Daniyel 11:45 - Fulfulde Bible

⁴⁵ O darnan laymaaji laamorde maako hakkunde beeli gal hooseere ɓurnde wooɗugo waato hooseere seniinde. Nden balɗe maako timman, walaa ballanɗo mo.”

Fulfulde DC Bible

⁴⁵ O darnan laymaaji laamorde maako hakkunde beeli gal hooseere ɓurnde wooɗugo waato hooseere seniinde. Nden balɗe maako timman, walaa ballanɗo mo.”

Daniyel 11:45 Iomraidhean Croise

Jabuura 48:2

Jawmiraawo o mawɗo! O maŋgteteeɗo masin nder berniwol Allah men, dow hooseere maako seniinde!

Esaaya 10:12

Ammaa Jawmiraawo wi'i: “To mi timmini kuugal am fuu haa hooseere Siyona e Urusaliima, mi hiitoto laamiiɗo Assuura ngam mawnitaare maako e elewre maako fuu.”

Esaaya 11:9

Walaa kalluɗum, walaa bonnuki dow hooseere Allah seniinde fuu, ngam duniyaaru heewan anndal Jawmiraawo bana mbeela heewirta ndiyamji.

Esaaya 14:13

A numi nder ɓernde ma: Mi eeŋgan haa asama, mi ɓaŋgtan leeso laamu am towɗum haa dow koode Allah, mi jooɗoto dow hooseere mooɓorde ɗowanteeɓe daayiiɗum haa woyla.

Esaaya 2:2

Haa nyalɗe ragareeje, Jawmiraawo tabitinan hooseere haykaliiru mum, nde towtan dow geereeje kooseeje, nde ɓaŋgoto dow towndiije. Nden jama'aaje fuu tokkoto wargo haa maare.

Esaaya 27:13

Nyalaade man goɗɗo fuufan luwal maŋngal. Majjuɓe haa lesdi Assuura e riiwaaɓe haa lesdi Misra, ɓe fuu ɓe ngaran sujidango Jawmiraawo dow hooseere seniinde haa Urusaliima.

Esaaya 65:25

Saafaandu e bortel ndurdan. Mbarooga nyaaman huɗo bana ngaari. Mboodi boo, mbulwuldi laatoto nyaamdu muuɗum. Halleende e nattere ngonataa dow hooseere am seniinde fuu.” Nii Jawmiraawo wi'i.

Esaaya 66:20

Ɓe ngaddantam deerɗiraaɓe mon diga ummaatooje fuu, ɓe laatanto Jawmiraawo dokkal. Ɓe ngaddan ɓe haa hooseere am seniinde, haa Urusaliima, dow pucci e mootaaji pucci e leese e alfadariije e geelooɗi, bana yimɓe Isra'iila ngaddirta dokke nyaamdu haa suudu am nder taasaaje laaɓɗe.

Ezekiyel 39:2

Mi dasete, mi wurtinte nokkuure ma daayiiɗum haa woyla, mi yahrete dow kooseeje Isra'iila.

Daniyel 11:16

Konneejo nastuɗo lesdi maɓɓe waɗan ko o yiɗi fuu, walaa mo waawata dartango mo. O daroto haa lesdi ɓurndi wooɗugo o nattinan ko o yiɗi fuu.

Daniyel 11:41

O nastan boo lesdi ɓurndi wooɗugo, o mbaran ton yimɓe ɗuuɗɗe. Ammaa lesɗe Edoom e Mo'ab e mawɓe Ammoon ndaɗan.

Daniyel 11:44

Ammaa ɓaawo man kubaruuji garanɗi diga fuunaaŋge e woyla kulnan mo. Ngam maajum o tikkan masin, o wurtoto ngam halkugo e nattingo yimɓe ɗuuɗɓe.

Daniyel 2:35

Bana non koo ɗume fuu fusi: Njamndi e loope e njamndi mboɗeeri e cardi e kaŋŋeeri. Ɗum fuu ɗum laati bana nyaande dow laarre wakkati codol, henndu saŋkiti ɗum, walaa ko lutti. Ammaa hayre fusnde suura go, mawni, laati hooseere mawnde, nde heewi duniyaaru fuu.

Daniyel 7:26

Nden kiita fuɗɗan, ɓe ɓortan mo, ɓe nattinan laamu maako fuu.

Daniyel 8:25

Daliila baawal rikici maako, o heɓan estugo yimɓe, o hafan, o halkan ɗuuɗɓe saa'i ɓe ɗon nder salaaman. O tuurtanan koo Laamiiɗo laamlaamɓe boo, ammaa o nattan – naa bee juŋngo neɗɗo.

Daniyel 9:16

Nde nii kuuɗe ma fuu ɗe adiliije, sottin tikkere ma saatunde dow berniwol ma Urusaliima, hooseere ma seniinde. Ngam daliila hakkeeji amin e zunuubaaji kaakiraaɓe amin, taariiɓe min fuu ɗon njanca Urusaliima e ummaatoore ma.

Daniyel 9:20

Diga mi ɗonno wolwa tawon, mi ɗon waɗa do'a, mi ɗon waŋgina hakkeeji am e ɗi Isra'iila'en ummaatoore am, mi ɗon toro Jawmiraawo Allah am ngam hooseere maako seniinde,

Yo'el 2:20

Konne'en iwɓe woyla, mi daaynan ɓe e mooɗon, mi riiwan ɓe haa lesdi njoorndi perewndi. Mooɓre maɓɓe aartunde ndiiwanmi haa mbeela fuunaaŋge, mooɓre maɓɓe sakkitiinde boo haa mbeela hiirnaaŋge. Kacceeŋga nyolki maɓɓe eeŋgan dow, ngam min Jawmiraawo mi huuwi kuuɗe mawɗe.

Mika 4:2

Jama'aaje ɗuuɗɗe njahan ton, mbi'an: “Ngare, mba'ooɗen dow hooseere Jawmiraawo, haa haykaliiru Allah Yaakubu, ngam haa o ekkitina en laabi maako, enen boo en tokko ɗi.” Ngam haa Siyona tawreeta iwi, wolde Jawmiraawo boo haa Urusaliima.

Zekariya 14:8

Nyalaade man ndiyam ndokkanɗam ngeendam ɓuloyan diga Urusaliima. Reeta maajam ilan haa mbeela fuunaaŋge, reeta boo haa mbeela hiirnaaŋge. Ɗam tokkoto ilugo nduŋngu e ceeɗu.

Limle 34:5

Ton boo ngol waylititto heedi maayel Misra, ngol haaɗan haa Mbeela.

2 Tessaloniiki'en 2:4

Kaŋko o dartanto koo ɗume ko laati ceniiɗum malla ko yimɓe cujidanta. O ɓurnan hoore maako dow man fuu. O jooɗoto maa nder haykaliiru Allah, o wi'an kaŋko woni Allah.

2 Tessaloniiki'en 2:8

Nden neɗɗo ɓurduɗo hallugo go waŋgan, mo Yeesu, Jawmiraawo meeɗen halkata bee poofɗe hunnduko mum. O halkan mo bee baŋguki mum saa'i o loroyto.

Wahayu Yuhanna 13:10

Mo hoddirana naŋngeego, o naŋngeteeɗo. Mo hoddirana mbareego bee kaafahi, o mbareteeɗo bee kaafahi. Ngam man sey senaaɓe Allah tiiɗa nder munyal e nuɗɗinki.”

Wahayu Yuhanna 20:2

O naŋngi Kuuŋga, mboodi nayeeri, waato Iblisa malla Sayɗaanu, o haɓɓi nga ngam duuɓi ujineere (1.000).

Wahayu Yuhanna 20:9

Ɗe caŋkititto haa duniyaaru fuu, ɗe taaroto saŋngeere senaaɓe Allah e berniwol ngol o ɓuri yiɗugo. Nden yiite jippoto diga asama, nyaaman ɗe.