Daniyel 3:12 - Fulfulde Bible

¹² Ammaa Yahuudu'en Sadarak e Meesak e Abed-Nego ɓe a waɗi ɓe ardiiɓe mawɓe dow taƴre lesdi Baabila, kamɓe ɓe paalaay umroore nde a umri, barkaama. Ɓe teddinaay ɗowanteeɗo ma, ɓe cujidanaay suura kaŋŋeeri ka ndarnuɗa boo.”

Fulfulde DC Bible

¹² Ammaa Yahuudu'en Sadarak e Meesak e Abed-Nego ɓe a waɗi ɓe ardiiɓe mawɓe dow taƴre lesdi Baabila, kamɓe ɓe paalaay umroore nde a umri, barkaama. Ɓe teddinaay ɗowanteeɗo ma, ɓe cujidanaay suura kaŋŋeeri ka ndarnuɗa boo.”

Daniyel 3:12 Iomraidhean Croise

Asta 3:8

Nden Hamman wi'i laamiiɗo Ahasuwerus: “Woodi ummaatoore saŋkitiinde caka ummaatooje goɗɗe nder lesɗe laamu maaɗa fuu. Ɓe kawtataa bee woɗɓe. Umrooje maɓɓe potaay bee umrooje ummaatooje goɗɗe, ɓe ɗowtantaako umrooje maaɗa boo, barkaama. Haanaay a munyana ɓe, barkaama.

Balndi 27:4

Ɓernuki saati, tikkere nanndi bee maayo faccanŋgo, ammaa moy munyanta kaajal?

Gaazoowo 4:4

Nden mi yi'i daliila torra e goniiku neɗɗo nder kuugal mum fuu, ɗum kaajindirki. Kanjum boo ɗum meere, ɗum naŋngugo henndu.

Daniyel 1:7

Mawɗo saraaki'en hokki ɓe inɗe kese. O ewni Daniyel Beltesacar, Hananiya boo Sadarak, Miisayel boo Meesak, Azariya boo Abed-Nego.

Daniyel 2:48

Nden o teddini Daniyel, o saahi mo dokke mawɗe ɗuuɗɗe. O waɗi mo ngomna dow taƴre Baabila e ardiiɗo mawɗo dow hikma'en Baabila fuu.

Daniyel 2:49

Dow ƴamol Daniyel, laamiiɗo waɗi Sadarak e Meesak e Abed-Nego ardiiɓe mawɓe dow taƴre Baabila. Ammaa Daniyel bee hoore muuɗum jooɗi haa laamorde.

Daniyel 3:11

Mo tuggaay koppi, sujidanaay ka boo, o sakkinteeɗo nder yiite ɓolinirde.

Daniyel 3:16

Sadarak e Meesak e Abed-Nego njaabi mo: “Barkaama, walaa haaje min njaabe dow haala ka'a.

Daniyel 3:29

Jonta kam, ndaa ko mi umrata yimɓe nder ummaatooje e asli e ɗemɗe fuu: Mo wolwi bolle elewɗe dow Allah mo Sadarak e Meesak e Abed-Nego, terɗe maako ta'e geɓe geɓe, saare maako boo laato jiddere, ngam walaa ɗowanteeɗo feere mo waawata hisnugo bana nii.”

Daniyel 3:30

Ɓaawo man laamiiɗo ɓesdi mawningo baawɗe Sadarak e Meesak e Abed-Nego dow taƴre lesdi Baabila.

Daniyel 6:13

Nden ɓe njehi haa laamiiɗo ngam wolwango mo haala dooka go. Ɓe mbi'i: “Barkaama, naa a waɗani dooka ka'a lammba, nder nyalɗe cappanɗe tati taa goɗɗo toro huunde haa ɗowanteeɗo malla neɗɗo feere, sey haa maaɗa tan, to naa non, o sakkinteeɗo nder lowol barooɗe?” Laamiiɗo jaabi: “Nonnon, ka tabiti fodde umrooje Medi'en e Perezzi'en, ɗe ngaylataake.”

Daniyel 6:14

Nden ɓe mbi'i laamiiɗo: “Daniyel, gooto nder dahaaɓe Yahuuda, teddinaay ma, barkaama. O ɗowtanaaki dooka ka a waɗani ka lammba, nyalaade fuu o ɗon waɗa do'a maako nde tati.”

Kuuɗe Nelaaɓe 17:7

Yason boo weerni ɓe haa saare mum. Ɓe ngewi umrooje laamiiɗo Roma bee wi'go woodi laamiiɗo goɗɗo, bi'eteeɗo Yeesu.”

Kuuɗe Nelaaɓe 5:28

wi'i: “Min kaɗi on, taa on ngaazina ummaatoore bee innde gorko oo sam, ammaa ndaa ko on mbaɗi! On caŋkiti waazu mon haa Urusaliima fuu. On ngiɗi yowango min aybe mbareeki maako!”