Baawɗe maako nduumoto haa foroy, laamu maako wilataako sam!

Daniyel 7:18

Ammaa senaaɓe Allah Ɓaŋiiɗo keɓan laamu, njogititto ngu haa abada abadin.”

Daniyel 7:22

haa nde geeto diga ɓooyma wari, kiita boo gooŋɗini senaaɓe Allah Ɓaŋiiɗo e saa'i yottake haa ɓe mara laamu.

Obadiya 1:21

Rimɗinooɓe mba'oto hooseere Siyona ngam laamanaago kooseeje Isuwa. Jawmiraawo laatoto Laamiiɗo!

Zekariya 14:9

Nden Jawmiraawo laamanto duniyaaru fuu. Saa'i man kaŋko tan wonata Jawmiraawo, walaa goɗɗo maran innde nde'e.

Luka 1:33

O laamanto ummaatoore Isra'iila haa foroy, laamu maako timmataa sam.”

Yuhanna 12:34

Yimɓe mbi'i mo: “Min nani nder tawreeta no Almasiihu duumoto. Kadi noy a wi'rata: Haani Ɓii-neɗɗo ɓaŋgte? Moy woni Ɓii-neɗɗo man?”

1 Korintu'en 15:24

Nden timmoode waran. Yaake man Almasiihu halkan mawɓe asama e marɓe laamu e marɓe baawɗe fuu, nden o hokkitan laamu haa juŋngo Allah Baabiraawo.

Wahayu Yuhanna 11:1

Nden ɓe ndokki yam kewal poondirgal, ngal nanndi bee sawru. O wi'i yam: “Umma, foondu haykaliiru Allah bee hirsirde maaru, lim sujidooɓe nder maaru.

Wahayu Yuhanna 11:15

Nden malaa'ikaajo njoweeɗiɗaɓo fuufi luwal muuɗum. Mi nani sawtuuji cemmbiɗɗi nder asama, ɗi ɗon mbi'a: “Laamu duniyaaru laatanake Jawmiraawo meeɗen e Almasiihu muuɗum, o laamoto haa abada abadin!”

Wahayu Yuhanna 17:14

Ɓe kaɓan bee jawgel. Ammaa jawgel jaaloto ɓe, ngam kaŋgel woni Jawmiraawo jawmiraaɓe e Laamiiɗo laamiiɓe. Wonduɓe bee maako, ɓe ewnaaɓe e suɓaaɓe e hoolaaɓe, kamɓe boo ɓe njaaloto bee maako.”

Wahayu Yuhanna 19:16

Innde maako winndaama dow ngapaleewol e dow daŋngo maako: “Laamiiɗo laamiiɓe e Jawmiraawo jawmiraaɓe.”

Wahayu Yuhanna 20:4

Nden mi yi'i leese laamu. Jooɗiiɓe dow maaje keɓi baawɗe hiitaago. Mi yi'i yoŋkiiji ta'aaɓe ko'e daliila seedamku Yeesu e ngam wolde Allah. Mi yi'i boo yimɓe ɓe cujidanaayno ndabbaawa malla suura maaga, ɓe njaɓaayno maandorde ndabbaawa haa tiinde malla haa juŋngo. Ɓe ɗon ngeeɗi bee Almasiihu, ɓe ɗon laamo bee maako duuɓi ujineere.

Wahayu Yuhanna 22:5

Jemma waɗataa haa ton fahin, walaa mo marata haaje pittirla malla jayŋgol naaŋge, ngam Jawmiraawo Allah yaynanan ɓe bee annoora mum. Ɓe laamoto haa abada abadin.