Daniyel 11:33 - Fulfulde Bible

³³ Marɓe faamu, wonɓe caka ummaatoore paamtinan ɗuuɗɓe. Wakkati seɗɗa woɗɓe maɓɓe ɓe mbareteeɓe bee kaafahi malla bee yiite, woɗɓe ɓe ndaheteeɓe, woɗɓe boo ɓe njaɓtan kuuje maɓɓe.

Fulfulde DC Bible

³³ Marɓe faamu, wonɓe caka ummaatoore paamtinan ɗuuɗɓe. Wakkati seɗɗa woɗɓe maɓɓe ɓe mbareteeɓe bee kaafahi malla bee yiite, woɗɓe ɓe ndaheteeɓe, woɗɓe boo ɓe njaɓtan kuuje maɓɓe.

Daniyel 11:33 Iomraidhean Croise

Daniyel 12:10

Ɗuuɗɓe laaɓan, cenoto. Ammaa halluɓe tokkoto waɗugo kalluɗum, kamɓe fuu ɓe paamataa, sey marɓe faamu tan paamata.

Malakiya 2:7

Ngam kuugal limanjo ɗum ekkitingo anndal Allah. Yimɓe ɗaɓɓitan kiita haa maako, ngam o nelaaɗo Jawmiraawo honooɓe asama.

Matta 10:21

Yimɓe ndokkan deerɗiraaɓe muuɗum'en ngam mbareego, baabiraaɓe boo ɓikkoy muuɗum'en, ɓikkoy ummanto saaro'en muuɗum'en, mbara ɓe.

Matta 13:11

O jaabi ɓe: “Onon, Allah anndini on sirriiji laamu mum, ammaa kamɓe ɓe anndinaaka.

Matta 20:23

Yeesu jaabi ɓe: “Gooŋga, on njaran jardugel am, ammaa jooɗaago haa nyaamo malla haa nano am, naa min hokkata ɗum, ɗum ɗon ngam yimɓe ɓe Baabiraawo am taaskitini.”

Matta 24:9

Yimɓe naŋngan on, njahran on haa woɗɓe ngam ɓe torra on, ɓe mbara on. Ummaatooje fuu nganyan on daliila innde am.

Matta 28:20

Ekkitine ɓe haa ɓe tokko ko mi umri on fuu. Min mi ɗon wondi bee mooɗon nyalɗe fuu haa yotto timmuki duniyaaru.”

Yuhanna 16:2

Ɓe ngurtinan on cuuɗi dewal Yahuudu'en. Saa'iire waran, nde koo moy mbari goɗɗo mooɗon tammi o waɗi ko Allah yiɗi.

Kuuɗe Nelaaɓe 11:26

Nde o tawi mo, o yahri mo haa Antakiya. Ɓe njooɗi ton hitaande woore, ɓe njehi haa kawte jama'aare nuɗɗinɓe, ɓe ekkitini ummaatoore ɗuuɗnde. Haa Antakiya, nuɗɗinɓe aarti wi'eego Masiihiŋke'en.

Kuuɗe Nelaaɓe 14:21

Pol e Barnabas ngaazi Linjiila haa Derbe haa ɗuuɗɓe njaɓi tokkaago Yeesu. Nden ɓe lorti haa Listira e Ikoniya e Antakiya nder Pisidiya.

1 Korintu'en 4:9

Ammaa mi tammi minin nelaaɓe, Allah waɗi min ɓaawo'en bana hiitaaɓe ngam mbareego. Min laatake bana huunde fijirteende yeeso duniyaaru, yeeso malaa'ika'en e yimɓe.

2 Timote 1:12

Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

2 Timote 4:6

Ngam min kam, mi laatake bana dokkal dufeteeŋgal, saa'i dilluki am waɗi.

Ibraniŋke'en 11:34

ɓe nyifi yiite wulŋge jaw, ɓe kisi mbareego bee kaafahi. Ɓe tampi, ammaa ɓaawoɗon ɓe keɓi semmbe. Ɓe laati waawɓe nder konu, ɓe parti jananɓe honooɓe.

Wahayu Yuhanna 1:9

Min Yuhanna, deerɗiraawo mooɗon, kawtuɗo bee mooɗon nder torra e laamu Allah e tiiɗal nder Yeesu, mi ɗonno haa duunde wi'eteende Patmos ngam daliila wolde Allah e seedamku Yeesu.

Wahayu Yuhanna 17:6

Mi yi'i debbo oo wuyki bee ƴiiƴam senaaɓe Allah e bee ƴiiƴam seedooɓe Yeesu. Nde mi yi'i mo, mi hayɗini masin.

Wahayu Yuhanna 2:13

Mi anndi haa njooɗiiɗa, haa leeso laamu Sayɗaanu woni. Ammaa a ɗon ɗakkotiri booɗɗum bee am, a accaay nuɗɗingo yam, koo nder zamanu Antipas, ceedoowo am gooŋgaajo mo ɓe mbari caka mooɗon, haa joonde Sayɗaanu woni.

Wahayu Yuhanna 6:9

Nde jawgel takkiti takkannde jowaɓre, mi yi'i les hirsirde, yoŋkiiji mbaraaɓe ngam daliila wolde Allah e seedamku ngu ɓe ceedi.

Wahayu Yuhanna 7:14

Mi jaabi mo: “Naywa an woni annduɗo.” O wi'i yam: “Kamɓe ɓe munyani torra makka. Ɓe looti ngapaleeji maɓɓe, ɓe ndanwini ɗi bee ƴiiƴam jawgel.