Daniyel 7:15 - Fulfulde Bible

¹⁵ Min Daniyel, mi sakli masin, wahayuuji ɗi ngi'mi kulni yam.

Fulfulde DC Bible

¹⁵ Min Daniyel, mi sakli masin, wahayuuji ɗi ngi'mi kulni yam.

Daniyel 7:15 Iomraidhean Croise

Laataanooji 41:8

Nde weeti, hakkiilo maako sakli. O ewnoyi hiila'en e hikma'en Misra fuu. O yecci ɓe koyɗol maako, ammaa walaa koo gooto mo fassitirani mo ngol.

Yeremiya 17:16

Min mi meeɗaay yerɓugo ma a nela sarru dow maɓɓe. Mi yelaay nyalaade bone ngam maɓɓe. An a anndi ɗum, yaa Jawmiraawo. A anndi ko mbi'mi.

Daniyel 10:16

Nden tagaaɗo nannduɗo bee neɗɗo meemi hunnduko am. Mi maɓɓiti hunnduko, mi waawi wolwugo fahin. Mi wi'i dariiɗo yeeso am: “Jawmam, cakle ukkanake yam e mi walaa semmbe fahin daliila wahayu man.

Daniyel 2:1

Nder nduuɓu laamu maako ɗiɗaɓu, Nabukodonosor hoyɗi. Koyɗi ɗi'i cakli mo, o waawaay ɗaanaago.

Daniyel 2:3

O wi'i ɓe: “Mi hoyɗi e mi sakli, mi yiɗi faamugo ko mi hoyɗi.”

Daniyel 4:19

ɗum an, barkaama! A laati mawɗo, cemmbiɗɗo. Maŋngu ma mawni haa yotti asama, baawɗe laamu maaɗa boo yotti keeri duniyaaru.

Daniyel 4:5

Ɓaawoɗon Daniyel bi'eteeɗo Beltesacar, fodde innde ɗowanteeɗo am, wari yeeso am. Ruuhu ɗowanteeɓe seniiɓe ɗon nder maako. Mi wi'i mo koyɗol am.

Daniyel 7:1

Nder nduuɓu Belsaccar laamiiɗo Baabila aranu, Daniyel hoyɗi, yi'i wahayuuji saa'i o ɗonno waali dow be'itte maako. Ɓaawoɗon o winndi koyɗol man. Ndaa fuɗɗoode maagol:

Daniyel 7:28

Haa ɗo haala man timmi. Min Daniyel hakkiilo am jiiɓi masin, yeeso am nyiɓɓi. Ammaa mi wi'aay ɗum koo moy.

Daniyel 8:2

Nder wahayu man, mi ɗonno haa laamorde Suuza nder lesdi Elam. Nde mi ɗon laara wahayu man, mi ɗon dari haa maayo Ulay.

Daniyel 8:27

Min Daniyel mi somi masin, mi nyawi nyalɗe ɗuuɗɗe. Nden mi ummi, mi huuwi kuugal am ngam laamiiɗo. Wahayu ngu sakli yam, mi faamaay ɗum.

Habakuk 3:16

Mi nani ɗum. Ɓanndu am fuu ɗon diwna, hoolo maajum dimmbini hunnduko am, i'e am tampi, kosɗe am ɗon ndiwna les am. Mi ɗon reena nyalaade ɓillaare bee de'ere, haa nde wara dow ummaatoore hippotoonde min.

2 Piyer 1:14

Ngam mi anndi mi ɓadake accugo ɓanndu ndu'u, bana Jawmiraawo meeɗen Yeesu Almasiihu anndini yam bee laaɓɗum.