Daniyel 3:7 - Fulfulde Bible

⁷ Ngam maajum, nde yimɓe iwɓe haa ummaatooje e asli e ɗemɗe fuu nani hoolo kuuje gimruɗe go, ɓe tuggi koppi, ɓe cujidani suura kaŋŋeeri ka laamiiɗo Nabukodonosor darni.

Fulfulde DC Bible

⁷ Ngam maajum, nde yimɓe iwɓe haa ummaatooje e asli e ɗemɗe fuu nani hoolo kuuje gimruɗe go, ɓe tuggi koppi, ɓe cujidani suura kaŋŋeeri ka laamiiɗo Nabukodonosor darni.

Daniyel 3:7 Iomraidhean Croise

Yeremiya 51:7

Berniwol Baabila laati jardugel kaŋŋeeri nder juŋngo am haa wuykina duniyaaru fuu. Ummaatooje njari nguykinoojam maagol, haa ɓe laati bana yinnaaɓe.

Daniyel 2:46

Nden laamiiɗo Nabukodonosor hippi haa yeeso Daniyel, sujidani mo. Nden o umri waddango mo dokke nyaamdu e uurle.

Daniyel 3:10

A umri koo moy tugga koppi, sujidana suura kaŋŋeeri, saa'i to o nani hoolo kuuje gimruɗe go.

Daniyel 3:4

Goynoowo ɓaŋgti sawtu, hooli, wi'i: “Onon yimɓe iwɓe haa ummaatooje e asli e ɗemɗe fuu, nane umroore!

Daniyel 3:5

Saa'i on nani hoolo luwe e ciide e garayaaji e moolooji e hooduuji e algaytaaji e kuuje gimruɗe goɗɗe, tugge koppi yeeso suura kaŋŋeeri ka laamiiɗo Nabukodonosor darni, cujidane ka.

Daniyel 3:6

Koo moy tuggaay koppi mum, sujidanaay ka, o sakkinteeɗo jonta nder yiite ɓolinirde.”

Daniyel 3:8

Saa'i man Kaldiya'en woɗɓe ngari wullaago Yahuudu'en.

Kuuɗe Nelaaɓe 14:16

Naane o accino ummaatooje fuu tokko laabi muuɗum'en.

1 Yuhanna 5:19

En anndi en laati yimɓe Allah, koo nde duniyaaru fuu ɗon les baawɗe Kalluɗo.

Wahayu Yuhanna 12:9

Kuuŋga maapinndiiwa, waato mboodi nayeeri, nga ɓe mbi'ata Iblisa malla Sayɗaanu, zammboowo jooɗiiɓe haa duniyaaru fuu, sakkinaama haa lesdi, kaŋga e malaa'ika'en maaga fuu.

Wahayu Yuhanna 13:14

Nga zammbi jooɗiiɓe haa duniyaaru fuu bee waɗugo alaamaaji ɗi nga heɓi baawɗe waɗugo yeeso ndabbaawa aartuŋga go. Nga yecci jooɗiiɓe haa duniyaaru ɓe mbaɗa suura ndabbaawa naawnaaŋga bee kaafahi e yamɗiti go.

Wahayu Yuhanna 13:3

Mi yi'i woore haa ko'e ndabbaawa man, nde nanndi bana nde meeɗi naawneego haa daande maayde, ammaa huuduure man yamɗiti. Yimɓe duniyaaru fuu kayɗini, ɓe tokki ndabbaawa man.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.

Wahayu Yuhanna 17:8

Ndabbaawa nga a yi'i, nga ɗonno naane, ammaa jonta nga walaa. Nga tammi wurtaago ngaska lugguka, nga dillan haa halkere. Jooɗiiɓe haa duniyaaru ɓe inɗe muuɗum'en mbinndaaka nder deftere ngeendam diga fuɗɗam duniyaaru kayɗinan to ɓe ngi'i ndabbaawa nga ngam nga ɗonno naane, nga walaa jonta, nga waŋgan fahin.

Wahayu Yuhanna 19:20

Ɓe naŋngi ndabbaawa, kaŋga e pewoowo bi'anɗo o annabiijo baɗɗo alaamaaji yeeso maaga. Bee maaji o zammbori marɓe maandorde ndabbaawa e sujidanɓe suura maaga. Ndabbaawa e pewoowo bi'anɗo o annabiijo cakkinaama bee yoŋki nder weendu yiite huɓɓanŋge bee baruudu.